Rome 3:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Nasha kakese! Nzambi ikale amena bulelela, kadi muntu yonso ikale nmona mashimi, bu muakafundabo ne, Bua wewe ubingishibue mu mei ebe, Ne bua wewe utambe mu dilumbulula diebe.

MUKANDA WA MYIDI MUKULU

⁴ Nansha kakese! Nansha bantu bonsu bikale bena dishima, Mvidi Mukulu udi ne bua kuikala muena diyi dimue. Ke mudi Mukanda wa tshijila wamba ne: “Badi ne bua kumanya muudi ukumbaja biudi wamba, muudi ubinga padibu bakeba kukulumbuluisha.”

Rome 3:4 Referans Kwoze

Misambu 51:4

Nakukuenzela wewe, wewe nkayebe, bibi; nakuenza bualu bubi abu ku mesu kuebe; bua wewe Umanye mua kubingishibua hawamba dî dia kumpisha nʼadi, ne mua kuikala ne mutshima mutoke mu kulumbulula kuebe.

Misambu 116:11

Nakamba mu ditenkakana dia mutshima wanyi ne. Bonso badi bandinga.

Ngalate 2:17

Kadi bikalabo batusangane bu bantu babi hatuakadi tukeba mua kubingishibua mu Kilisto, Kilisto udi muena mudimu wa bubi, anyi? Nasha kakese!

Ebrewu 6:18

bua ku malu abidi adi kâi mua kukudimuka, adi Nzambi kai mumanye mua kushimamu, tuikale ne ditantamika dikole dia mutshima, tuetu mene bakanyema bua kulamata ditekemena diakatekabo ku mpala kuetu.

Tite 1:2

mu ditekemena dia muoyo wa tshiendelele, udi Nzambi, udi kai mua kudinga, mulaye diambedi bikondo bia tshiendelele kabi bianze kuikalaku.

Dielulula 32:4

Yeye udi Dibue; mudimu wandi wonso udi muakane, bualu bua nshila yandi yonso idi milulame: Nzambi wa kalolo udi kayi ne bubi, udi ne malu makane a bushuwa.

Yobe 36:3

Nengambe lungenyi luanyi lunakuangata ku miaba ya kule, nennuleshe ne, Mufuki wanyi udi ne buakane.

Yowanane 3:33

Wakuitabusha malu akambeye wakuteka tshimanyishilu tshiandi tshilesha ne, Nzambi udi mulelela.

Misambu 119:160

Dishina dia dî diebe mbushuwa, ne kulumbulula kuebe kuonso kudiku tshiendelele.

Didimanyisha 3:7

Fundila muanjelo wa ekelesia wa ku Filadelefia ne, Udi wa tshijila, udi wa bulelela, udi ne luvungula lua Davidi, udi unzulula ne kakuena udi winshila, udi winshila ne kakuena udi unzulula, udi wamba malu â ne,

1 Yone 5:20

Tudi bamanye ne, Muana wa Nzambi wakumana kulua wakutuha meshi bua tuetu tumumanye yeye udi wa bushua; ne tuetu tudi munda mua udi wa bushua, munda mua Muana wandi Yesu Kilisto mene. Eu udi Nzambi wa bushua, ne udi muoyo wa tshiendelele.

Rome 9:14

Nunku netuambe tshinyi? Malu mabi adi kudi Nzambi, anyi? Nasha kakese!

Misambu 138:2

Nenkutendelele ne mutu wanyi muinyika mutume ku ntempelo webe wa tshijila, neasakidile dina diebe bua luse luebe lujalame ne bua lulamatu luebe lua bushuwa. Bualu bua wakutumbisha dina diebe ne dî diebe ha mutu ha malu onso.

Mika 7:20

Neuleshe Yakoba lulamatu luebe, ne luse luebe lujalame kudi Abalahama, bu muwakaditshiha kudi batatu betu, bibangile ku matuku a kale.

Misambu 100:5

Bualu bua Yehowa udi muimpe; luse luandi lujalame ludiku tshiendelele, lulamatu luandi lua bushuwa ludiku tô ne ku bikondo bionso.

1 Yone 5:10

Muntu udi witabusha Muana wa Nzambi, udi ne bumanyishi munda muandi; muntu udi kai witabusha Nzambi wakamuvuisha muenu mashimi, bualu bua kakuitabusha bumanyishi budi Nzambi umanyisha bualu bua Muana wandi.

Ngalate 2:21

Tshiena nvuisha ngasa wa Nzambi ne, Ntshianana; bualu bua bialua buakane ku kutumikila kua mikenshi, nunku Kilisto wakafua tshianana.

Rome 6:15

Tuenze tshinyi? Tuenze malu mabi bualu bua katuena munshi mua mikenshi ne bua tudi munshi mua ngasa, anyi? Nasha kakese!

Rome 3:31

Nunku tudi tivuisha mikenshi ne, Nya tshianana bua ditabusha, anyi? Nasha kakese! Tudi kujadika mikenshi.

Matayi 11:19

Muana wa muntu wakulua udia bidia, unua maluvu; badi bamba ne, Yeye udi muena mudi, udi mukuatshiki wa maluvu, udi mulunda wa basangishi ba mulambu ne wa bantu babi. Bienzedi bia lungenyi bidi bilujadika.

Yobe 40:8

Wewe udi musue kuvuisha kulumbuluisha kuanyi kuakane ne, Kudi tshianana, anyi? Udi musue kunuisha meme bua wewe umanye mua kubingishibua, anyi?

Ngalate 6:14

Kadi meme tshitumbidi ku muanda mukuabo; ntumbile bianyi anu bualu bua mutshi mutshiamakane wa Mukelenge Yesu Kilisto, kuakanshihelabo malu a ha buloba, ne kunakashihibua ku malu a ha buloba kabidi.

Rome 11:1

Nunku ndi ngamba ne, Nzambi wakumusha bantu bandi, anyi? Nasha kakese! Bualu bua meme kabidi, ndi Muena Isalele, kankanunuina ka Abalahama ka mu tshisamba tshia Benyamina.

Misambu 62:9

Bulelela, bantu bahuekele badi anu muhuya, bantu badi ne buneme bunene badi mashimi. Mu tshiamu tshia kuidikisha nʼatshi bujitu badi babanda kulu; buonso buabo basangisha hohamue badi bahita muhuya kuhehela.

2 Korente 1:18

Bu mudi Nzambi mua kueyemenyibua, dî dietu kunudi kadiena E ne Nasha.

Rome 11:11

Nunku ndi ngamba ne, Bakadilenduisha bua kuhonabo, anyi? Nasha kakese! Kadi bua kuhona kuabo luhandu luakulua kudi bisamba bia bende bua kufuisha Bena Isalele mukau.

Rome 7:7

Netuambe tshinyi? Mikenshi idi bualu bubi, anyi? Nasha kakese! Kadi, tshiakadi kumanya bubi tshi mubumanye ku mikenshi; bualu bua tshiakadi kumanya disamba muoyo bu mikenshi kayi mimane kuamba ne, Kusaminyi bintu bia mukuenu muoyo;

Rome 6:2

Nasha kakese! Tuetu bakafua ku bubi, munyi mutuikalemu kabidi?

Luke 20:16

Nealue kushiha ba bidime aba, neahe bakuabo budimi buandi. Hakunvuabo dî edi dia Yesu, bakamba ne, Bualu kabulu nunku.

Rome 7:13

Nunku muanda wakadi muimpe wakalua lufu kundi, anyi? Nasha kakese! Kadi bubi, bua buobuo bimueneshibue ne, Mbubi, mu kuenzesha kua lufu kundi ku muanda udi muimpe; bua bubi bulue bubi butamba bunene bua mukenshi.

1 Korente 6:15

Kanuena bamanye ne mibidi yenu idi bituha bia mubidi wa Kilisto, anyi? Nunku nengumushe bituha bia Kilisto bua kubivuisha bituha bia mukashi wa masandi, anyi? Nasha kakese!

1 Timote 3:16

Ne kakuena mpata ya bunene bua bualu busokoka bua buimpe bua Nzambi: Nyeye wakamueneshibua mu mubidi wa muntu, Wakabingishibua mu nyuma, Wakamuenebua kudi banjelo, Wakambibua munkatshi mua bisamba bia bende, Wakitabushibua ha buloba, Wakangatshibua mulu ne butumbi.