Nsumuinu 28:21 - Mukanda wa Nzambi Dihungila Dikulukulu ne Dihungila Dihia-dihia 2003

²¹ Kulesha kansungusungu kakuena kuimpe; kadi muntu nênze malu mabi bua tshihesa tshia nshima.

MUKANDA WA MYIDI MUKULU

²¹ Mbimpe kukosa nsambu pa yoyi. Kadi bakuabu badi bakosa nsambu bibi bua kupeta tshiakudia.

Nsumuinu 28:21 Referans Kwoze

Yezekiyele 13:19

Nuakuhenda dina dianyi munkatshi mua bantu banyi anu bua kuheta manza a orge ne bihese bia bidia; nuakushiha bantu badi kabayi ne bua kufua, ne nuakusungila bakuabo badi kabayi ne bua kushala ne muoyo, bualu bua nuakudinga bantu banyi badi bitabusha mashimi enu.

Nsumuinu 24:23

Mei â kabidi adi mei akamba bena meji. Kambimpe kulesha kansungusungu mu kulumbulula kua bilumbu.

Nsumuinu 18:5

Kembimpe bua kunemeka muntu mubi, anyi bua kukonyangasha kulumbulula kua bantu bakane.

Ekesode 23:8

Kanuitabushi tshintu tshia mbueshilu, bualu bua tshintu tshia mbueshilu tshidi tshifofomesha muntu udi ne mesu matabale, tshidi tshikudimuna mei a muntu muakane.

Ekesode 23:2

Kulondi ku nyima kua tshisumbu tshia bantu tshinene bua kuenza malu mabi, kuikadi bu mu manyi wa bualu munkatshi mua bantu badi basangisha dî diabo bua kudibingisha mu tshilumbu tshidi ka tshiyi tshilelela.

2 Petro 2:3

Bualu bua lukuka lua biuma bobo nebendulule nʼenu mushinga ne mei a mashimi; dihila diabo diakabahishabo nʼadi kale kadiena dishanguluka, ne dibutuke diabo kadiena dilala tulu.

Rome 16:18

Bua badi benza nunku kabena bakuatshila Mukelenge wetu Kilisto mudimu, kadi badi bakuatshila anu mafu abo mudimu; ne bua mei abo a lubombo ne a kutumbisha nʼau bantu hatuhu badi badinga mitshima ya badi kabai badimuke.

Mika 7:3

Bianza biabo bidi ku malu mabi bua kuaenza lukasa; mukokeshi ne mulumbuluishi badi bakeba mbueshilu; muntu munene udi wamba bubi budi mutshima wandi musue kuenza; nunku badi banyanga malu makane hohamue.

Mika 3:5

Yehowa udi wamba dî edi bualu bua baprofete badi babambuisha bantu bandi; badi bamba ne, Ditalala didiku hikalabo bukute; kadi hahanga muntu kubaha tshia kudia, badi balongolola bielelu bua kuya kuluangana nʼandi nvita.

Osheya 4:18

Kunua kuabo kua maluvu kudi kuamba kushika, badi bananukila kuenda masandi; bakokeshi babo badi batamba kunanga malu a bundu.

Dielulula 1:17

Kanuikadi ne kansungusungu hanualumbulula bilumbu; nunvue dî dia muntu mukese ne dia muntu munene muomumue; kanutshinyi mpala wa muntu; bualu bua kulumbulula kua bilumbu kudi kua Nzambi: tshilumbu tshidi tshihita bukole, nulue nʼatshi kundi, meme nentshiunvue.