Nsumuinu 26:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Kukudimunyi muhote dî bu mudi buhote buandi, bua wewe kufuanangana nʼandi.

MUKANDA WA MYIDI MUKULU

⁴ Kuandamunyi muntu mutshimbakane miaku ya bupote. Tshianana nenufuanangane nende.

Nsumuinu 26:4 Referans Kwoze

Nsumuinu 26:5

Kudimuna muhote dî bu mudi buhote buandi, bua yeye kedi meji ne, Ndi muena meji.

1 Petro 3:9

kanushintakashi bubi ku bubi anyi tshihendu ku tshihendu; kadi nushintakashangane nʼabo disanka; bua nuakabikidibua bua muanda eu, bua nuenu kuhiana disanka.

1 Bakalenga 12:14

kadi wakabambila lungenyi luakamuambila bansongalume ne, Tatu wanyi wakanunemeshila mutshi wa tshikokedi, kadi meme nennukumbashile majitu makuabo: tatu wanyi wakamutuma ne nsokotshi, kadi meme nennukume ne tuminyiminyi.

Nsumuinu 17:14

Tshibangidilu tshia matandu tshidi bu kuhatuka kua mai; nunku diambedi matandu kâyi manze kuhatuka, lekela difuilangana.

1 Bakalenga 12:16

Hakamona Bena Isalele ne Mukelenge kakabunvuila, bantu bakandamuna ne, Tudi ne tshituha kai mu Davidi? Katuena ne buhianyi mu muana wa Yishai. Nuenu Bena Isalele nuhingane ku ntenta yenu! Nuenu Bena Davidi nudilamine nsubu yenu. Nunku Bena Isalele bakaya ku ntenta yabo.

Yuda 1:9

Kadi Mikaele, muanjelo mutambe bakuabo bunene, hakadiye ufuilakana ne diabolo muelangane nʼandi mpata bua mubidi wa Mose, kakadi ne dikima dia kulua ne bihendu bia kumuhisha nʼabi, kadi wakamba ne, Mukelenge akubele.

Yeshaya 36:21

Kadi bantu bakahuwa talalâ, kabakamukudimuna dî; bualu hua mukelenge wakadi wela mukenji ne, Kanumukudimunyi dî.

Matayi 7:6

Kanuhi mbua tshintu tshia tshijila; kanuedi mabue enu a mushinga mukole hanshi hadi ngulube yendela, kayadiatshi munshi mua bikono, kayandamuki bua kunutuanyakanya.

Nsumuinu 23:9

Kuambi dî mu matshu a muhote, bualu bua neahetule meji a mei ebe.

Nsumuinu 29:9

Biatandangana muena meji ne muhote mu tshilumbu, muhote udi ukuata tshiji ne udi useka, kakuena ditalala.