Osheya 9:17 - Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Nzambi wanyi neabihate, bualu bua kabakamunvuila; nebikale bena tshiendenda munkatshi mua bisamba bia bantu.

MUKANDA WA MYIDI MUKULU

¹⁷ — Mvidi Mukulu wanyi, kena munange kabidi bena Efrayime to, bualu kabena bamuteleja. Nebikale balalakanyi munkatshi mua bisamba bikuabu.

Osheya 9:17 Referans Kwoze

Osheya 7:13

Mulau wikale kudibo, bualu bua bakuhambuka! Kubutuka kuikale kudibo, bualu bua bakuntombokela! Nakadi kubuhikula, kadi bakunshiminyina malu.

Bienzedi 3:23

Muntu yonso wahidia kutumikila mei a muprofete au nebamubutule munkatshi mua bantu.

Zekâya 1:4

Kanuikadi bu muakadi batatu benu, bobo mene bakambilabo kudi baprofete ba diambedi ne, Yehowa wa misumba udi wamba ne, Alukilai bienu kundi ne lekelai kulonda bienzedi bienu bibi ne malu mabi enu. Kadi Yehowa udi wamba ne, Bobo kabakangunvuila, kabakateleja matshu abo kundi.

Mika 7:7

Kadi meme hanyi nentangishe mesu anyi kudi Yehowa; nengindile Nzambi wa luhandu luanyi; Nzambi wanyi neangunvuile.

Yeshaya 48:18

Aka! Bu wewe munvue mikenji yanyi, ditalala diebe diakadi kuikala bu musulu, ne buakane buebe buakadi kuikala bu mavuala a mai manene!

Amosa 9:9

Monai, nengele dî dianyi, nennyungishe tshisamba tshia Bena Isalele munkatshi mua bisamba bionso, bu mudi muntu usenga manvua mu munyingu, diteta nansha dimue kadiyi dihona hanshi.

Osheya 4:10

Nebadie, kadi kabena bukuta; nebalonde malu a masandi, kadi kabena bavudisha bana; bualu bua bakulekela kuteleja matshu abo kudi Yehowa.

Yeshaya 7:13

Yeshaya wakamba ne, Unvuai bienu, nuenu ba mu tshiota tshia Davidi. Budi bualu buhite butekete bua nuenu kuhangisha bantu, bua nudi basue malu enu atondeshe Nzambi wanyi kabidi, anyi?

Nsumuinu 29:1

Muntu udi mubedibue misangu ya bungi, kadi udi wela mpala mulu, neabutudibue mu katuha ka diba, kayi ne tshia kumusangasha nʼatshi.

Misambu 31:14

Kadi ndi ngeyemena kudi, Yehowa, ndi ngamba ne, Wewe udi Nzambi wanyi.

Nehemya 5:19

Nzambi wanyi, unvuluke bua kungenzela bimpe bua malu onso anakuenzela bantu aba.

2 Kulondolola 36:16

kadi bobo bakaseka bambi ba Nzambi; bakahetula mei andi, bakahenda baprofete bandi tô ne hakamueneka tshiji tshia Yehowa kudi bantu bandi tshidi katshiyi tshishika.

2 Kulondolola 18:13

Mikaya wakamba ne, Bu mudi Yehowa ne muoyo, nengambe anu mei adi Nzambi wanyi wamba.

Dielulula 32:26

Nakadi kuamba ne, Nembamuangalashe kule kuaka, nenjimishe tshivulukidi tshiabo munkatshi mua bantu;

Yakobe 1:1

Yakobo, muhika wa Nzambi ne wa Mukelenge Yesu Kilisto, kudi ba bisamba dikumi ne bibidi badi bena tshimuangi, ndi nuela muoyo.

Filipe 4:19

Ne Nzambi wanyi neanukumbashile bintu bionso binudi nʼabi bualu bu mudi bubanshi buandi bua mu butumbi mu Kilisto Yesu.

Yowanane 20:28

Toma wakamuandamuna ne, Mukelenge wanyi ne Nzambi wanyi.

Yowanane 20:17

Yesu wakamuambila ne, Kundengi tshianza, bualu bua tshiena muanze kuya kulu kudi Tatu; ya kudi bana betu, ubambile ne, Ndi nya kulu kudi Tatu wanyi ne Tatu wenu, kudi Nzambi wanyi ne Nzambi wenu.

Yowanane 7:35

Bena Yuda bakakonkangana ne, Muntu eu neaye, kudi kunyi kutudi katu! bamanye mua kumumona? Neaye kudi bena tshimuangi munkatshi mua Bena Gelika, neayishe Bena Gelika, anyi?

Amosa 8:2

Yeye wakankonka ne, Amosa, udi umona tshinyi? Nakamuitaba ne, Tshibondo tshia mamuma mabobe. Hashishe, Yehowa wakangambila ne, Nshikidilu wakufika kudi bantu banyi Bena Isalele; tshiena mbabuikidila bubi kabidi tshiendelele.

Yirmeya 6:30

Bantu nebababikile ne, Bikanganya bia tshiamu tshia argent, bualu bua Yehowa wakubahidia.

Dielulula 4:25

Hanuadia bana, ne bana ba bana benu, hanuashala mu buloba musangu mule, hanuona mitshima yenu bua kudisongela luhingu ne tshifuanyikishi tshia tshintu, hanuenza malu mabi ku mesu kua Yehowa, Nzambi wenu, bua kumufuisha tshiji;

Dielulula 4:27

Yehowa neanumuangalashe munkatshi mua bantu bakuabo, nenuikale bantu bakehe munkatshi mua bisamba mudi Yehowa unutuma.

Yirmeya 7:13

Yehowa udi wamba kabidi ne, Katataka, bualu bua nuenu nuakuenza bienzedi ebi bionso, ne meme nakakula nʼenu, mbika lunkelu bua kuakula nʼenu, kadi nuenu kanuakunvua; nakanubikila kabidi, kadi kanuakuitaba kundi;

Yirmeya 7:15

Nennuihate ku mesu kuanyi bu munakihata bana benu bonso, bana bonso ba Efelayima mene.

Osheya 4:6

Bantu banyi badi babutudibua bualu bua kabena ne lungenyi; bualu bua wewe wakubenga lungenyi, nenkubenge kabidi, bua wewe kuikadi muakuidi wanyi. Bualu bua wakuhua mikenji ya Nzambi webe muoyo, meme kabidi nempue bana bebe muoyo.