Nsumuinu 15:19 - Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Nshila wa mufuba udi ne luhangu lua mingonge ya meba, kadi nshila wa bantu bakane udi bu tshibebe tshibatamisha.

MUKANDA WA MYIDI MUKULU

¹⁹ Muena lulengu udi utangila njila yonsu bu ya meba. Muntu muakane udi usangana miaba yonsu njila milongolola bimpe.

Nsumuinu 15:19 Referans Kwoze

Yeshaya 35:8

Tshibebe tshikaleku, ne nshila, nebamubikile ne, Nshila wa Tshijila; badi kabayi balengeshibue ku bubi buabo kabena bamanye mua kuhitshilaku, kadi neikaleku bua bantu bandi; bena luendu, nansha bahote mene, kabena bendelamu.

Yeshaya 30:21

Hawakeba kusesuka ku tshianza tshia balume, anyi ku tshianza tshia bakashi, matshu ebe neunvue dî difume ku nyima kuebe, diamba ne, Nshila kayeu, endelamu.

Nsumuinu 22:5

Mingonge ya meba ne mateyi bidi mu nshila wa muena tshitshu; udi ulama muoyo wandi neabiehuke kule kudibi.

Nsumuinu 26:13

Mufuba udi wamba ne, Nyama wa ntambue udi mu nshila; nyama wa ntambue udi mu misesu!

Nsumuinu 22:13

Mufuba udi wamba ne, Nyama wa ntambue udi ha mbelu! Nenshihibue mu misesu!

Nsumuinu 8:9

Buonso buau adi mei a bushuwa kudi muntu udi ujingulula mianda, adi mei makane kudi badi baheta lungenyi.

Misambu 27:11

Yehowa, unyishe nshila webe, undombele mu nshila mulandakane, bualu bua bena lukuna banyi.

Nsumuinu 3:6

Umumanye yeye bimpe mu bienzedi biebe bionso, yeye neakululamishile nshila yebe.

Misambu 25:12

Muntu kai udi utshina Yehowa? Yehowa neamumanyishe nshila udiye ne bua kusungula.

Misambu 5:8

Yehowa, undombole mu buakane buebe bualu bua bena lukuna banyi; ululamishe nshila webe ku mesu kuanyi.

Yeshaya 57:14

Nebambe dî edi ne, Elai, elai bienu mabula, longololai nshila, numushe tshilenduishi tshionso mu nshila wa bantu banyi.

Nsumuinu 15:18

Muntu udi ukuata tshiji lukasa udi usonsola nvita, kadi udi ukuata tshiji bitekete udi ukolesha matandu.

Nsumuinu 15:20

Muana mulume wa meji udi usankisha tatuʼandi, kadi muntu muhote udi uhetula mamuʼandi.

Nsumuinu 6:6

Wewe, muntu mufuba, ya kudi kankenene; welangane meji mudiku kaya mu nshila yaku, wikale ne meji.

Nsumuinu 11:5

Buakane bua muena mutshima mutoke budi bululamisha nshila wandi, kadi muntu mubi neadishinde ku bubi buandi yeye.