Osheya 4:13 - Mukanda wa Nzambi Dihungila Dikulukulu ne Dihungila Dihia-dihia 2003

¹³ Badi bashihela mpingu milambu ha mitu ha mikuna mile, badi bayoshela musenga wa manananshi ha mikuna mikese, muinshi mua mitshi ya chêne, ya peuplier ne ya térébinthe, bualu bua dileshi diai didi dimpe. Nunku bana benu ba bakashi badi balonda malu a masandi, ne bakashi ba bana benu ba balume badi benda masandi.

MUKANDA WA MYIDI MUKULU

¹³ Badi balambula milambu ku nsongu ya mikuna. Badi bosha musenga wa manananshi pa mikuna, bua muinshi ubande mulu. Badi bimane muinshi mua mitshi: ya nsanga, ne mikuabu. Bualu dileji dia mitshi ayi, didi dibalengelela. Ke padi bana benu ba bakaji benda tshiendenda, bakaji ba bana benu ba balume, batomboka ku mabaka.

Osheya 4:13 Referans Kwoze

Yeshaya 1:29

Bualu bua bundu nebubakuate bua mitshi ya telebinta inuakunanga, nenuikale babuandakashibue bualu bua bibidi binuakusungula.

Yezekiyele 6:13

Nebamanye ne, Ndi Yehowa, haladikabo bana babo bashihibue munkatshi mua mpingu yabo ne kuinshi kua bioshelu biai ku nseke yonso, ha mutu ha mukuna wonso muhuekele, ha mutu ha mikuna mibande yonso, muinshi mua mutshi wonso udi ne muoyo ne muinshi mua mutshi wonso wa telebinta, miaba ei yakafidilabo bintu bia muhuya muimpe kudi mpingu yabo yonso.

Yirmeya 3:6

Yehowa wakangambila dî dikuabo mu matuku a mukelenge Yoshiya ne, Wakumona malu akuenza Isalele hakunkomeye nyima, anyi? Wakubanda ha mutu ha mukuna mule wonso, wakulala muinshi mua mutshi mubishi wonso, wakuendaku masandi.

Amosa 7:17

Nunku Yehowa udi wamba ne, Mukashi webe neikale mukashi wa masandi mu musoko eu, ne bana bebe ba balume ne ba bakashi nebashihibue ku muele wa nvita; nebabanyangane buloba buebe ku luidi. Wewe muine neufue mu buloba bubiha, nebaye ne Bena Isalele mu buhika, babumushe mu buloba buabo.

Osheya 11:2

Kadi hanakananukila kubabikila, bobo bakatamba kumuka kundi. Bakashihela Ba-Bâla milambu ya nyama, bakoshila mpingu musenga wa manananshi.

Osheya 2:13

Nunku Yehowa udi wamba ne, Nendue kudiye ne makenga bua matuku akoshileye Ba-Bâla musenga wa manananshi, ne akadilengesheye ne kakanu ka ku diulu ne bilenga biandi, hakalondeye bamunangi, ne wakatula bualu buanyi muoyo.

Yezekiyele 16:25

Wakuasa tshibunda tshile ku mbangilu wa nshila yonso, wakuvuisha bulengele buebe bu tshintu tshia bundu, wakufila mubidi webe kudi muntu yonso wakadi uhita mu nshila ne wakuvudisha masandi ebe.

Yezekiyele 16:16

Wakavula bivualu biebe, wakadilongoluela nʼabi bitendelelu ha mitu ha mikuna bilengeshibue ne mibidi ya mushindu ne mushindu, wakendelamu masandi; malu a mushindu eu kaena manze kuenjibua, ne kaena enjibua kabidi.

Yirmeya 3:13

Yehowa udi wamba ne, Anji kutonda bubi buebe, bu muwakatombokela Yehowa Nzambi webe; wakaya eku ne eku bua kudinyanga ne nzambi ya bantu ba bende muinshi mua mutshi wonso mubishi, ne kuakatumikila dî dianyi.

Yirmeya 2:20

Bua kale kale wewe wakatshibula mutshi wa tshikokedi wa ha nshingu hebe, wakakosa nkanu yebe, wakamba kabidi ne, Tshiena nkukuatshila mudimu. Wakinamina mpingu mutu ha mutu ha mukuna wonso mule ne muinshi mua mutshi wonso mubishi, wenda nʼai masandi.

Yeshaya 57:7

Wakuteka bualu buebe ha mutu ha mukuna mule mubande mulu; wakubandahu bua kufila mulambu.

Yeshaya 57:5

Nuenu badi badisonsuela lukuka lua masandi munkatshi mua mitshi ya telebinta, ne muinshi mua mutshi wonso udi ne muoyo; badi bashiha bana mu bibanda muinshi mua mitanta ya mabue.

Yirmeya 44:8

Bualu kai nuenu nuakunkuatshisha tshiji ku bintu binudi nuenza ne bianza bienu, hanuoshila nzambi mikuabo musenga wa manananshi mu buloba bua Ejipitu, munuakuya bua kushikama; bua nuenu kudifuisha ne bua kudivuisha tshintu tshidibo bahenda ne bahetula munkatshi mua bisamba bionso bia ha buloba.

Osheya 10:8

Bitendelelu bia ha mukuna wa Awena nebibutudibue, biakadi bubi bua Bena Isalele; meba ne mingonge nebimene ha bioshelu biabo; ne bobo nebambile mikuna ne, Nutubuikile! Nebambile mikuna mikese ne, Nutuhonene!

2 Bakalenga 17:7

Bualu bua Bena Isalele bakadi benza malu mabi ku mesu kua Yehowa, Nzambi wabo, wakabaluhula mu buloba bua Ejipitu mu bianza bia Palo, mukelenge wa Ejipitu, ne bakatshina nzambi mikuabo,

2 Bakalenga 23:7

Wakashimbula nsubu ya bena Sodoma yakadi ha buihi ne nsubu wa Yehowa kuakadi bakashi bakuma bilulu bia Bashela.