Osheya 14:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Nuenu, Bena Isalele, hinganai kudi Yehowa Nzambi wenu, bualu bua nuakudishinda hanshi bua mibi yenu.

MUKANDA WA MYIDI MUKULU

¹ Nebanyoke bena Samariya bua buenzayi buabu, bualu mbatombokele Mvidi Mukulu wabu. Nebafue mu myita ne bana babu, nebatundule bakaji babu badi ne mafu.

Osheya 14:1 Referans Kwoze

Osheya 6:1

Luai bienu, tuhingane kudi Yehowa; yeye wakatuhanda, kadi neashikishe disama dietu; yeye wakatutaha, kadi neajingile mputa wetu tshilulu.

Osheya 12:6

Nunku hinganai kudi Nzambi wenu, londai luse ne kulumbulula kuakane, indilai Nzambi wenu matuku onso.

Yirmeya 4:1

Yehowa udi wamba ne, Biwahingana kundi, wewe Isalele, biwahingana kundi, ne biûmusha malu a tshinyangu tshiebe ku mesu kuanyi, nunku wewe kuena umushibua.

Osheya 13:9

Bena Isalele, eku akubutuka kuenu, kuena ku luseke luanyi, meme mukuatshishi wenu.

Muadi 5:16

Tshifulu tshia butumbi tshiakutuka ku mutu kuetu; tudi ne mulau! Bualu bua tuakuenza bibi.

Osheya 5:5

Dihetu dia Bena Isalele didi dibahisha ku mesu kuabo, Bena Efelayima nebalenduke mu bubi buabo; Bena Yuda nebalenduke nʼabo.

Yirmeya 2:19

Mukelenge Yehowa wa misumba udi wamba ne, Bubi buebe buine nebukusamine, kundekela kuebe bua kuhingana ku malu a tshianana nekukubele. Nunku neumanye, neumone kabidi, bu mudi muanda eu wa kulekela Yehowa Nzambi webe mmuanda mubi ne wa bululu, ne mudi ditshina dianyi kadiyi munda muebe.

Yeshaya 19:22

Yehowa neakume ba mu Ejipitu, neabatahe ne neabasangashe kabidi; nebahingane kudi Yehowa, ne yeye neitabushe bua bamulombe, neakoleshe mibidi yabo.

Yezekiyele 33:11

Ubambile ne, Mukelenge Yehowa udi wamba ne, Bu mundi meme ne muoyo, tshiena ne disanka bua lufu lua muntu mubi, kadi ndi nsanka bua muntu mubi umuke mu nshila wandi mubi bua ikale ne muoyo. Tshingulukai! Tshingulukai! Lekelai bienzedi bienu bibi! Bualu kai nudi basue kufua, nuenu Bena Isalele?

Yezekiyele 33:14

Bualu bukuabo kabidi, bingambila muntu mubi ne, Wewe neufue bulelela, ne yeye udi umuka ku bubi buandi ne udi wenza malu adi makanangane ne mikenji ne adi makane kabidi;

Osheya 4:8

Badi badia bukute bua malu mabi a bantu banyi, badi basamina mitshima yabo ku milambu ya dihila dia bubi.

Osheya 9:7

Matuku a kubakengesha akufika, matuku a kubafuta akulua; Bena Isalele nebamanye muanda eu ne, Muprofete udi muhote, muntu udi ne nyuma udi muhale, bualu bua bubi buenu buvule, ne bualu bua lukuna luenu ludi lukole.

Osheya 10:12

Nudikunyine buakane, nuhuole luse lujalame; nudime buloba buenu bukadi bubande; bualu bua etshi ntshikondo tshia kukeba Yehowa, tô ne halueye kunulokeshila buakane bu nvula.

Osheya 12:8

Bena Efelayima bakuamba ne, Tuakulua babanji, tuakuheta biuma; mu malu onso atuakuenza kabena banji kutusangana ne dihanga dia bubi.

2 Bakalenga 8:12

Hazaele wakamuebesha ne, Mukelenge wanyi, udi udidila tshinyi? Yeye wakamuambila ne. Bualu bua ndi mumanye malu mabi audi muenzele Bena Isalele; wewe newoshe misoko yabo idi ne ngumbu ne kahia, wewe neushihe bansongalume babo ku miele ya nvita, wewe neukosolole bana babo bakese bituha bituha, neuhande bakashi babo badi ne mafu.

Yezekiyele 16:46

mukuluʼebe wa bakashi wakadi Samalea, wakadi ushikama ne bana bandi ba bakashi ku luseke luebe lua nôde; muakunyi webe wa bakashi wakadi Sodoma, wakadi ushikama ne bana bandi ba bakashi ku luseke luebe lua sude.

Osheya 9:13

Bu munakadianjila kumona, bana ba balume ba Bena Efelayima badi ne bua kukuatshibua kudi bena nvita, ne Bena Efelayima nebikale ne bua kuhatula bana babo bua bakuabo babashihe.

Amosa 1:13

Yehowa udi wamba dî edi ne, Bua malu mabi asatu a Bena Amona, nansha bua anai, tshiena nkudimuna dikenga dindualua kubakengesha nʼadi; bualu hua bakahanda bakashi ba mu Gilada bakadi ne mafu, bua bamanye mua kulehesha mikalu yabo.