Yakobe 2:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Kadi binuenza mukenshi wa butumbi, udi mufunda mu Mukanda wa Nzambi ne, Sua mukuenu bu mûdi mudisue, nudi nuenza bimpe;

MUKANDA WA MYIDI MUKULU

⁸ Bushuwa, nudi nuenza bimpe, panudi nutumikila mikenji ya Bukalenga, mudi Mukanda wa tshijila uyilongesha ne: “Unange muntu nebe, bu muudi mudinange.”

Yakobe 2:8 Referans Kwoze

Lewitiki 19:18

Kudisombuedi, kuikadi ne lukuna kudi bana ba bana benu, kadi sua mukuenu bu mûdi mudisue, meme ndi Yehowa.

Ngalate 5:14

Bualu bua mikenshi yonso idi misangisha mu dî dimue, ndî edi ne, Sua mukuenu bu mûdi mudisue.

Yakobe 2:12

Nuikale nuambe ne nuikale nuenze bu bantu badi bamba kulumbuluishibua kudi mukenshi wa budishikaminyi.

Matayi 22:39

Muibidi udi mufuanangane nʼau ne, Sua mukuenu bu mûdi mudisue.

Ngalate 6:2

Nuambuishangane majitu enu, nunku nutumikile mikenshi ya Kilisto.

Lewitiki 19:34

Muenyi udi ushikama munkatshi muenu ikale bu muntu udi muledibue mu nsubu yenu, numusue bu munudi badisue, bualu bua nuenu nuakadi benyi mu buloba bua Ejipitu meme ndi Yehowa, Nzambi wenu.

1 Petro 2:9

Kadi nuenu nudi tshisamba tshisungudibua, ne bakuidi ba bukelenge, ne tshisamba tshia tshijila, bantu badi bikale ba Nzambi muine, bua nuenu nuambe bua buimpe bua Nzambi wakanubikila bua kunuhatula mu mîdima bua kunubuesha mu munya wandi wa dikema.

Yakobe 1:25

Kadi udi utangilatangila mikenshi miakane tshishiki ya budishikaminyi, ne udi ushalamu, kai muikale munvui udi uhua muoyo, kadi muikale muenji wa mudimu udi uwenza, muntu eu neikale ne disanka mu kuenza kuandi.

Yona 4:4

Yehowa wakamba ne, Udi wenza bimpe haudi ukuata tshiji nunku, anyi?

2 Bakalenga 7:9

Hashishe bakamusangana ne, Katuena tuenza bimpe, bualu bua edi ndituku dia lumu luimpe, ne tuetu tudi bahuwe. Bituajingakana tô ne hatshiabu, dikenga neditukuate; nunku tuye bietu kumanyisha ba mu nsubu wa mukelenge.

1 Tesalonike 4:9

Kadi bualu bua dinangangana dia bana babo ba mu Kilisto, kanuedi ne bualu bua muntu anufundile dî; bualu bua nuenu nudi bayishibue kudi Nzambi bua kunangangana.

Filipe 4:14

Kadi nuenu nuakenza bimpe hanuakadi nʼanyi ne buobumue mu dikenga dianyi.

Matayi 25:23

Mukelenge wandi wakamuambila ne, Bimpe, muana wanyi muimpe ne muntumikidi, wewe wakadi untumina hawakadi ha mutu ha bintu bikese, nenkuteke ha mutu ha bintu bia bungi, buela mu disanka dia mukelenge webe.

Yona 4:9

Nzambi wakebesha Yona ne, Udi wenza bimpe haudi ukuata tshiji nunku bua mudiantondo, anyi? Yeye wakamuandamuna ne, Ndi ngenza bimpe bua kuikala nʼatshi tô ne ku lufu.

1 Bakalenga 8:18

Kadi Yehowa wakambila Davidi tatu wanyi ne, Wewe wakenza bimpe hawakela meji mu mutshima webe bua kuashila dina dianyi nsubu;

Yakobe 2:19

Wewe udi witabusha ne, Nzambi udi umue; udi wenza bimpe; bademon badi bitabusha kabidi, badi bazakala.

Matayi 25:21

Mukelenge wandi wakamuambila ne, Bimpe, muana wanyi muimpe ne muntumikidi, wewe wakadi untumikila hawakadi ha mutu ha bintu bikese, nenkuteke ha mutu ha bintu bia bungi, buela mu disanka dia mukelenge webe.

Matayi 7:12

Nuenzele bantu malu onso anudi basue bamuenzele, bualu bua mikenshi ya Mose ne mei a baprofete bidi nunku.

Rome 13:10

Luse kaluena luenzela mukuabo bubi; nunku luse ludi tshiuwidi tshia mikenshi.

Yakobe 4:11

Kanusonguelanganyi, bana betu. Muntu udi usonguela muanʼabo wa ma Kilisto, anyi udi ulumbuluisha muanʼabo wa mu Kilisto, yeye udi usonguela mikenshi, udi ulumbuluisha mikenshi, kadi biwalumbuluisha mikenshi, wewe kuena muenji wa mikenshi kadi udi mulumbuluishi wai.