Osheya 11:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Kabena bahingana mu buloba bua Ejipitu; kadi Muena Ashû neikale nfumu wabo, bualu bua bakabenga kualukila kundi.

MUKANDA WA MYIDI MUKULU

⁵ Bena Izrayele, kabakupingana kabidi mu Ejipitu to. Kadi, bena Ashure nebikale bamfumu babu. Bualu, bena Izrayele bavua babenga kupingana kundi meme Maweja-Nangila.

Osheya 11:5 Referans Kwoze

Osheya 7:16

Badi bahingana, kadi kabena bahingana kudi Nzambi wa mu diulu, badi bu buta buela buelavi. Bakokeshi babo nebashihibue ku muele wa nvita bualu bua tshiji tshikole ku ndimi yabo; netshibavuishe bihendu mu buloba bua Ejipitu.

Osheya 8:13

Badi bafila milambu ya nyama minshihela, badi bafila munyinyi ne badi baudia; kadi Yehowa kena usanka bua bintu ebi. Mpindiu neavuluke bubi buabo neabakengeshe bua malu mabi abo; nebahingane mu Ejipitu.

Osheya 10:6

Nebaye nʼandi kabidi ku Ashû, bua kumufila bu mulambu kudi Mukelenge Yaleba. Bena Efelayima nebakuatshike bundu, ne Bena Isalele nebakuatshike bundu bua meji akadibo balesha bakuabo.

Osheya 9:3

Kabena bashala mu buloba bua Yehowa, kadi ba mu Efelayima nebahingane mu Ejipitu, nebadie bia kudia bidi bibiha mu Ashû.

Amosa 5:27

Nunku meme nennutume mu buhika mu buloba budi buhita Damaseke kule. Yehowa, Nzambi mene wa misumba, udi wamba dî edi.

Amosa 4:6

Yehowa udi wamba ne, Meme hanyi nakatuma tshiole mu misoko yenu yonso, ne dikenga dia bia kudia mu miaba yenu yonso; kadi kanuena banze kuhingana kundi.

Osheya 9:6

Monai, bakuya kukuabo bualu bua kubutuka kua buloba buabo, kadi Ejipitu neabasangishe kudiye, Mempi neabajike. Mpesa neyihiane bintu biabo bilengele bia argent; mingonge ya meba neyikale mu ntenta yabo.

Osheya 6:1

Luai bienu, tuhingane kudi Yehowa; yeye wakatuhanda, kadi neashikishe disama dietu; yeye wakatutaha, kadi neajingile mputa wetu tshilulu.

Osheya 5:13

Hakamona Bena Efelayima disama diabo, hakamona Bena Yuda mputa wabo, mu diba adi Bena Efelayima bakaya ku Ashû, bakatuma dî kudi Mukelenge Yaleba. Kadi yeye kena ne bukole bua kunushikishila disama dienu, kena mua kunûmishila mputa wenu.

2 Bakalenga 15:29

Mu matuku a Peka, mukelenge wa Isalele, Tigelata-pilesê, mukelenge wa Ashû, wakalua, wakahaula Iyona ne Abele-bete-mâka ne Yanoa ne Kedeshe ne Hasô ne Gilada ne Galela ne buloba buonso bua Nafatale, wakaya nʼabo ku Ashû mu buhika.

2 Bakalenga 15:19

Pula, mukelenge wa Ashû, wakalua bua kuhaula buloba. Menahema wakaha Pula ntalanta ya argent tshinunu, bua yeye amukuatshishe bua kujadikeye bukelenge mu tshianza tshiandi.

Dielulula 17:16

Kadi yeye kena ne bualu bua kudikumbashila tubalu tua bungi, anyi bua kuhingisha bantu mu Ejipitu bua kuheteye tubalu tua bungi; bualu bua Yehowa wakamana kunuambila ne, Kanuhinganyi mu nshila au kabidi.

Amosa 4:11

Yehowa udi wamba ne, Nakabulula misoko ya munkatshi muenu, bu muakabulula Nzambi Sodoma ne Amola, ne nuakadi bu tshishelele tshidibo bahatula mu kahia; kadi kanuakahingana kundi.