Nsumuinu 8:35 - Mukanda wa Nzambi Dihungila Dikulukulu ne Dihungila Dihia-dihia 2003

³⁵ Bualu bua wansangana udi usangana muoyo, udi uheta diakalengele kudi Yehowa.

MUKANDA WA MYIDI MUKULU

³⁵ Udi unsangana meme, mmupete muoyi, Maweja-Nangila neamuele lupemba.

Nsumuinu 8:35 Referans Kwoze

Yowanane 3:36

Udi witabusha Muana udi ne muoyo wa tshiendelele; kadi udi uhidia Muana kena umona muoyo, tshishi tshia Nzambi tshidi tshishala ngandi.

Nsumuinu 12:2

Muntu muimpe udi uheta diakalengele kudi Yehowa, kadi yeye udi uhisha muntu udi uhangidisha malu mabi.

Yowanane 17:3

Eu udi muoyo wa tshiendelele, bua bobo bakumanye wewe, Nzambi umuehele mulelela, ne yeye uwakatuma, Yesu Kilisto mene.

Kolose 3:3

Bualu bua nuakafua, ne muoyo wenu udi musokoka ne Kilisto mu Nzambi.

Filipe 3:8

E, bulelela mene, ndi mbala bintu bionso bu tshintu tshijimina bualu bua bulengele butambe bua kumanya kua Kilisto Yesu, Mukelenge wanyi; unakajimishila bintu bionso bua bualu buandi, ne ndi mbibala bu bintu bia kuela ku diala bua meme mpete Kilisto,

Yowanane 14:6

Yesu wakamuambila ne, Meme udi bianyi nshila ne bulelela ne muoyo; kakuena muntu udi ulua kudi Tatu, kai muanze kulua kundi diambedi.

Nsumuinu 1:33

Kadi muntu yonso udi ungunvuila neashikame talalâ, neikale holâ kayi ne ditshina dia dikenga dibi.

Efeze 1:6

ku dianyisha dia butumbi bua ngasa wandi wakatuheye hatuhu mu Muana wandi Munanga.

Yowanane 3:16

Bualu bua Nzambi wakatamba kusua ba ha buloba, yeye wakabaha Muanʼandi umuehele mulela bua muntu yonso wamuitabusha kafu biandi, kadi ikale ne muoyo wa tshiendelele.

Nsumuinu 4:22

Bualu bua adi muoyo kudi badi bâheta, adi asangasha mibidi yabo yonso.

Nsumuinu 3:4

Nunku neusangane diakalengele ne lumu luimpe ku mesu kua Nzambi ne kua bantu.

Nsumuinu 3:22

Nunku nebikale muoyo ku mutshima webe ne tshilenga mu nshingu muebe.

Nsumuinu 9:6

Lekelai kutshimbakana, nuikale ne muoyo, nuende mu nshila wa dijingulula dia mianda.

Nsumuinu 18:22

Udi uheta mukashi udi uheta disanka, ndiakalengele didiye uheta kudi Yehowa.

Muambi 7:12

Bualu bua lungenyi ludi ne dikuatshisha bu dia biuma; kadi lungenyi ludi lutamba bua ludi luvuisha muoyo kudi muenʼalu.

Nsumuinu 4:13

Kuata diyisha bikole, kudilekedi nansha; udilame, bualu bua didi muoyo webe.