Nsumuinu 21:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Kuheta tshibutshilu ku ludimi lua mashimi kudi bu dibungi didi luhehele lumuangalasha, kudi buteyi bua lufu kabidi.

MUKANDA WA MYIDI MUKULU

⁶ Bantu badi bapeta biuma ne didinga mbantu bapote, badi bafika ku lufu.

Nsumuinu 21:6 Referans Kwoze

Nsumuinu 13:11

Biuma bidibo bangata ku malu a hatuhu bidi bikeha, kadi udi ubisangisha ku tshituha ku tshituha udi ubivudisha.

Nsumuinu 10:2

Biuma biheta ku bubi kabiena bilubuluka, kadi buakane budi buhandisha muntu ku lufu.

Nsumuinu 20:21

Buhianyi budi muntu uheta lubilu ku tshibangidilu kabuena buvudishibua disanka kunshikidilu kuabu.

Yirmeya 17:11

Bu mudi nkuadi usangisha bana badiye kayi mutoye, mbu mudi muntu uheta bubanji budiye wangata ku bienzedi bidi kabiyi bimpe; munkatshi mua matuku andi nebimushiye, ne kunshikidilu kuandi neikale muhote.

Nsumuinu 8:36

Kadi wahanga kunsangana udi wenzela muoyo wandi bibi; bonso badi bankina badi bananga lufu.

Nsumuinu 30:8

Ungumushile kudinga ne kuamba kua mashimi kundi; kumpi buhele anyi bubanji nansha, undishe bia kudia bidi binkumbanyina,

Nsumuinu 22:8

Udi ukuna malu mabi neahuole dikenga, mulangala wa tshiji tshiandi tshikole neajimine.

2 Petro 2:3

Bualu bua lukuka lua biuma bobo nebendulule nʼenu mushinga ne mei a mashimi; dihila diabo diakabahishabo nʼadi kale kadiena dishanguluka, ne dibutuke diabo kadiena dilala tulu.

Nsumuinu 20:14

Musumbi udi wamba ne, Tshidi tshibi, tshidi tshibi; kadi hayeye, udi utshianyisha.

Tite 1:11

budibo nʼabu mbua kubuikidishibua mishiku yabo; bobo badi bona ditabusha dia bena nsubu mijima, bayisha bantu malu adibo kabai ne bualu bua kubayisha, hua kuhetabo biuma bibihe.

Yezekiyele 18:31

Nudiumushile malu mabi enu onso anuakungenzela, nudiangatshile mutshima muhia-muhia ne nyuma muhia-muhia. Bualu kai nudi basue kufua, nuenu ba mu tshisamba tshia Bena Isalele?