Yeshaya 1:19 - Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Binuikala ne mitshima ya kuenza malu anyi ne ya kutumikila dî dianyi, nenudie bintu bimpe bia mu buloba;

MUKANDA WA MYIDI MUKULU

¹⁹ Eyowa, panuikala bakumbaje mikenji yanyi, panuikala banteleje, nenudie bintu bimpe bia mu ditunga dienu.

Yeshaya 1:19 Referans Kwoze

Yeshaya 3:10

Nuambile bantu bakane dî edi ne, Nenuikale ne diakalengele; bua nebadie mamuma a bienzedi biabo.

Yowele 2:26

Nenudie bintu bikumbane, nenukute; nenutumbishe dina dia Yehowa Nzambi wenu, wakunuenzela malu a kukema; ne bantu banyi kabena bafuishibua bundu kabidi kashidi.

Ebrewu 5:9

Hakavuishibueye ne buakane buonso, yeye wakalua muenzeshi wa luhandu lua tshiendelele kudi bonso badi bamutumikila;

Dielulula 28:1

Binuananukila kutumikila mei a Yehowa, Nzambi wenu, bua kuenza mikenji yandi yonso indi nnuambila lelu, hashishe Yehowa, Nzambi wenu, neanuteke ku mutu kua bisamba bionso bia hanshi ha buloba;

Yeshaya 25:6

Mu mukuna eu Yehowa wa misumba nealongoluele bantu bonso bidia bia disanka bia manyi, bidia bia disanka bia nvinyo muladike ndala, bia kudia bia manyi bisangisha ne buongo bua mu mifuba, bia nvinyo muladike ndala mulengeshibue bimpe.

Yeshaya 65:13

Nunku Mukelenge Yehowa udi wamba ne, Tangilai, bantu banyi nebadie, kadi nuenu nenuikale ne nzala; tangilai, bantu banyi nebanue, kadi nuenu nenuikale ne nyota; tangilai, bantu banyi nebasanke, kadi nuenu nenufuishibue bundu;

Yirmeya 7:5

Bualu bua binalongolola bienzedi bienu ne malu enu ne bilongolola dimpe tshishiki, binualumbulula bilumbu bia hankatshi ha muntu ne muena mutumba nʼandi ne kulumbulula kuakane tshishiki,

Yirmeya 21:8

Wambile bantu aba ne, Yehowa udi wamba ne, Tangilai, ndi nteka nshila wa muoyo ne nshila wa lufu ku mpala kuenu.

Agayi 1:12

Hashishe, Zelubabela, muana wa Shalatiele, ne Yoshua, muana wa Yehosadaka, muakuidi wa ha mutu ha bakuabo, ne bantu bonso bakadi bashala, bakatumikila dî dia Nzambi wabo, ne mei a muprofete Hagai, bualu bua Yehowa Nzambi wabo, wakamutuma; ne bantu bakadi batshina ku mpala kua Yehowa.

Lewitiki 25:19

Buloba nebukuame bintu bia bungi, nuenu nenukute mafu tente, nenushikame bienu talala.

Lewitiki 26:3

Binualonda mei, anyi binuatumikila mikenji yanyi, binuayenza,

Lewitiki 26:5

Tshikondo tshidibo bashehula bintu netshikale tô ne ku tshikondo tshidibo bahuola mamuma a mitshi, ne tshikondo tshidibo bahuola mamuma netshikale tô ne ku tshikondo tshidibo bakuna bintu, nenukute mafu tente ne bia kudia, nenushikame mu buloba buenu talala.

Yeshaya 58:14

nunku newikale ne disanka mu Yehowa, ne meme nenkuendeshe ha mutu ha mikuna ya ha buloba. Nenkudishe ne buhianyi bua Yakoba, tatu webe, bualu bua mukana mua Yehowa muakuamba nunku.

Yirmeya 7:3

Yehowa wa misumba, Nzambi wa Isalele, udi wamba ne, Longololai bienzedi bienu ne malu enu bimpe, ne nennushikamishe mu muaba eu.

Yirmeya 7:7

nennushikamishe mu muaba eu bimpe, mu buloba bunakaha bankambua benu, ku dituku adi tô ne tshiendelele.