Rute 3:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Hakashikisha Boaza kudia ne kunua, ne mutshima wandi wakadi usanka, yeye wakabuela nu nsubu, wakaya kulala kundekelu kua bisumbu bia orge, wakabuelamu bitekete bitekete, wakumusha bilulu ku makasa andi, wakalala.

MUKANDA WA MYIDI MUKULU

⁷ Bowaze mujikije kudia ne kunua, uvua ne disanka. Pashishe kuyaye kulala pabuipi ne ntete. Rute kuya muaba awu wenda utobela. Kumushaye tshilamba tshitua Bowaze mulale natshi, kulalaye ku mikolu yende.

Rute 3:7 Referans Kwoze

Estere 1:10

Mu dituku dia muanda mutekete hakadi mutshima wa mukelenge musanke ne nvinyo yeye wakatuma mukenji kudi Mehumana ne Bizeta ne Hâbona ne Bigata ne Abagata ne Zetâ ne Kakasa, bantu batungula muanda mutekete bakadi benza mudimu ku mesu kua mukelenge Ahashawelosha,

Balombodi 19:6

Nunku bakashikama, bakadia, bakanua, bubidi buabo hohamue; ne tatu wa mukashi wakambila mulume eu ne, Anji kuitabusha bua kulala butuku buonso, ndi nkusengelela ne, Mutshima webe usanke.

2 Samuele 13:28

Abashaloma wakelela bantu bandi mukenji ne, Nutangile Amenona bimpe ne hasanka mutshima wandi mu kukuatshika kua maluvu. Hananuambila ne, Nutahe Amenona, bimpe nu mushihe, kanutshinyi; meme tshiakunuambila dî, anyi? Nukoleshe mitshima, nuikale ne dikima.

Balombodi 19:9

Bakabika mulume bua kuyeye ne mukashi wandi ne muena mudimu wandi, tatuʼandi-muenu, tatu wa mukashi, wakamuambila ne, Monai, diba diakuamba kubuela, ndi nnusengelela ne, Lalai bienu butuku buonso; butuku buakuamba kuila, lalai bienu kunoko, bua mitshima yenu isanke; makelela nenubike ne dinda dionso, bua nuye bienu kuenu.

Muambi 10:19

Bidia bidi bisankisha bantu; nvinyo idi isankisha mitshima ya bantu; biuma bidi bihetesha bintu bionso.

Muambi 9:7

Ya biebe, udie bidia biebe ne disanka; unue nvinyo yebe ne mutshima wa disanka; bualu bua Nzambi wakumana kuitabusha midimu yebe.

Muambi 8:15

Hashishe, nakanyisha disanka, bualu bua muntu kena ne bualu buimpe bukuabo muinshi mua diba budi butamba kudia, kunua ne kusanka: bualu bua mu malu a mudimu wandi, â ke adi ashala kudiye matuku a muoyo wandi adi Nzambi mumuhe muinshi mua diba.

Muambi 2:24

Kakuena disanka kudi muntu bu kudia, kunua ne kusankisha mutshima wandi mu midimu yandi. Nakatangila disanka edi ne, Ndifume ku tshianza tshia Nzambi.

Misambu 104:15

ne nyinyo idi isankisha mutshima wa muntu, ne manyi adi akenkesha mpala wandi, ne bidia bidi bikolesha mutshima wandi.

1 Korente 10:31

Nunku binuadia anyi binuanua, anyi malu onso anudi nuenza, nuenze malu onso bua kutumbisha Nzambi.

1 Bakalenga 21:7

Izebele, mukashi wandi, wakamuambila ne, Wewe kuena ukokesha mu bukelenge bua Isalele, anyi? Juka biebe, udie, mutshima webe usanke; meme nenkuhe budimi bua Nabota, Muena Yizelele.

Balombodi 19:22

Hakadibo basankisha mitshima yabo, monai, bena musoko, bantu balembakane, bakanyunguluka nsubu, bakume ku tshibi; bakambila mukelenge wa nsubu muntu mununu ne, Lua ne muntu au wakalua mu nsubu muebe bua tuetu tumumanye.

Balombodi 16:25

Hakadi mitshima yabo isanka, bakamba ne, Bikilai Shimishona, alue kutusekesha. Bakabikila Shimishona mu nsubu wa lukanu; ne yeye wakahasekesha, bakamuteka hankatshi ha makunshi manene;

Genese 43:34

Yeye wakababanyina bidia biakadi ku mpala kuandi, kadi tshituha tshia Benyamina tshiakahita tshituha tshiabo misangu itanu. Bakanua, bakasanka nʼandi.

Efeze 5:18

Kanukuatshiki maluvu, mudi dinyanguka dia muoyo munda muau, kadi nûshibue tente ne Nyuma Muimpe.

Rute 3:6

Yeye wakaya ku tshishihuidi wakenza malu onso akamuambila mamuenʼandi.

Rute 3:8

Hakalua mundankulu, muntu au wakatabuluka, wakandamuka ku luseke lukuabo, ne monai mukashi wakadi mulale ku makasa andi.