Rome 8:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Kadi nuenu kanuena nuikala mu malu a mubidi, nudi nuikala mu malu a Nyuma, bikala Nyuma wa Nzambi munda muenu. Ne bikala muntu kai ne Nyuma wa Kilisto, kena wa Kilisto nasha.

MUKANDA WA MYIDI MUKULU

⁹ Kadi nuenu, kanuena nukeba bidi buntu buenu nkayabu bujinga nansha. Nudi nukeba bidi Mueyelu wa Tshijila musue, bualu Mueyelu wa Mvidi Mukulu udi usomba munda muenu. Udi kayi ne Mueyelu wa Kristu, kena wa Kristu to.

Rome 8:9 Referans Kwoze

Ngalate 4:6

Ne bualu bua nudi bana, Nzambi wakatuma Nyuma wa Muana wandi mu mitshima yetu, wela di diandi ne, Aba, Tatu.

1 Korente 3:16

Kanuena bamanye ne nuenu nudi ntempelo wa Nzambi, ne Nyuma wa Nzambi udi wikala munda muenu?

2 Timote 1:14

Tshiotshi tshimpe tshîakatekibua utshilame bimpe ne dikuatshisha dia Nyuma Muimpe udi muikale munda muetu.

1 Korente 6:19

Anyi, kanuena bamanye ne mubidi wenu udi ntempelo wa Nyuma Muimpe udi munda muenu, unudi nuangata kudi Nzambi, anyi? Kanuena bena mioyo yenu.

Rome 8:11

Bikala Nyuma wa yeye wakabisha Yesu ku bafue muikale munda muenu, yeye wakabisha Kilisto Yesu ku bafue neahe kabidi mibidi yenu ifuafua muoyo, bualu bua Nyuma wandi udi usomba munda muenu.

Yowanane 14:17

Nyuma wa bulelela mene udi ba ha buloba kabai bamanye mua kuangata, bua bobo kabena bamumona, kabena bamumanye; nuenu nudi bamumanye bua yeye utu wikala nʼenu, neikale munda muenu.

Efeze 1:13

Nuenu kabidi, hanuakamana kunvua dî dia bushua kudiye, lumu luimpe lua luhandu luenu, hanuakamuitabusha kabidi, nuakuangata tshimanyishilu tshia Nyuma Muimpe mulayibue,

Ngalate 5:24

Badi mu Kilisto Yesu bakamana kushiha mubidi ne milou yau ne nkuka yau ku mutshi mutshiamakane.

Efeze 2:22

munudi bibakibue hohamue kabidi, munda muandi, bua kuikala nsubu wa Nzambi mu Nyuma.

Rome 8:2

Bualu bua mukenshi wa Nyuma wa muoyo wa mu Kilisto Yesu wakampikula ku mukenshi wa bubi ne wa lufu.

Yowanane 3:6

Wakaledibua kudi mubidi udi mubidi; wakaledibua kudi Nyuma udi nyuma.

Filipe 1:19

Bua ndi mumanye ne bualu ebu nebuandamuke bu luhandu luanyi bualu bua disengelela dienu ne bua dikumbasha dia Nyuma wa Yesu Kilisto.

1 Yone 4:13

Mu muanda eu tudi bamanye ne tuetu tutu tuikala munda muandi, ne yeye utu wikala munda muetu, bualu bua wakutuha diha dia Nyuma wandi.

Yezekiyele 11:19

Nembahe mutshima muhia-muhia, nenteke nyuma muhia-muhia munda muabo, nengumushe mutshima wa dibue munda muabo, nembahe mutshima wa muntu;

Luke 11:13

Nunku nuenu bantu babi, binuamanya mua kuha bana benu bintu bimpe, Tatu wenu wa mu diulu kena uha batu bamulomba Nyuma Muimpe, anyi?

1 Yone 4:4

Bana bakese, nudi ba Nzambi, nuakubahita bukole; bualu bua yeye udi munda muenu udi uhita yeye udi wa mu buloba bunene.

1 Korente 15:23

Kadi muntu ne muntu nebabike mu mulongo wandi: Kilisto, mamuma a kukuama diambedi; ne hashishe, bantu ba Kilisto nebabike halueye.

1 Yone 3:24

Yeye udi ulama mikenshi yandi, utu wikala munda muandi, ne Yeye kabidi utu wikala munda muandi. Ne mu muanda eu tudi bamanye ne, Yeye utu wikala munda muetu, bua Nyuma wakatuheye.

2 Korente 6:16

Ntempelo wa Nzambi udi uhunga di kai ne mpingu? Bualu bua tuetu tudi bu ntempelo wa Nzambi udi ne muoyo; bu muakamba Nzambi ne, Nengikale munda muabo, nengendakane munda muabo; Nengikale Nzambi wabo ne bobo nebikale bantu banyi.

Yowanane 3:34

Udi mutuma kudi Nzambi udi wamba mei a Nzambi; bualu bua yeye kena umulobela Nyuma.

1 Petro 1:11

bakebakeba tshikondo kai ne mushindu kai wa tshikondo tshiakabalesha Nyuma wa Kilisto wakadi munda muabo, hakadianjileye kubambila bua makenga a Kilisto ne bua butumbi buakadi ha kualonda.

Didimanyisha 20:15

Bikala muntu kai musanganyibue mufunda mu mukunda wa muoyo, wakedibua mu dishiba dia kahia.

Didimanyisha 13:8

Ne bonso badi bikala ha buloba nebamukukuile, muntu yonso udi kai ne dina difunda ku tshibangidilu tshia buloba mu mukanda wa muoyo wa Muana wa Mukoko udi mushihibue.

2 Korente 10:7

Nuenu nutu nuatangila bintu bidi ku mesu kuenu. Biaditekemena muntu ne, Ndi wa Kilisto, yeye ajingulule bualu ebu kabidi munda muandi ne, Bingikala wa Kilisto, tuetu kabidi tudi ba Kilisto.

Yowanane 14:23

Yesu wakamukudimuna ne, Biansua muntu, nenze dî dianyi; Tatu wanyi neamusue, tuetu netulue kudiye, netuikale ngandi.

Bienzedi 16:7

Hakafikabo ha buihi ne Musia, bakakeba kuya mu Bitunia, kadi Nyuma wa Yesu kakitabusha.

Rome 7:5

Bualu bua hatuakadi mu malu a mubidi, nkuka ya malu mabi yakadiku bualu bua mikenshi, yakenzesha bituha bia mibidi yetu bua kukuambila mamuma a lufu.

Rome 8:1

Nunku kakuena dihila mpindiu kudi badi mu Kilisto Yesu.

1 Korente 6:17

Walamata kudi Mukelenge udi nʼandi nyuma umue.

Efeze 3:17

ne bua Kilisto ikale mu mitshima yenu bua ditabusha; bua muanda eu, ne nuenu, bamane kuela miji ne bashibue mu dinanga,