Osheya 6:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Bu mudi bisumbu bia banyengi balamina muntu, mbu mudi tshisumbu tshia bakuidi bashiha bantu; mu nshila wa ku Shekeme bakushiha bantu, e, bakulonda malu mabi.

MUKANDA WA MYIDI MUKULU

⁹ Bu mudi benzedianganyi ba bibi balamina bantu mu njila, batuangaji mbashipe bantu mu njila wa ku Shekeme. Ebu bualu mbubi butambe!

Osheya 6:9 Referans Kwoze

Osheya 7:1

Hanakusua kushikisha disama a dia Bena Isalele, bubi bua Bena Efelayima buakusokoloka, ne bubi bua Bena Samalea buakumueneshibua. Bualu bua bakuenza malu a mashimi, muibi udi ubumbula nsubu, ne tshisumbu tshia banyengi tshidi tshinyenga bintu ha mbelu.

Osheya 5:1

Unvuai dî edi, nuenu bakuidi! Nungunvuile, nuenu Bena Isalele! Telejai matshu enu, nuenu ba mu nsubu wa mukelenge! Bualu bua tshilumbu tshidi tshinukuata mene; bualu bua nuakulua buteyi ku Misepa, ne bukuondo buvungulule ha mukuna wa Tabô.

Yowanane 11:47

Nunku bakuidi banene ne Bafalese bakadisangisha mu tshifufu, bakakonkangana ne, Muntu eu udi wenza bimanyinu bia bungi, neluenze tshinyi?

Marke 14:1

Hakahita matuku abidi, disanka dia Kuhita kua Yehowa ne dia bidia bidi kabi ne luevene diakalua; bakuidi banene ba Nzambi ne bafundi bakakeba bua kumukuata mu busokoko ne mua kumushiha;

Sefanya 3:3

Bakokeshi ba munkatshi muau badi bu nyama ya ntambue ikungula; balumbuluishi bau badi bu bimungu bidi biendakana butuku; kabiena bishiya tshintu tshia kudia hatshia butuku.

Mika 3:9

Ndi nnusengelela bua nunvue bienu muanda eu, nuenu badi ha mutu ha tshiota tshia Yakoba, ne bakokeshi ba tshisamba tshia Bena Isalele, badi bakina kulumbulula kuakane, badi banyanga malu makane.

Yezekiyele 22:27

Bakokeshi bandi badi bu nyama ya nkashama idi idia nyama yakukuatayi, badi bamatshisha mashi a bakuabo hanshi, badi bajimisha mioyo ya bantu bua kuheta luhetu ku buibi buabo.

Yezekiyele 22:9

Ba munkatshi muenu bakusonguelangana bua kumatshishabo mashi a bakuabo hanshi; munkatshi muenu muakadi bantu bakadia bintu bielela mpingu ha mikuna; munkatshi muenu muakadi bantu bakulonda malu a masandi.

Yirmeya 11:9

Yehowa wakangambila kabidi ne, Tshifufu tshibi tshidi munkatshi mua Bena Yuda ne munkatshi mua Bena Yelushalema.

Ezela 8:31

Hashishe tuakumuka ku musulu wa Ahawa mu dituku dia dikumi ne abidi dia ngondo wa kumudilu bua kuya ku Yelushalema; tshianza tshia Nzambi wetu tshiakadi kutudi, wakatusungila mu bianza bia bena lukuna ne kudi balaminyi bakadi mu nshila.

1 Bakalenga 12:25

Hashishe Yalobama wakasa musoko wa Shekeme mu mikuna ya Efelayima, wakashikamamu; wakumukaku, wakasa Penuele.

Bienzedi 4:24

Hakunvuabo dî edi, bakatumbisha Nzambi ne mutshima umue, bakamba ne, Mukelenge wetu, wewe wakafuka diulu ne buloba ne mai manene ne bintu bionso bidimu;

Yezekiyele 22:25

Baprofete bandi badi bu nyama wa ntambue udi wasa muadi hatshidiye udia nyama wakukuateye; bakujimisha mioyo ya bantu, badi banyenga bintu bia mu tshibutshilu ne bintu bia mushinga mukole, bakuvuisha bakashi ba mu lufuila ba bungi munkatshi muabo.

Yezekiyele 23:27

Nunku nenkuleshe malu ebe a tshikama, ne masandi awakalua nʼau ku buloba bua Ejipitu; nunku wewe kuena utangisha mesu ebe kudiu ne kuena uvuluka Ejipitu kabidi.

Osheya 2:10

Mpindiu nensokolole bundu buandi kudi bamunangi, kakuena muntu wamuhandisha mu tshianza tshianyi.

Osheya 4:2

Anu kuditshiha ne mitshihu ya mashimi, kudinga, kushihangana, kuiba ne kuenda kua masandi kudiku. Badi bashimbula bimanu bia nsubu, ne kumatshisha kua mashi kudi kulonda kumatshisha kua mashi.

Osheya 5:2

Bakumbula dijimba dile ku Shitima, kadi meme nembakengeshe buonso buabo.

Genese 12:6

Abalama wakalala mu buloba, wakalua ku Shekeme, kuakadi mutshi wa telebinta wa mu Mole Bena Kanana bakadi mu buloba tshikondo atshi.

Mika 7:2

Muntu muakane wakujimina ha buloba, kakuena muntu mujalame munkatshi mua bantu kabidi. Bonso badi balamina bakuabo bua kumatshisha mashi abo hanshi; muntu yonso udi wanda muanʼabo bukuondo.