Rome 8:15 - Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Bua kanuakuangata nyuma wa buhika tshiakabidi bua kutshina; kadi nuakuangata nyuma wa buhianyi bua bana utudi tubikila nʼandi Nzambi ne, Aba, Tatu.

MUKANDA WA MYIDI MUKULU

¹⁵ bualu Mueyelu unudi bapete kawena mueyelu udi unupingaja mu bupika, bua nuikale tshiakabidi ne bowa mesu tente. Kadi Mueyelu udi unuenza bana ba Mvidi Mukulu, bua tumuele mbila ya ne: “Tatu wanyi!

Rome 8:15 Referans Kwoze

2 Timote 1:7

Bua Nzambi kakatuha nyuma wa buowa; kadi wakatuha nyuma wa bukole ne wa dinanga ne wa kudikanda.

1 Korente 2:12

Kadi tuetu tuakangata nyuma, kengua ha buloba, kadi Nyuma wa kudi Nzambi, bua tuetu tumanye masanka akatuabo tshianana kudi Nzambi.

Rome 8:16

Nyuma Muimpe muine udi mumanyishangane ne nyuma yetu ne, Tuetu tudi bana ba Nzambi.

Ebrewu 2:15

ne bua yeye ahikule bonso aba bakadi bakuatshibue mu buhika matuku onso a muoyo wabo bua ditshina diabo dia lufu.

Efeze 1:5

Wakadianjila kutusungula bua kuikala ne buhianyi kudiye bu bana bua Yesu Kilisto, bu mudi disanka dimpe dia disua diandi,

1 Yone 4:18

Kamuena ditshina mu dinanga; kadi dinanga diakane tshishiki didi dihata ditshina, bualu bua ditshina didi ne dikengesha; ne yeye udi utshina kena muanze kuvuishibua muakane tshishiki mu dinanga.

Marke 14:36

Wakamba kabidi ne, Aba, Tatu, wewe udi mumanye mua kuenza malu onso; ungumushile luhanza elu; kadi bualu buenjibue bu mûdi musue, kabuenjibu bu mundi musue.

Yirmeya 3:19

Nakamba ne, Ahu nenkuteke munkatshi mua bana banyi, nenkuhe buloba buimpe ne buhianyi buimpe munkatshi mua bisamba bionso bia bantu! Nakamba kabidi ne, Neumbikile ne Tatu wanyi ne kuena uhingana ku nyima kuyi undonda.

Yeshaya 56:5

Nembahe tshivulukidi ne dina mu nsubu muanyi ne munda mua ngumbu yanyi bidi bihita bana balume ne bana bakashi buimpe; nembahe dina dia tshiendelele didi kadiyi dijimishibua.

Rome 8:23

Kambiobio nkayabi bidi bienza nunku, hadi tuetu kabidi badi ne mamuma a kumudilu a Nyuma Muimpe, tuetu bine tudi tufua mikemu munda muetu, hatudi tuindila buhianyi buetu bua bana, mbuhikudibu bua mibidi yetu mene.

Luke 11:2

Yeye wakabambila ne, Hanuatendelela Nzambi, nuambe ne, Tatu, banemeke dina diebe. Bukelenge buebe bulue.

Yowanane 20:17

Yesu wakamuambila ne, Kundengi tshianza, bualu bua tshiena muanze kuya kulu kudi Tatu; ya kudi bana betu, ubambile ne, Ndi nya kulu kudi Tatu wanyi ne Tatu wenu, kudi Nzambi wanyi ne Nzambi wenu.

Luke 22:42

wakamba ne, Tatu, biwasua, ungumushile luhanza elu; kadi bualu buenjibue bu mûdi musue, kabuenjibu bu mundi musue.

Yowanane 16:8

Halueye, neatuishe ba ha buloba bua bubi, ne bua buakane, ne bua dihila;

Ekesode 20:19

Bakambila Mose ne, Wakula biebe nʼetu, netunvue, kadi biakula Nzambi nʼetu, netufue.

Bienzedi 16:29

Mulami wakalombesha minda, wakabuela mu nsubu uzakala ne buowa, wakahona ku mpala kua Paulo ne Sila,

Bienzedi 2:37

Hakunvuabo dî edi, mitshima yabo yakanyingalala, bakakonka Petelo ne bapostolo bakuabo ne, Bana betu, netuenze tshinyi?

Luke 8:37

Bantu bonso ba mu luseke lua Bena Gelasa bakamuambila ne, Umuka kutudi; bualu bua buowa bunene buakabakuata; wakabuela mu buatu, wakahingana.

Luke 8:28

Hakamoneye Yesu, wakela dî diandi bikole, wakadihonena ku mpala kuandi, wakela dî diandi bikole ne, Ndi nʼebe bualu kai, wewe Yesu, Muana wa Nzambi Mutambe Bunene wa mu diulu? Ndi nkutendekena ne, Kunkengeshi;

Dibadika 17:12

Bena Isalele bakambila Mose ne, Mona! tudi bafue, ditu tuahanga, ditu tuahanga bonso.

Yakobe 2:19

Wewe udi witabusha ne, Nzambi udi umue; udi wenza bimpe; bademon badi bitabusha kabidi, badi bazakala.

Rome 8:26

Muomumue kabidi, Nyuma Muimpe kabidi udi ukuatshishangana nʼetu mu butekete buetu; bua katuena bamanye mua kulomba Nzambi bu mutudi nʼabu mbua kumulomba, kadi Nyuma muine udi utuakuila ne mikemu idi kayi mua kuambibua.

Rome 9:4

Badi Bena Isalele mene, badi ne buhianyi bua bana, ne butumbi, ne mahungila, ne kuhebua kua mikenshi, ne mitendelelu, ne milayi.

2 Korente 11:4

Bikala muntu ulualua wamba Yesu mukuabo, utudi katui bambe; anyi binuangata nyuma mukuabo, unudi kanui bangate diambedi, anyi lumu luimpe lukuabo lunudi kanui bitabushe diambedi; bidi bimpe bua nuenu kuikala nʼandi lutulu.

Ngalate 2:4

Kadi bualu bua bakuabo bakadivuisha bu bana betu, bakadibuesha munkatshi muetu mu musokoko bua kutentekela budishikaminyi butudi nʼabu mu Kilisto Yesu; bakasua kutuvuisha bahika.

Ngalate 5:1

Kilisto wakatuhikula bua tuetu tuikale ne budishikaminyi; nunku nudijadike, kanudibueshi munshi mua tshikokedi tshia buhika kabidi.

Matayi 25:25

nakatshina, nakaya, nakasokoka ntalanta webe mu buloba, tshintu tshiebe katshitshi.