Rome 12:11 - Mukanda wa Nzambi Dihungila Dikulukulu ne Dihungila Dihia-dihia 2003

¹¹ Mu disuminyina kanuikadi bashanguluki; nuikale ne lukunukunu mu mitshima yenu; nukuatshile Nzambi mudimu.

MUKANDA WA MYIDI MUKULU

¹¹ Nukazamuke, nukuate mudimu, nulekele lulengu. Nukuatshile Mfumu mudimu ne muoyi wenu mujima, kabidi ne disuminyina.

Rome 12:11 Referans Kwoze

Bienzedi 18:25

Muntu eu wakadi mulongeshibue bua nshila wa Mukelenge, ne bualu bua mutshima wandi wakadi musankedile, yeye wakadi wamba ne uyisha malu a Yesu bimpe, mumanye anu bua dibatiza dia Yone;

1 Petro 4:8

ku mutu kua malu onso nuikalangane ne dinanga dikole munkatshi muenu, bualu bua dinanga didi dibuikila malu mabi a bungi;

Nsumuinu 13:4

Mufuba udi usamina muoyo, kena ubiheta, kadi muoyo wa muena disuminyina udi ûshibua tente ne diakalengele.

Ebrewu 12:28

Nunku, bualu bua tuetu tudi tuangata bukelenge budi kabui bumanye mua kuzakashibua, tuikale bietu ne disakidila, ditudi bamanye mua kukuatshila Nzambi udi unsankisha mudimu ne kunemekela ne ditshina;

Efeze 4:28

Muntu wakuiba, alekele kuiba; kadi akuate mudimu, enze budi buimpe ne bianza biandi, bua yeye ikale ne tshia kuheye udi utshikengela.

1 Petro 1:22

Bualu bua nuenu nuakulengesha mitshima yenu mu kutumikila kuenu kua malu a bushua bua kuikala ne dinanga dia bana benu ba mu Kilisto didi kadî ne lubombo, nunku nunangangane mu mitshima yenu bikole;

Bienzedi 20:19

nakadi nkuatshila Mukelenge mudimu wandi ne buhuekele buonso ne binsonshi ku mesu ne makenga akalua kundi bualu bua bifufu bia Bena Yuda.

Matayi 24:12

Dinanga dia ba bungi nedikehe, bualu bua tshishiku tshiakudiunda munda muabo.

Nsumuinu 10:26

Bu mudi vinaigre ne nvuenvue ku menu, bu mudi muishi wa kahia mu mesu, mbu mudi muntu mufuba kudi badi bamutuma.

Nsumuinu 22:29

Udi utangila muntu udi wenza mudimu wandi ne lungenyi, anyi? Yeye neimane ku mpala kua bakelenge, kena wimana ku mpala kua bantu bahuekele.

Nsumuinu 18:9

Muntu udi ulenguluka mu mudimu wandi udi muanʼabo ne mubutudi.

Ekesode 5:17

Kadi yeye wakabambila ne, Nudi bafuba, nudi bafuba, ne bua bualu ebu nudi nuamba ne, Witabushe bua tuye kushihela Yehowa nyama!

1 Timote 5:13

Bunga bualu, badi bayila kabidi mua kuikala bafuba, bendakana ku nsubu ne ku nsubu; ne kabena bayila mua kuikala anu ne bufuba nkayabu, kadi mua kuikala bena mukoso ne bena bienzenza, bakula mei adi kâi mimpe bua kuakula.

Yeshaya 56:10

Batentekedi bandi badi bafofo, buonso buabo kabena ne meji, buonso buabo badi bu mbua idi ihuwa, idi kayiyi mua kubuluka; idi ilotakana, idi ilala hanshi, idi misue kulala tulu.

Didimanyisha 2:4

Kadi ndi nʼebe bualu ebu ne, wakalekela dinanga diebe dia kumudilu.

Kolose 4:1

Nuenu banfumu, nuenzele bahika benu malu adi makane ne adi kâi ne kansungunsungu; bualu bua nudi bamanye ne nuenu kabidi nudi ne Mukelenge mu diulu.

1 Korente 7:22

Bualu bua muntu mubikidibue mu Mukelenge hakadiye muhika udi muena budishikaminyi wa Mukelenge; nunku muntu mubikidibue hakadiye muena budishikaminyi udi muhika wa Kilisto.

Matayi 25:26

Mukelenge wandi wakamuandamuna ne, Wewe udi muhika mubi, udi mufuba, wewe udi mumanye ne, Meme ntu ngahuola bindi tshi mukune, ntu ngasangisha bindi tshî mutangadishe;

Muambi 9:10

Malu onso audi wenza wenze ne bukole buebe buonso; bualu bua kakuena mudimu, kakuena kulongolola kua malu, kakuena lungenyi anyi meji ku Muaba wa Bafue kûdi uya.

Yakobe 5:16

Nunku nutondelangane mibi yenu, nulombelangane Nzambi, bua nuenu mikoleshibue. Disengelela dia muntu muakane didi ne bukole bua bungi mu kuenza kuadi.

Nsumuinu 31:15

Udi ubika butuku kabuyi buanze kutshia, udi uha ba mu nsubu muandi bia kudia, udi uha bakashi benji ba mudimu wandi tshituha tshiabo tshia mudimu.