Nsumuinu 18:14 - Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Muoyo wa mundi neumukoleshe mu butekete buandi, kadi udi mua kujula mutshima wa kanyinganyinga kulu nganyi?

MUKANDA WA MYIDI MUKULU

¹⁴ Padi muntu utekemena ne: nempande, udi upanda. Udi kayi utekemena lupandu, udi mua kufua lukasa.

Nsumuinu 18:14 Referans Kwoze

Nsumuinu 15:13

Mutshima wa disanka udi uvuisha mpala wa musangelu, kadi bikala mutshima ne kanyinganyinga, muoyo wa muntu udi utekela teketê.

Nsumuinu 17:22

Mutshima wa disanka udi buanga hudi busangasha bimpe, kadi muoyo wa muntu udi ne majia udi inuisha mifuba.

1 Petro 1:6

Bua muanda eu nudi nutamba kusanka, nasha bikalaku bualu bua nuenu kunyingalashibua tshituha tshihi mu mateta a mishindu ya bungi;

Yakobe 1:2

Bana betu, nububale bu disanka dionso hanuahona mu mateta a mishindu ya bungi;

Misambu 147:3

Udi ukolesha badi ne mitshima minyingalale, udi ujingila bilulu ha mputa yabo.

2 Korente 2:7

kadi nudi ne bualu bua kumulekelela bubi buandi ne kumusamba, bua bumue muntu wa nunku katambi bu ku kanyinganyinga kakole.

Misambu 109:22

Bualu bua ndi muena dikenga ne ndi muhele, ne mutshima wanyi udi mutahika ka mputa munda muanyi.

2 Korente 1:12

Bualu bua ditumba dietu didi bualu ebu, tshimanyishilu tshia muoyo-mukese wetu ne, Tuetu tuakenda munkatshi mua ba ha buloba ne bienzedi bia tshijila ne bia hatoke bia Nzambi, kemu meshi a bantu kadi mu ngasa wa Nzambi, ne tuakatamba kuenda nunku munkatshi muenu.

Misambu 55:5

Kutshina ne kuzakala kudi kufika kundi, kuvuayila kudi kukuata mubidi wanyi wonso.

Misambu 55:3

bualu bua dî dia muena lukuna, bualu bua dinkengesha dia bantu babi. Bualu bua badi bavuisha malu mabi bua kukulukau hamʼbidi hanyi, ne mu tshiji tshiabo badi bangenzela bibi.

Yobe 6:4

Bualu bua mikete ya Wa Bukole Buonso idi munda muanyi, muoyo wanyi udi unua lulengu luai; malu adi Nzambi untshinyisha nʼau adi mela mualu wa nvita ku mpala kuanyi.

Ekesode 6:9

Mose wakambila Bena Isalele nunku kadi bobo kabakatumikila dî dia Mose bualu bua kanyinganyinga ka mutshima, ne bua dikenga dia buhika.