Nsumuinu 24:23 - Mukanda wa Nzambi Dihungila Dikulukulu ne Dihungila Dihia-dihia 2003

²³ Mei â kabidi adi mei akamba bena meji. Kambimpe kulesha kansungusungu mu kulumbulula kua bilumbu.

MUKANDA WA MYIDI MUKULU

²³ Bena meji badi bamba kabidi ne: Tshibawu mpolonto mpolonto, wasa kudi tshibawu kuashi kudi muanenu.

Nsumuinu 24:23 Referans Kwoze

Nsumuinu 28:21

Kulesha kansungusungu kakuena kuimpe; kadi muntu nênze malu mabi bua tshihesa tshia nshima.

Nsumuinu 18:5

Kembimpe bua kunemeka muntu mubi, anyi bua kukonyangasha kulumbulula kua bantu bakane.

Misambu 107:43

Udi ne meji adimuke biandi bua malu â; bantu belangane meji a luse lujalame lua Yehowa.

Lewitiki 19:15

Kanuenji bibi hanualumbulula tshilumbu, kanunemekedi muntu muhele, kanutumbishi muntu munene, kadi nulumbulule bilumbu bia muena mutumba nʼenu ne buakane mu mutshima.

1 Petro 1:17

Binuamubikila bu Tatu udi ulumbuluisha muntu yonso bu mudi bienzedi biandi kai ne kansungunsungu, nuhitshishe tshikondo tshia buenyi buenu mu ditshina.

Yakobe 3:17

Kadi meshi adi afuma mu diulu diambedi adi mimpe, hashishe adi ditalala, adi buhote, budi bualu butekete bua kuasengelela, adi mûle tente ne luse ne mamuma mimpe, kêna ne mpata, kêna ne lubombo.

Yowanane 7:24

Kanulumbuluishi muntu tshilumbu ku bimuenu biandi, nulumbulule ne kulumbulula kuakane.

Osheya 14:9

Udi ne meji ajingulule malu â; udi ne lungenyi lua kuamanya, âmanye biandi; bualu bua nshila ya Yehowa idi milulame; bantu bakane badi bendamu, kadi bantu babi badi badishindamu.

Nsumuinu 1:6

bua kujingululeye lusumuinu ne tshifuanyikishi, mei a bena meji ne majimba abo.

2 Kulondolola 19:7

Nunku ditshina dia Yehowa dikale kunudi; nudimuke bimpe bu munudi nuenza bualu bua kakuena malu mabi kudi Yehowa Nzambi wetu, yeye kena ne kansungusungu, kena witabusha bintu bia mbueshilu kudi muntu.

Dielulula 16:19

Kanulumbuluishi bantu ne dilumbuluisha didi kadiyi diakane; kanutangidi mpala ya bantu; kanuitabushi bintu bia kunubueshilabo nʼabi; bualu bua bintu bia kunubueshilabo nʼabi bidi bifofomesha mesu a muena lungenyi, bidi binyanga dilumbuluisha didi diakane.

Dielulula 1:17

Kanuikadi ne kansungusungu hanualumbulula bilumbu; nunvue dî dia muntu mukese ne dia muntu munene muomumue; kanutshinyi mpala wa muntu; bualu bua kulumbulula kua bilumbu kudi kua Nzambi: tshilumbu tshidi tshihita bukole, nulue nʼatshi kundi, meme nentshiunvue.

Nsumuinu 22:17

Teleja matshu ebe, unvue mei a bena meji, teka mutshima webe ku mei andi nkumanyisha.

Yobe 13:8

Nudi basue kumunemeka ne kundesha meme kansungusungu, anyi? Nudi basue kuakuila Nzambi, anyi?