Rome 2:16 - Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Nunku nebalumbuluishibue ku dituku didi Nzambi ulumbulula malu masokome a bantu kudi Yesu Kilisto, bu mudi lumu luimpe luanyi luamba.

MUKANDA WA MYIDI MUKULU

¹⁶ Lumu lua Disanka lundi ndongesha ludi luamba ne: dituku diakosa Mvidi Mukulu nsambu kudi Yezu Kristu, bionsu bidi bisokome mu mioyi ya bantu abi nebimueneke patoke.

Rome 2:16 Referans Kwoze

Muambi 12:14

Bualu bua Nzambi nealumbulule mudimu wonso ne bualu buonso busokoka, nansha buimpe nansha bubi.

1 Korente 4:5

Nunku nulekele kulumbulula malu ku mpala kua tshikondo atshi, tô ne halua Mukelenge, neasokolole biandi malu masokoka a midima hatoke, neamueneshe biandi meshi a mu mitshima; hashishe butumbi bua kudi Nzambi nebuikale kudi muntu ne muntu.

Bienzedi 17:31

bua yeye wakasungula dituku didiye ulumbuluisha ba ba buloba mu buakane kudi muntu wakasunguleye. Yeye kabidi wakaha bantu bonso ditabusha dia bualu ebu, bua yeye wakamubisha ku lufu.

Bienzedi 10:42

Yesu wakatuambila bikole ne, Nuambile bantu bualu ebu, nubamanyishe ne, Eu nyeye wakusungudibua kudi Nzambi bua kuikala Mulumbuludi wa badi ne muoyo ne wa bafue.

Luke 8:17

Kakuena bualu busokoka buahanga kusokolodibua; kakuena bualu bua mu musokoko buahanga kumanyibua ne kumueneka.

1 Petro 4:5

bobo nebababadile malu abo kudiye udi udilongolola bua kulumbuluisha badi ne muoyo ne badi bafue.

Rome 3:6

Nasha kakese! Bikaleye kai wenza nunku, Nzambi nealumbuluishe ba ha buloba munyi?

Misambu 98:9

ku mpala kua Yehowa; bualu bua udi ulua kulumbuluisheye ba ha buloba. Nealumbuluishe ba ha buloba ne buakane, nealumbuluishe bantu ne kulumbulula kuakane.

2 Petro 2:9

Mukelenge udi mumanye mua kuhandisha bantu bandi bimpe mu mateyi abo, ne mua kulama bantu babi mu dikenga tô ne halua dituku dia kulumbulula;

2 Timote 4:1

Ndi nkuambila bikole ku mesu kua Nzambi ne kua Kilisto Yesu, ulualua kulumbuluisha badi ne muoyo ne badi bafue, bua dimueneka diandi ne bua bukelenge buandi:

2 Timote 2:8

Uvuluke Yesu Kilisto, mubishibue ku lufu, kankanunuina ka Davidi, bu mudi lumu luimpe lunakakuambila,

1 Timote 1:11

bu mudi lumu luimpe lua butumbi bua Nzambi udibo batumbisha, luakatekibua mu bianza bianyi.

Rome 16:25

Butumbi buikale kudi Nzambi, udi ne bukole bua kunujadika bu mudi lumu luimpe luanyi ne kuamba kuanyi kua Yesu Kilisto, bu mudi dibuluibua dia bualu busokoko buakadi buhuwishibue ku bikondo bia tshiendelele;

Yowanane 12:48

Wampidia meme ne wahidia mei anyi udi ne mumulumbuluishi; dî diakamba nedimulumbuluishe dituku dia kunshikidilu.

Ebrewu 9:27

Bualu bua budi busunguila bantu bua kufuabo musangu umue, ne ku nyima kua hualu ebu kulumbulula kudiku;

2 Timote 4:8

tshidi ku mpala mpindiu ntshifulu tshia butumbi tshia buakane bua Nzambi tshintekela, tshialua Mukelenge mulumbuludi muakane kumpa ditutu diadia; kena utshîmpa anu meme, kadi neashihe bonso kabidi badi basue dimueneka diandi.

2 Korente 5:10

Bualu bua butudi nʼabu mbua kumueneshibua buonso buetu ku mpala kua tshilumbuluidi tshia Kilisto, bua muntu ne muntu kuangateye bintu bia mu mubidi wandi bu muakenzenzeye, nasha malu mimpe nasha malu mabi.

Rome 2:5

Bualu bua tshitshu tshiebe ne mutshima webe wa buhidia, wewe udi udibutshila tshishi tô ne ku dituku dia tshishi ne dia dibuluibua dia kulumbulula kuakane kua Nzambi.

Matayi 16:27

Muana wa muntu nealue mu butumbi bua Tatu wandi ne banjelo bandi; dituku adi neafute muntu yonso bu muakenzenzeye.

Muambi 11:9

Wewe nsongalume, usanke mu bunsongalume buebe, mutshima webe akusankishe mu matuku a bunsongalume buebe; wende mu nshila yonso idi mutshima webe musue ne idi mimpe ku mesu kuebe; kadi Umanye biebe ne, Nzambi neakulumbuluishe bua malu au onso.

Muambi 3:17

Nakamba mu mutshima wanyi ne, Nzambi nealumbuluishe bantu bakane ne bantu babi; bualu bua malu onso ne midimu yonso bidi ne tshikondo tshiabi.

Misambu 96:13

ku mpala kua Yehowa, bualu bua yeye udi ulua, bua udi ulua bua kulumbuluisheye ba ha buloba. Nealumbuluishe ba ha buloba bu mudi buakane buandi, nealumbuluishe bukua bantu bu mudi lulamatu luandi lua bushuwa.

Misambu 50:6

Diulu didi diamba bua buakane buandi, bualu bua Nzambi muine udi mulumbuluishi.

Genese 18:25

Bualu ebu kabuikadi kudi bua wewe kuenza nunku bua kushiha bantu bakane ne bantu babi hohamue, biwenza nunku bantu bakane nebikale muomumue ne bantu babi, bualu ebu kabuikadi kûdi, Mulumbuluishi wa buloba buonso katu wenza bimpe, anyi?

Ngalate 1:11

Bana betu, ndi numanyisha bua lumu luimpe lunakanuambila; kaluena lufuma kudi muntu.

1 Korente 15:1

Bana betu, katataka ndi numanyisha lumu luimpe lunakanuambila, lunuakitabusha kabidi, lunudi nuimanamu kabidi,