Rome 2:15 - Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Badi balesha mudimu wa mikenshi mufunda mu mitshima yabo, muoyo-mukese wabo udi umanyishangana nʼai ne meshi abo adi abahisha, ababingisha.

MUKANDA WA MYIDI MUKULU

¹⁵ Badi baleja mudi malu adi mikenji yamba mafunde mu mioyi yabu. Kondu kabu ka munda kabidi kadi kabamanyisha nanku. Meji adibu bela adi abaleja misangu idibu benza bimpe, ne misangu idibu benza bibi.

Rome 2:15 Referans Kwoze

2 Korente 5:11

Bualu bua tuetu tudi bamanye ditshina dia Mukelenge, tudi tuitabushisha bantu; kadi tudi tumueneshibua ku mpala kua Nzambi, ne ndi ntekemena ne, Tudi tumueneshibua ku muoyo-mukese wenu kabidi.

Tite 1:15

Bintu bionso bidi biakane kudi bantu badi ne mitshima mitoke; kadi kudi badi babike, badi kabai ne ditabusha, kakuena tshintu tshidi tshiakane; kadi meshi abo ne muoyo-mukese wabo mbioneka.

2 Korente 1:12

Bualu bua ditumba dietu didi bualu ebu, tshimanyishilu tshia muoyo-mukese wetu ne, Tuetu tuakenda munkatshi mua ba ha buloba ne bienzedi bia tshijila ne bia hatoke bia Nzambi, kemu meshi a bantu kadi mu ngasa wa Nzambi, ne tuakatamba kuenda nunku munkatshi muenu.

Yobe 27:6

Nennanukile kukuata buakane buanyi ne tshiena mkulekela nansha. Mutshima wanyi kawena umpisha bua dituku dimue dia ku matuku anyi onso.

1 Timote 4:2

bualu bua lubombo lua bantu badi bamba mei a mashimi, badi boshibua mu muoyo-mukese wabo ne tshiamu tshibia ne kadilu.

Rome 9:1

Ndi ngamba bualu bulelela mu Kilisto, tshiena nshima; muoyomukese wanyi udi umanyishangana nʼanyi mu Nyuma Muimpe ne,

Bienzedi 24:16

Bua bualu ebu ndi ndienzesha matuku onso bua kuikala bianyi ne mutshima udi kawi ne tshilema kudi Nzambi ne kudi bantu.

Bienzedi 23:1

Paulo wakatangila balumbuludi talala, wakamba ne Bana betu, nakadi muikale ne mutshima muakane ku mesu kua Nzambi tô ne ku dituku edi.

Muambi 7:22

bualu bua mutshima webe udi mumanye ne, Wewe biebe wakahenda bakuabo misangu ya bungi.

1 Bakalenga 2:44

Mukelenge wakambila Shimei kabidi ne, Wewe udi mumanye malu mabi onso adi masokome mu mutshima webe awakenzela Davidi, tatu wanyi: nunku Yehowa neakudimune bubi buebe ha mutu hebe.

Genese 20:5

Yeye kakungambila ne, Yeye udi muanʼetu mukashi, anyi? Mukashi mene wakamba ne, Yeye udi muanʼetu mulume Nakuenza bualu ebu mu buakane bua mu mutshima ne kutoka kua bianza bianyi.

Yowanane 8:9

Hakunvuabo dî edi, bakumuka ku umue ku umue balondangane, babange ku wakadi mubatambe bukulu tô ne ku wa kunshikidilu; bakashîa Yesu nkayandi ne mukashi hankatshi hakadiye muimane.

Rome 2:14

Bualu bua henza bisamba bia bende bidi kabi ne mikenshi bilele bidi mikenshi nuambe, bobo, kabai ne mikenshi, badi badielela mikenshi.

Rome 2:27

Udi kai mutengula bu mu tshilele, bienzeye mikenshi, kena ukuhisha wewe, udi mushihi wa mikenshi ne mei a mikenshi ne ditengula, anyi?