Nsumuinu 10:32 - Mukanda wa Nzambi Dihungila Dikulukulu ne Dihungila Dihia-dihia 2003

³² Mishiku ya muntu muakane idi mimanye tshidi mua kusankisha bantu, kadi mukana mua bantu babi mudi ne tshitshu.

MUKANDA WA MYIDI MUKULU

³² Miaku ya muntu muakane idi ilengelela bantu, kadi miaku ya muena lonji idi ibabungamija.

Nsumuinu 10:32 Referans Kwoze

Nsumuinu 15:28

Mutshima wa muntu muakane udi welangana meji a bualu budiye mua kukudimuna, kadi mukana mua bantu babi mudi muhatula malu mabi.

Nsumuinu 12:18

Muntu udi wamba mei a tshiakulakula adi ataha bu muele wa nvita, kadi ndimi ya bena meji idi isangasha bantu.

Nsumuinu 12:6

Mei a bantu babi adi bu kualamina bua kumatshisha mashi hanshi, kadi mukana mua bantu bakane mudi muhandisha bantu.

Nsumuinu 11:11

Bikala bantu bakane ne disanka, musoko udi mutumbishibue, kadi udi ubutudibua mukana mua bantu babi.

Nsumuinu 2:12

bua kukuhandisha ku nshila wa malu mabi, mu bianza bia bantu badi bamba mei a tshishiku;

Muambi 12:10

Muambi wakadifila bua kuheta mei adi asankisha bantu, mei makane ne malelela.

Nsumuinu 15:2

Ludimi lua muena meji ludi luhatula lungenyi, kadi mukana mua bahote mudi muhatula buhote.

Tite 2:8

wikale ne mei malenge adi kâi mua kuhishibua; bua yeye udi ku luseke lua batuhumbishi afuishibue bundu, kai ne mua kuamba dî dibi bualu buetu.

Danyele 4:27

Bua muanda eu, mukelenge wanyi, wanji kuitabusha lungenyi luanyi: ulekele mibi yebe, uhingashe bienzedi biakane mu muaba wai; ulekele malu ebe a tshishiku, ufuile bahele luse; nunku, bumue, diakalengele diebe nedileheshibue.

Muambi 10:12

Mei a mukana mua muena meji adi ne kalolo, kadi mishiku ya muhote neyimumine.

Nsumuinu 4:24

Umusha mei a kusesuisha nʼau bakuabo mukana muebe, umusha mei a kuhambuisha nʼau bantu ku mishiku yebe.

Nsumuinu 6:12

Muntu wa tshidingidingi, muena tshinyangu, udi wendakana ne mei a kuhambuisha nʼau bantu.