Rute 2:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Boaza wakalua mufume ku Beteleheme, wakambila banowi ne Yehowa ikale nʼenu, bobo bakamukudimuna ne, Yehowa akusankishe.

MUKANDA WA MYIDI MUKULU

⁴ Mutantshi unenga, Bowaze kufika, ufumine ku Betleyeme. Kuelaye banowi muoyi ne: — Maweja-Nangila ikale nenu! Bobu pabu kuandamuna ne: — Maweja-Nangila akuele lupemba.

Rute 2:4 Referans Kwoze

2 Tesalonike 3:16

Mukelenge wa ditalala anuhe ditalala misangu yonso mu mianda yonso. Mukelenge ikale ne buonso buenu.

Luke 1:28

Muanjelo wakalua kudiye, wakamba ne, Muoyo, bakukufuila luse lua bungi, Mukelenge udi nʼebe.

Balombodi 6:12

Muanjelo wa Yehowa wakamueneka kudiye, wakamuambila ne, Yehowa udi nʼebe, wewe muntu mukole wa bukitu.

2 Timote 4:22

Mukelenge ikale ne nyuma webe. Ngasa ikale nʼenu.

Misambu 118:26

Udi ubuela mu nsubu wa Yehowa udi muvudishibue disanka! Tuetu tudi tukuvudishila disanka didi difumamu.

Rute 4:11

Bantu bonso bakadi ku tshibi ne bakulu kabidi bakamba ne Tudi bamanyi Yehowa avuishe mukashi eu wakalua mu nsubu muebe bu Lakele ne Lea, bubidi buabo bakibaka nsubu wa Isalele, wenze biebe malu a kanemu mu Efelata, wikale ne butumbi mu Beteleheme;

Yoshua 24:15

Binuamona ne kukuatshila Yehowa mudimu kudi kubi, lelu nusungule unudi basue kukuatshila mudimu, ne nzambi yakadi bankambua benu bakuatshile mudimu dishiya dia musulu wa Pelata anyi nzambi ya Bena Amole, bena buloba bunudi bashikame; kadi meme ne ba mu nsubu muanyi netukuatshile Yehowa mudimu.

Genese 18:19

Nakamumanya bua yeye ayishe bana bandi ne ba mu nsubu wandi bimpe, bua bobo baye mu nshila wa Yehowa bua kuenza malu makane ne malulame, nunku Yehowa neamanye mua kuenzela Abalahama malu onso akamuambileye.

1 Timote 6:2

Ne bobo badi ne banfumu bena kuitabusha kababahetudi, bualu bua badi bana babo ba ma Kilisto; kadi, kudi kutamba buimpe, babakuatshile mudimu, bualu bua badi banulubuluila bintu badi bena kuitabusha ne badi banangibua. Uyishe bantu malu â, ubasengelela nʼau.

Rute 2:3

Yeye wakaya mu budimi, wakahumbulula mpumbuluila mu budimi ku nyima kua banowi, ku mpukahuka yeye wakabuela mu tshituha tshia budimi bua Boaza wakadi wa mu tshiota tshia Elimeleke.

Rute 2:5

Hashishe Boaza wakakonka muena mudimu wandi wakadi ku mutu kua banowi ne, Nsongakashi eu ngua nganyi?

Genese 28:3

Nzambi wa Bukole Buonso akusankishe akukumbashe, akuvuishe bana ba bungi bua wewe ulue tshisumbu tshinene tshia bantu,

Dibadika 6:24

Yehowa anusankishe, anulame.

Balombodi 6:16

Yehowa wakamuambila ne, Bulelela, meme nengikale nʼebe, ne wewe neushihe Bena Midiyana bu muntu umue.

1 Samuele 17:37

Davidi wakamba ne, Yehowa, nguakansungila ku dikama dia nyama wa ntambue ne dia nkashama, neansungile mu tshianza tshia Muena Peleshete eu. Shaula wakambila Davidi ne, Ya biebe, Yehowa ikale nʼebe.

1 Kulondolola 2:51

Salama, tatu wa Beteleheme, Halefe, tatu wa Bete-gadê.

Misambu 134:3

Yehowa akuvudishile disanka difume ku Siona, yeye mene wakafuka diulu ne buloba.

Yirmeya 31:23

Yehowa wa misumba, Nzambi wa Isalele, udi wamba ne, Hanabumusha mu buhika bua kubaha diakalengele, nebambe mei â mu buloba ne mu misoko ya mu Yuda ne, Yehowa akusankishe, wewe nsubu wa buakane, wewe mukuna wa tshijila!