Nsumuinu 14:27 - Mukanda wa Nzambi Dihungila Dikulukulu ne Dihungila Dihia-dihia 2003

²⁷ Ditshina dia Yehowa didi mushimi wa mai a muoyo, bua kuehuka ku mateyi a lufu.

MUKANDA WA MYIDI MUKULU

²⁷ Ditshina dia Maweja-Nangila didi dipetesha muoyi; didi diepula muntu ku njiwu ya lufu.

Nsumuinu 14:27 Referans Kwoze

Nsumuinu 13:14

Diyisha dia muena meji didi mushimi wa mai a muoyo, bua kuehuka mateyi a lufu.

Didimanyisha 21:6

Yeye wakangambila ne, Akuenjibua. Meme ndi A ne Z, tshibangidilu ne nshikidilu. Nempe udi ne nyota mai a ku mushimi wa muoyo tshianana.

Yeshaya 33:6

Luhandu lukumbane, meji ne lungenyi nebikale bukole bua tshikondo tshiebe; ditshina dia Yehowa didi biuma bia mu tshibutshilu tshia Siona.

Nsumuinu 22:5

Mingonge ya meba ne mateyi bidi mu nshila wa muena tshitshu; udi ulama muoyo wandi neabiehuke kule kudibi.

Misambu 18:5

Makuondo a Muaba wa Bafue akanyunguluka, mateyi a lufu akadi ku mpala kuanyi.

Muambi 7:26

Nakasangana ne, Mukashi udi ne mutshima mufuanangane ne mateyi ne bukuondo ne bianza bidi bu mionshi, yeye udi mutambe lufu bululu; wasankisha Nzambi neahanduke mu bianza biandi; kadi yeye neakuate muntu mubi.

Nsumuinu 10:27

Ditshina dia Yehowa didi dilehesha matuku a muoyo, kadi bidimu bia bantu babi nebikeleshibue.

Nsumuinu 14:26

Udi utshina Yehowa udi ne tshieyemenu tshikole, ne bana bandi nebikale ne tshinyemenu.

Nsumuinu 14:28

Bantu bavule mbutumbi bua mukelenge, kadi dikeha dia bantu ndibutuka dia mukokeshi.

Nsumuinu 19:23

Ditshina dia Yehowa didi dilombola muntu ku muoyo; udi nʼadi neashikame talalâ, dikenga kadiena dimukuata.