Yakobe 5:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Nunku, bana betu, nuikale ne lutulu tô ne halua Mukelenge. Monai tshidime udi windila mamuma a mushinga mukole a ha buloba, muikale ne lutulu bua bualu buau tô ne halokelau nvula ya diambedi ne yalua ku nyima.

MUKANDA WA MYIDI MUKULU

⁷ Bana hetu, ikalayi ne lutuulu too ne pafika Mfumu. Monayi mudi tshidime windila ne lutuulu biakudia bidibu nabi dikenga menemene, too ne diba didi buloba mua kubipatula. Udi utekemena mvulambedi ne wa ndekelu.

Yakobe 5:7 Referans Kwoze

Yowele 2:23

Nuenu bana ba balume ba mu Siona, sankai bienu, ikalai ne disanka mu Yehowa Nzambi wenu; bualu bua yeye udi untokeshila nvula mbedi, udi untokeshila nvula ya bungi, nvula mbedi ne nvula mishishe, bu muakenzeye diambedi.

Ngalate 6:9

Katuhangi mu kuenza kua malu mimpe; bualu bua halua tshikondo tshia kuahuola netuahuole bituikala katui tubanga.

Dielulula 11:14

hashishe nentume nvula ha buloba buenu mu tshidimu tshia nvula, ne nvula ya mbedi ne nvula ya ku nyima; nenumanye mua kuhuola manvua enu ne kukama nvinyo mihia-mihia ne manyi enu.

Kolose 1:11

ne bua nuenu mikoleshibue ne bukole buonso, bu mudi bukole bua butumbi buandi, tô ne ku dinanukila dionso ne ku lutulu lusangisha ne disanka.

Ebrewu 6:15

Nunku, bualu bua yeye wakananukila kuikala ne lutulu, wakaheta mulayi.

Rome 2:7

Badi bakeba butumbi ne buneme ne malu adi kâl manyanguka, ku dinanukila diabo mu mudimu muimpe, neabafute muoyo wa tshiendelele.

Ngalate 5:5

Tuetu, bualu bua Nyuma udi utukuatshisha, ku ditabusha tudi tuindila buakane butudi tutekemena,

Yirmeya 5:24

Kabena bamba mu mitshima yabo ne, Tutshine Yehowa Nzambi wetu, udi untokeshila nvula, ne nvula ya diambedi ne nvula mishishe, mu bikondo biai; udi utulamina mbingu yakutusunguileye bua tuetu kuhuola bintu bia kudia.

1 Tesalonike 2:19

Bua ditekemena dietu didi tshinyi, anyi disanka dietu, anyi tshifulu tshia butumbi? Kabiena nuenu nkayenu, anyi, ku mpala kua Mukelenge wetu Yesu ku dilua diandi?

Matayi 24:44

Nunku nuenu kabidi nudilongolole, bualu bua Muana wa muntu nealue ha diba dinudi kanui belangane meshi.

Osheya 6:3

Tumumanye bietu, tunanukile kukeba kumanya Yehowa. Kulua kuandi kudi kujadikibua bulelela bu mudi butuku butshia; nealue kutudi bu nvula mbedi, bu mudi nvula mishishe iloka ha buloba.

1 Tesalonike 3:13

bua yeye ajadike mitshima yenu kayi ne bualu mu malu a tshijila ku mpala kua Nzambi udi kabidi Tatu wetu, ku dilua dia Mukelenge wetu Yesu Kilisto ne basanto bandi bonso.

Matayi 24:27

Bu muele wa nvula udi uhenya ku esete, ne udi umueneka ku wesete; kulua kua Muana wa muntu nekuikale nunku.

Rome 15:4

Bua malu onso akafundabo diambedi akafundibua bua kutuyisha, bua tuetu tuikale ne ditekemena bua ditantamana dietu ne bua busambi bua mu Mukanda wa Nzambi.

Zekâya 10:1

Lombai Yehowa nvula mu tshikondo tshia nvula mishishe. Yehowa udi uhenyisha miele ya nvula, udi ulokeshila bantu nvula ya bungi, udi umeneshila muntu yonso midioko mu budimi buandi.

2 Petro 3:4

bamba kabidi ne, Mulayi wa dilua diandi udi hanyi? Bualu bua katshia batatu balala tulu, malu onso adi ashala momumue bu muakadiu ku tshibangidilu tshia bufuki.

1 Tesalonike 1:3

katui tulekela kuvuluka mudimu wenu wa ditabusha ne mudimu wenu mukole wa dinanga ne dinanukila dienu dia mu ditekemena dia Mukelenge wetu Yesu Kilisto, ku mesu kua Nzambi udi kabidi Tatu wetu.

1 Korente 1:7

Nunku kanuena nuhanga mu tshihedi tshimue; nudi nuindila dimueneka dia Mukelenge wetu Yesu Kilisto.

Luke 21:27

Hashishe nebamone Muana wa muntu ulua mu ditutu ne bukole ne butumbi bunene.

Luke 18:8

Ndi nuambila ne, Neabasombuele lubilu. Kadi halua Muana wa muntu, neasangane ditabusha ha buloba, anyi?

Luke 8:15

Au a mu buloba buimpe adi bu bantu bakunvua dî mu mitshima mimpe ne ya kalolo, badi badilama bikole, badi bavudisha maminu bua dinanukila diabo.

Matayi 16:27

Muana wa muntu nealue mu butumbi bua Tatu wandi ne banjelo bandi; dituku adi neafute muntu yonso bu muakenzenzeye.

Matayi 16:28

Bulelela, ndi nuambila ne, Bakuabo badi bimana aha kabena bafua tô ne hamonabo Muana wa muntu ulua mu bukelenge buandi.

Yowanane 21:22

Yesu wakamuambila ne, Binasua bua ashale ne muoyo tô ne hanalua, mbualu buebe, anyi? Wewe undonde.

Yowanane 21:23

Dî edi diakatangadika munkatshi mua bana babo ba mu Kilisto ne, Muyidi eu kena ufua; kadi Yesu kakamba ne, Yeye kena ufua; wakamba ne, Binasua bua ashale ne muoyo tô ne hanalua, mbualu buebe, anyi?

Yakobe 4:11

Kanusonguelanganyi, bana betu. Muntu udi usonguela muanʼabo wa ma Kilisto, anyi udi ulumbuluisha muanʼabo wa mu Kilisto, yeye udi usonguela mikenshi, udi ulumbuluisha mikenshi, kadi biwalumbuluisha mikenshi, wewe kuena muenji wa mikenshi kadi udi mulumbuluishi wai.

Yakobe 5:3

Ngolo yenu ne argent yenu yakukuatshibua mamoma; mamoma ai neikale tshimanyishilu kunudi, neadie mibidi yenu bu kahia. Nuakudibutshila bintu mu matuku a kunshikidilu.

Yakobe 5:10

Bana betu, nutangile baprofete bakamba mu dina dia Mukelenge bu tshimanyinu tshia ditantamana dia mu makenga ne tshia lutulu.