Nsumuinu 14:14 - Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Muntu udi usesuka neukute bintu bidiye uhuola mu nshila yandi, ne muntu muimpe neukute bintu bidi bienzedi biandi bimutuadila.

MUKANDA WA MYIDI MUKULU

¹⁴ Muntu muena malu mabi neapete tshibawu tshia pa bubi buende. Bidi muntu muakane upeta nebimusankishe.

Nsumuinu 14:14 Referans Kwoze

Ngalate 6:8

Muntu udi ukunyina mubidi wandi bintu, neahuolele mubidi wandi bintu bibole; kadi muntu udi ukunyina Nyuma bintu, neahuole muoyo wa tshiendelele bua Nyuma.

Nsumuinu 12:14

Muntu udi uheta diakalengele ku mei makane a mukana muandi, ne bienzedi bidi bianza bia muntu bienza nebihingane kudiye.

Ebrewu 3:12

Bana betu, nudimuke bua bumue kakulu kuikala umue wenu udi ne mutshima mubi wa buhidia munda muandi, mu dilekela diandi dia Nzambi wa muoyo;

Yirmeya 8:5

Kadi Bena Yelushalema badi balukila ku nyima tshiendelele bualu kai? Badi bakuata malu a mashimi bikole; badi babenga kuhingana.

Ngalate 6:4

Kadi muntu ne muntu adijadikile mudimu wandi, nunku neamanye mua kuditumbisha bua bualu buandi, kembualu bua mukuabo.

Yowanane 4:14

kadi wanua mai anamuha kena wikala ne nyota kabidi tshiendelele; mai anamuha neikale munda muandi bu mushimi wa mai abanda mu muoyo wa tshiendelele.

Yirmeya 2:19

Mukelenge Yehowa wa misumba udi wamba ne, Bubi buebe buine nebukusamine, kundekela kuebe bua kuhingana ku malu a tshianana nekukubele. Nunku neumanye, neumone kabidi, bu mudi muanda eu wa kulekela Yehowa Nzambi webe mmuanda mubi ne wa bululu, ne mudi ditshina dianyi kadiyi munda muebe.

Sefanya 1:6

Nengumushe kabidi badi balekela kulonda Yehowa ne badi kabayi bakeba Yehowa, kabayi bamulombe lungenyi luandi.

Yirmeya 17:5

Yehowa udi wamba ne, Mulau udi ukuata muntu udi weyemena bantu, udi uvuisha bantu bu diboko diandi dia bukole, ne udi umusha mutshima wandi kudi Yehowa.

Nsumuinu 14:10

Mutshima wa muntu udi mumanye kanyinganyinga kau, ne kakuena muntu wa bende udi mua kujingulula disanka diau.

2 Korente 1:12

Bualu bua ditumba dietu didi bualu ebu, tshimanyishilu tshia muoyo-mukese wetu ne, Tuetu tuakenda munkatshi mua ba ha buloba ne bienzedi bia tshijila ne bia hatoke bia Nzambi, kemu meshi a bantu kadi mu ngasa wa Nzambi, ne tuakatamba kuenda nunku munkatshi muenu.

Osheya 4:16

Bena Isalele bakulua bena tshitshu bu lukungulu lua ngombe ludi ne tshitshu; Yehowa neamanye mua kubadisha bu mudiye udisha muana wa mukoko mu mpata mimene, anyi?

Yezekiyele 22:31

Mukelenge Yehowa udi wamba ne, Nunku nakubahongoluela tshiji tshianyi tshikole; nakubabutula ne kahia ka tshifikʼa munda; nakubatumina dikenga bualu bua bienzedi biabo.

Misambu 109:17

Wakananga kuela kua mulau kabidi; mulau umukuate yeye! kakasua kuvudishila muntu disanka; disanka dikale kule kudiye!

Nsumuinu 9:12

Biwikala ne meji, meji ebe nga kudikuatshisha nʼau; biwabuidiangana, mibuidi yebe neyikuandamukile.

Nsumuinu 12:21

Kakuena bualu bubi buakuata muntu muakane, kadi bantu babi badi bûle tente ne diakabi.

Nsumuinu 14:15

Mutshimbakane udi witabusha dî dionso, kadi muena budimu udi utangila kudiye uya.

Nsumuinu 18:20

Muntu udi ukuta mamuma adi mukana muandi mukuama, udi ukuta bintu bidi mishiku yandi ikuama.