Yakobe 1:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Muntu udi utantamana mu mateyi udi ne disanka; bualu bua hakamanabo kumujadika, neangate tshifulu tshia butumbi tshia muoyo tshiakalaya Mukelenge badi bamunanga.

MUKANDA WA MYIDI MUKULU

¹² Muntu udi ulama ditaba padibu bamuteta, mmuena diakalenga. Yeye mumane kuleja muoyi mukole, neapete nsala wa kalumbandi. Nsala awu ke muoyi udi Mvidi Mukulu mulaye bonsu badi bamunanga.

Yakobe 1:12 Referans Kwoze

1 Petro 5:10

Ne Nzambi wa ngasa yonso, wakanubikila mu butumbi buandi bua tshiendelele bua mu Kilisto, hanuamana kukenga musangu muihi, yeye muine neanuakashe tshishiki, neanujadike, neanukoleshe.

Didimanyisha 2:10

Kutshinyi malu audi wamba kukenga nʼau. Mona, diabolo udi wamba kuela bakuabo ba munkatshi muenu mu lukanu bua nuenu nutetshibue, ne nenuikale ne dikenga dia matuku dikumi. Wikale biebe ne dieyemena tô ne ku lufu, nunku nenkuhe tshifulu tshia butumbi tshia muoyo.

Yakobe 5:11

Monai, tudi tuidika bantu bakadikankamika ne, Badi ne disanka; nuakunyua lumu lua kudikankamika kua Yobo, nuakutangila bu muakumuenzela Mukelenge kunshikidilu, ne bu mudi Mukelenge mûle tente ne luse ne dinanga.

Rome 8:28

Tudi bamanye kabidi ne, Malu onso adi akuatshishangana bua kumusha diakalengele kudi bantu badi bananga Nzambi, kudi badi babikidibue bu mudi disungula diandi.

Matayi 10:22

Bantu bonso nebikale nʼenu lukuna bua dina dianyi; kadi wananukila tô ne kunshikidilu neasungidibue.

1 Korente 9:25

Muntu yonso udi utetangana bukole ne bakuabo mu manaya udi udikanda mu malu onso. Bobo badi benza nunku bua kuangata tshifulu tshia butumbi tshidi tshisunsuke, kadi tuetu mbua kuangata tshidi katshi tshisunsuke.

1 Petro 3:14

Kadi binuakenga bualu bua buakane, nudi ne disanka; kanutshinyi kutshinyisha kuabo, kanulubakashibu mitshima yenu;

2 Timote 4:8

tshidi ku mpala mpindiu ntshifulu tshia butumbi tshia buakane bua Nzambi tshintekela, tshialua Mukelenge mulumbuludi muakane kumpa ditutu diadia; kena utshîmpa anu meme, kadi neashihe bonso kabidi badi basue dimueneka diandi.

Yakobe 2:5

Unvuai, bana betu bananga; Nzambi kakasungula bahele ba mu bintu bia ha buloba bua kuikalabo babanshi mu ditabusha ne bahianyi ba bukelenge buakalayeye badi bamunanga, anyi?

1 Petro 5:4

Ne hamueneshibue Mulami Munene, nenuangate tshifulu tshia butumbi tshidi katshi tshifubidila.

1 Korente 2:9

Kadi bu muakafundabo ne, Malu adi disu kadi dianze kutangila, ne ditshu kadi dianze kunvua, Adi kâi manze kubuela mu mutshima wa muntu, Malu onso akalongoluela Nzambi badi bamunanga.

Dielulula 8:2

Nuvuluke malu onso akanuenzela Yehowa, Nzambi wenu, bidimu ebi makumi anai hakadiye munulombole mu tshihela, bualu bua kunuhuekesha, ne kunuteta bualu bua kumanya malu akadi mu mitshima yenu, ne nudi basue kutumikila mikenji yandi, anyi kuyihidia.

Nsumuinu 17:3

Luesu ludiku lua kulengesha tshiamu tshia argent, tshikutu tshidiku tshia kulengeshila tshiamu tshia or; kadi Yehowa udi uteta mitshima.

Zekâya 13:9

Nengele tshituha etshi tshisatu mu kahia, nembafule bu mudibo bafula tshiamu tshia argent, nembatete bu mudibo bateta tshiamu tshia or. Nebambikile mu dina dianyi, nembunvuile. Nengambe bianyi ne, Bobo badi bantu banyi; bobo nebambe ne, Yehowa udi Nzambi wetu.

Didimanyisha 3:21

Udi uhita bukole nemuhe bua kushikameye nʼanyi mu nkuasa wa butumbi, bu munakatamba bukole ne munakashikama ne Tatu wanyi mu nkuasa wandi wa butumbi.

1 Petro 4:13

kadi bualu bua nudi babanyanganyi ba makenga a Kilisto, nusanke; bua nuenu nusanke kabidi ne disanka dinene ku dibuluibua dia butumbi buandi.

1 Korente 8:3

kadi biananga muntu Nzambi, yeye udi mumanyibue kudi Nzambi.

Didimanyisha 3:19

Bungi bua bandi munange, ndi mbabela, ndi mbakengesha; nunku, wikale ne lukunukunu ne ukudimune mutshima webe.

Dielulula 13:3

kanunvu mei a muprofete au, anyi mulotshi au wa bilota; bualu bua Yehowa, Nzambi wenu, udi munutete, bua kumanya ne, Nudi basue Yehowa, Nzambi wenu, ne mitshima yenu yonso ne muoyo wenu wonso.

Ebrewu 10:32

Kadi nuvuluke matuku a diambedi munkatshi muau munuakatantamana mu diluangana dikole dia mu makenga, hanuakamana kutokeshibua mu munya;

Misambu 119:71

Bidi bimpe kundi bua nakukengeshibua, bua nyile bianyi mikenji yebe mifunda.

Dielulula 7:9

Numanye bienu ne Yehowa, Nzambi wenu, udi Nzambi mene; Nzambi utu walamata dî diandi, utu watumikila tshihungidi tshiandi ne luse luandi kudi bantu badi bamusue ne batu batumikila mikenji yandi tô ne ku bihungu tshinunu;

Ebrewu 6:15

Nunku, bualu bua yeye wakananukila kuikala ne lutulu, wakaheta mulayi.

Matayi 25:34

Hashishe, Mukelenge neambile badi ku tshianza tshiandi tshia balume ne, Luai, nudi nusankishibua kudi Tatu wanyi, nuhiane bukelenge buakunulongoluelabo ku tshibangidilu tshia buloba;

Misambu 119:67

Diambedi tshiyi muanze kukengeshibua, nkadi mpambuka mu nshila, kadi mpindiu ndi ntumikila dî diebe.

Nehemya 1:5

nakamba ne, Ndi nkusengelela, Yehowa, Nzambi wa mu diulu, Nzambi munene ne wa ditshina, utu walama tshihungidi tshiandi ne luse luandi kudi badi bamunanga ne badi batumikila mikenji yandi,

Ebrewu 11:17

Bua ditabusha Abalahama, hakamutetabo, wakafila Isaka bu mulambu; yeye wakamana kuitabusha milayi ne disanka, wakadi ufila muanʼandi umuehele mulela;

Misambu 119:75

Yehowa, ndi mumanye ne, Kulumbulula kuebe kudi kuakane, ne bua lulamatu luebe lua bushuwa wewe wakunkengesha.

1 Yone 4:19

Tuetu tudi ne dinanga, bualu bua yeye wakadianjila kutunanga.

Yeshaya 64:4

Bua ku bikondo bia kale kakuena muntu wakumana anyi wakujingulula ku matshu, kakuena disu diakumona Nzambi udi muomumue nʼebe, udi ukuatshila badi bamuindila mudimu.

Misambu 5:11

Nunku bonso badi banyemena kudi basanke, bele mbila ya disanka tshiendelele; ne wewe neubalame; bonso badi bananga dina diebe bikale ne disanka kûdi.

Ekesode 20:6

Ntu ngalesha bihungu tshinunu badi bansue ne badi benza mikenji yanyi luse lujalame.

Ebrewu 12:5

ne nuakuhua muoyo bua disengelela, didi diyikilangana nʼenu bu bana balume ne, Muanʼanyi, kumonyi dikengesha dia Mukelenge bu bualu butekete, Ne kuikadi ne mutshima mutekete hakubeleye;

Yobe 5:17

Mona, muntu udi Nzambi ubela udi ne disanka; nunku kubengi dikengesha didi Wa Bukole Buonso ukuyisha nʼadi.

Misambu 94:12

Yehowa, disanka didi kudi muntu ûdi wewe ukengesha, ûdi wewe uyisha ne diyisha dia ku mikenji yebe

Genese 22:1

Hakahita malu au Nzambi wakateta Abalahama, wakamuambila ne, Abalahama yeye wakitaba ne, Ndiku.

Yobe 2:10

Kadi Yobo wakamuambila ne, Wewe udi wakula bu mukashi muhote. Kia! Tudi mua kuitabusha anu masanka ku tshianza tshia Nzambi, ne katuitabushi makenga, anyi? Mu malu au onso Yobo kakamba bualu bubi ku mishiku yandi nansha.

Misambu 11:5

Yehowa udi uteta muntu muakane; kadi mutshima wandi udi ne muntu mubi ne muntu udi musue malu a tshimbambila lukuna.

Luke 6:22

Hikala bantu nʼenu lukuna, hanumushabo munkatshi muabo, hanuhendabo, hahetulabo dina dienu ne, Ndibi, bua bualu bua Muana wa muntu, nenuikale ne disanka.

Rome 5:4

ne ditantamana didi dienzesha dijadikibua, ne dijadikibua didi dienzesha ditekemena.

2 Timote 2:15

Unanukile bua kudifila mujalame, bu muena mudimu udi kai ne bua kufua bundu, uludikile bantu nshila mululame mu dî dia Nzambi dia bushua.

1 Petro 4:14

Bianuhendabo bua dina dia Kilisto, nudi ne disanka; bualu bua Nyuma wa butumbi ne Nyuma wa Nzambi udi unuikila hamʼbidi henu.