Nsumuinu 18:22 - Mukanda wa Nzambi Dihungila Dikulukulu ne Dihungila Dihia-dihia 2003

²² Udi uheta mukashi udi uheta disanka, ndiakalengele didiye uheta kudi Yehowa.

MUKANDA WA MYIDI MUKULU

²² Muntu udi mupete mukaji, udi mupete diakalenga. Ke dipa didi Maweja-Nangila umupesha.

Nsumuinu 18:22 Referans Kwoze

Nsumuinu 19:14

Nsubu ne biuma bidi buhianyi budi bufuma kudi batatu, kadi mukashi mubake wa meji udi diha didi difuma kudi Yehowa.

Nsumuinu 12:4

Mukashi udi ne tshikadilu tshimpe udi tshifulu tshia butumbi kudi bayandi, kadi mukashi udi umufuisha bundu udi ubolesha mifuba yandi.

Muambi 9:9

Usanke ne mukashi webe ûdi munange matuku onso a muoyo webe wa ha buloba akukuhabo muinshi mua diba, matuku ebe mene a ha buloba; ebu mbuebe buhianyi bua mu muoyo ne mu midimu yebe iudi wenza muinshi mua diba.

1 Korente 7:2

Kadi bua kuehuka ku masandi, mulume ne mulume ikale ne mukashi wandi, ne mukashi ne mukashi ikale ne mulume wandi.

Genese 2:18

Yehowa Nzambi wakamba ne, Kambimpe bua mulume ashale nkayandi nansha, nemmufukile mukuatshishi bu mudiye.

Osheya 12:12

Yakoba wakanyemena mu madimi a mu Alama; Isalele wakakuata mudimu bua kusela mukashi, ne bua kuheta mukashi yeye wakaja ma mikoko.

Nsumuinu 8:35

Bualu bua wansangana udi usangana muoyo, udi uheta diakalengele kudi Yehowa.

Nsumuinu 3:4

Nunku neusangane diakalengele ne lumu luimpe ku mesu kua Nzambi ne kua bantu.

Genese 24:67

Isaka wakalua nʼandi mu ntenta wa mamu wandi, Sala, yeye wakangata Lebeka, wakalua mukashi wandi Isaka wakamunanga, ne mutshima wandi wakasambibua bua lufu lua mamu wandi.

Genese 29:28

Yakoba Wakenza nunku, wakashikisha lumingu luandi, ne yeye wakamuha Lakele bu mukashi wandi

Rute 4:10

Bualu bukuabo, nakasumba Luta Muena Moaba, mukashi wa Malona bu mukashi wanyi, bua kuhingisha dina dia mufu ku buhianyi buandi, bua dina dia mufu kadijiminyi mu nkatshi mua bana babo ne ku tshibi tshia muaba wandi nudi bamanyi ba bualu ebu lelu.