Nsumuinu 13:22 - Mukanda wa Nzambi Dihungila Dikulukulu ne Dihungila Dihia-dihia 2003

²² Muntu muimpe udi ushila bana ba bana bandi buhianyi, kadi biuma bia muenji wa malu mabimbitekela bantu bakane.

MUKANDA WA MYIDI MUKULU

²² Muntu muimpe udi ushiya bumpianyi kudi ndelanganyi yende. Kadi mpetu ya babi, bakane badi bayipeta.

Nsumuinu 13:22 Referans Kwoze

Muambi 2:26

Nzambi udi uha muntu udi umusankisha meji, lungenyi ne disanka; kadi udi uha muntu mubi lutatu lua kukunguisha bintu bia kuhesha mukuabo udi usankisha Nzambi. Bualu ebu mbua hatuhu kabidi ne bu kuihata kua luhehele.

Nsumuinu 28:8

Udi utudisha biuma biandi ku kasombela ne ku makasa udi ubisangishila muntu udi ufuila bahele luse.

Misambu 37:25

Nakadi nsongalume, katataka nakulua muntu mukole; kadi tshiena muanze kutangila muntu muakane mushale hatuhu, anyi bana bandi baledibue balombe bia kudia.

Misambu 112:2

Tunkanunuina tuandi netuikale ne bukitu bua bungi ha buloba; mulongo wa bantu bakane newikale ne disanka.

Ezela 9:12

Nunku kanufidi bana benu bakashi kudi bana babo balume; kanuangatshidi bana benu balume bana babo bakashi; kanukebi ditalala diabo anyi diakalengele diabo tô ne tshiendelele; bua nuenu nuikale ne bukole, bua nuenu nudie bintu bimpe bia mu buloba abu, ne bua nuenu nubushile bana benu bu buhianyi buabo bua tshiendelele.

Misambu 128:6

E, umone biebe bana ba bana bebe baledibue. Ditalala dikale kudi Bena Isalele!

Misambu 102:28

Bana baledibue ba bantu bebe nebashikame mu buloba talalâ, ne tunkanunuma tuabo netujadikibue ku mpala kuebe.

Nsumuinu 17:6

Bikulu badi tshifulu tshia butumbi tshia bantu banunu; butumbi bua bana mbatatu babo.