Osheya 9:11 - Mukanda wa Nzambi Dihungila Dikulukulu ne Dihungila Dihia-dihia 2003

¹¹ Butumbi bua Bena Efelayima nebûmuke kudibo bu mudi nyunyu ubuka, nunku kakuena kuikala kulela kua bana, kakuena kuikala mukashi ne difu, kakuena kuikala kuimita kua difu.

MUKANDA WA MYIDI MUKULU

¹¹ Lumu lua bena Efrayime nelujimine, bu mudi nyunyi ya mishamisha ibuka, ijimina. Kabena mua kulela bana, kabena mua kuenda ne difu munda, kabena nansha mua kuimita.

Osheya 9:11 Referans Kwoze

Osheya 10:5

Bua muana wa ngombe wa ku Bete-awena Bena Samalea nebakuatshike buowa; bualu bua bantu bandi ne bakuidi bandi nebamuashile madilu; nebase muadi bua butumbi buandi, bualu bua buakûmuka kudiye.

Osheya 9:14

Yehowa, ubahe; neubahe tshinyi? Ubahe difu didi dituka ditshikale ditekete, ne biadi biume.

Osheya 4:7

Bu muakakumbanabo ba bungi, mbu muakangenzelabo bibi; nenkudimune butumbi buabo bulue bundu.

Dielulula 28:18

Nenuikale ne milau mu kukumbasha kua bana ne mu bintu bidi bidiunda mu buloba ne mu kukumbasha kua bimuna ne kua mikoko.

Luke 23:29

Tangilai, matuku alualua amba bantu ne, Bakashi badi nkumba badi ne disanka ne mafu adi kâi manze kulela bana ne mabele adi kâi mâmushe.

Amosa 1:13

Yehowa udi wamba dî edi ne, Bua malu mabi asatu a Bena Amona, nansha bua anai, tshiena nkudimuna dikenga dindualua kubakengesha nʼadi; bualu hua bakahanda bakashi ba mu Gilada bakadi ne mafu, bua bamanye mua kulehesha mikalu yabo.

Muambi 6:3

Bialela muntu bana lukama ne biashaleye ne muoyo bidimu bia bungi, kadi bikala mutshima wandi kauyi mukulu ne malu mimpe, anyi bantu kabayi bamujike bimpe, ndi ngamba ne, Muana wa kabishi udi mumuhite ku dikasa dimpe;

Misambu 58:8

Bikale bu dilandi didi disunsuka, didi dijimina, bikale bu muana wa kabishi udi kayi muanze kumona diba.

Yobe 18:5

Bulelela, muinda wa bantu babi neujime, ne ludimi lua kahia kandi kaluena lukenka.

Dielulula 33:17

Butumbi buandi budi bu muanʼa bute wa ngombe, nsengu yandi idi bu nsengu ya ngombe wa mu mpata; yeye neatue bantu bonso ba ha buloba nsengu yandi, ne ba binunu makumi bia bantu ba mu Efelayima ne binunu bia bantu ba mu Manashe.

Dielulula 28:57

ne kudi muana muhia-muhia wakaleleye ha binu biandi ne kudi bana bonso hadiye mulele; yeye neabadie mu musokoko bua kuhanga kua bia kudia mu ditshintshimika ne ditata bidi bena lukuna banutatshisha nʼabi ku misoko yenu.

Genese 49:22

Yosefe udi bu ditamba dia mutshi diakakuama mamuma a bungi, udi bu mutshi hehi ne mushimi wa mai, matamba andi adi asambuka ha mutu ha lumbu.

Genese 41:52

Wakidika muana mukuabo dina ne, Efelayima, bualu bua wakamba ne, Nzambi wakunkumbasha mu buloba bua dikenga dianyi.

Yeshaya 17:3

Nebumushile Efelayima musoko wandi wa lumbu wakadi tshieyemenu tshiandi mu nvita, nebumushile Damaseke bukelenge buandi; ne bantu ba mu Sulia batshidi bashalamu ne muoyo nebikale bu butumbi bua Bena Isalele.

Osheya 5:9

Bena Efelayima nebabutudibue mu dituku dia dikengeshibua diabo. Munkatshi mua bisamba bia Bena Isalele nakubamanyisha muanda ulualua bulelela.

2 Samuele 6:23

Mikala, muana mukashi wa Shaula, kakalela muana tô ne ku dituku dia lufu luandi.