Nsumuinu 14:17 - Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Udi ukuata tshiji lubilu udi wenza malu mahote, kadi muena lungenyi udi ne lutulu.

MUKANDA WA MYIDI MUKULU

¹⁷ Muntu udi ufika munda lukasa, udi wenza bualu bupote. Udi wela meji mabi, udi udikebela lukinu.

Nsumuinu 14:17 Referans Kwoze

Nsumuinu 14:29

Udi kayi ukuata tshiji lubilu udi ne lungenyi lule, kadi udi ne mutshima wa lukuluku udi ubandisha buhote.

Nsumuinu 29:22

Muena tshiji udi usonsola ma tandu; muntu utu wafua tshiji lukasa udi utamba kubishisha ditomboka.

Yakobe 1:19

Bana betu bananga, mimanye bienu bualu ebu. Muntu yonso unvue biandi lubilu, atukishe kai muanze kuakula, kakuatshi tshishi lubilu;

Muambi 7:9

Kukuatshi tshiji mu mutshima webe lukasa, bualu bua tshiji tshidi tshiala mu tshiadi tshia bahote.

Nsumuinu 15:18

Muntu udi ukuata tshiji lukasa udi usonsola nvita, kadi udi ukuata tshiji bitekete udi ukolesha matandu.

Nsumuinu 22:24

Kukuatshi bulunda ne muntu utu wakuata tshiji, kuendi diatshimue ne muena tshiji tshikole;

Nsumuinu 16:32

Udi kayi ukuata tshiji lubilu udi uhita muena bukitu buimpe, udi ukokesha muoyo wandi udi uhita munyengi wa musoko kutumba.

Yeshaya 32:7

Bielelu bia nvita bia muena budimu bidi bibi; udi udihangidishila biandi bienzedi bibi bua kubutula nʼabi bahele ku mei a mashimi, nansha hamba muntu muhele mei adi malelela.

Nsumuinu 12:16

Tshiji tshia muhote tshidi tshimanyibua lukasa, kadi muntu mudimuke udi ubuikila tshihendu.

Nsumuinu 12:2

Muntu muimpe udi uheta diakalengele kudi Yehowa, kadi yeye udi uhisha muntu udi uhangidisha malu mabi.

Nsumuinu 6:18

mutshima udi uhangidisha mianda ya meji mabi, makasa adi aya lubilu kudibo benza malu mabi,

Estere 3:6

Hakelanganeye meji, yeye wakabenga kukuata Môdekai nkayandi, bualu bua bakamumanyisha bua tshisamba tshia Môdekai; nunku Hamana wakakeba bua kushiheye Bena Yuda bonso bakadi mu bukelenge bua Ahashawelosha, ba mu tshisamba tshia Môdekai mene.

2 Bakalenga 5:12

Abana ne Pâpâ, misulu ya mu Damaseke, kayena mihite mai onso a mu Isalele buakane, anyi? Tshiena mumanye mua kuowamu mai, ngikale muakane, anyi? Wakasumba ne tshiji tshikole.

Nsumuinu 14:16

Muena meji udi udimuka, udi wehuka ku bubi, kadi muhote udi ne dikamakama, udi udieyemena.

Nsumuinu 14:18

Batshimbakanyi badi bahiana buhote, kadi badi ne budimu badi ne lungenyi bu tshifulu tshiabo tshia butumbi.

Nsumuinu 20:3

Butumbi budi kudi muntu biashilanganeye ne matandu, kadi muhote yonso neahatule mei a kutandangana nʼau.