Nsumuinu 4:2 - Mukanda wa Nzambi Dihungila Dikulukulu ne Dihungila Dihia-dihia 2003

² Bualu bua ndi nnulesha diyisha dimpe, kanulekedi kulonda diyisha dianyi.

MUKANDA WA MYIDI MUKULU

² Ndi nnulongesha malu malelela. Kanubengi bindi nnulongesha to.

Nsumuinu 4:2 Referans Kwoze

1 Timote 4:6

Biwavuluisha bana benu ba mu Kilisto malu â, wewe newikale muena mudimu muimpe wa Kilisto Yesu, mudiundisha mu mei a ditabusha ne mu diyisha dimpe diwakulonda tô ne katataka.

Dielulula 32:2

Diyisha dianyi dimate hanshi bu nvula, ne mei anyi akudimuke bu mume; bu nvula mukese ha mashinde a nseku, bu nvula wa mudimbi ha midioko.

Tite 1:9

alamate dî didi mua kueyemenyibua didi bu mudi diyisha dia Nzambi, bua yeye amanye mua kusengelela bantu ne diyisha dilenge, ne mua kutuisha bena mpata.

Yobe 33:3

Mei anyi neikale bu buakane bua mutshima wanyi, mishiku yanyi neyambe malu adiyi mi manye kayiyi ne lubombo.

Yobe 11:4

Bua wewe udi wamba ne, Diyisha dianyi didi diakane, ne ndi ne mutshima mutoke ku mesu kuebe.

2 Kulondolola 7:19

Kadi biwasesuka, biwalekela mei anyi mafunda ne mikenji yanyi binakateka ku mpala kuebe, biwaya kukuatshila nzambi mikuabo mudimu ne bua kuyitendelela,

1 Kulondolola 28:9

Wewe, muanʼanyi Solomo, Umanye Nzambi wa tatuʼebe, umukuatshile mudimu ne mutshima mutoke ne didikokela kudiye; bualu bua Yehowa udi ukebakeba mitshima ya bantu bonso; udi ujingulula meji onso adibo bela munda muabo; biwamukeba, neumuhete; kadi biwamulekela, yeye neakuhidie tshiendelele.

Misambu 119:87

Bakamba kummana kaba kabalê ha buloba, kadi tshiakalekela kutumikila mei ebe mafunda.

Nsumuinu 3:1

Muanʼanyi, kuhu diyisha dianyi muoyo kadi mutshima webe ntumikile mikenji yanyi.

Yirmeya 35:8

Tuetu tuakutumikila dî dia Yonadaba, muana wa Lekaba, nkambua wetu, mu malu onso akatuambileye bua tuetu tuenze bua katunu nvinyo matuku etu onso, nansha tuetu, nansha bakashi betu, nansha bana betu balume, nansha bana betu bakashi;