Nsumuinu 1:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Muena meji unvue biandi, adiunde mu malu adibo bamuyisha; muena dijingulula dia malu ahete meji adi amukuatshisha bua kuenza bimpe:

MUKANDA WA MYIDI MUKULU

⁵ Nansha bena meji batshidi amu mua kulonga malu makuabu padibu babala nsumuinu eyi. Badi ne lungenyi nebapetelemu njila wa kulonda.

Nsumuinu 1:5 Referans Kwoze

Nsumuinu 12:1

Udi unanga diyisha didi dimuludikila nshila udi unanga lungenyi, kadi udi ukina kubedibua kuandi udi mujibale.

Nsumuinu 9:9

Uyishe muena meji, yeye neikale ne meji mahite a diambedi; uyishe muntu muakane, yeye neadiunde mu lungenyi.

1 Korente 10:15

Ndi ngamba bu mundi ngambila bena meshi, nuenu jingululai bu mundi ngamba.

Yobe 34:16

Biwikala ne dijingulula dia malu unvua dî edi; teleja matshu ebe ku mei andi nkuambila.

Yobe 34:10

Nunku nungunvuile, nuenu badi bajingulula malu; bualu ebu kabuikadi kudi Nzambi bua yeye kuenza malu mabi, anyi bua Wa Bukole Buonso kuenzeye bibi!

Yobe 34:34

Bantu badi bajingulula malu nebangambile, e, muena meji yonso udi unvua dî dianyi neambe ne,

2 Kulondolola 25:16

Hashishe, hakadiye wakula nʼandi, mukelenge wakamuebesha ne, Tuetu tuakukuvuisha mufidi wa meji wa mukelenge, anyi? Uhuwe biebe, butudi nʼabu mbua kukutaha bishi? Hashishe muprofete wakahuwa, wamba ne, Ndi mumanye ne, Nzambi wakulongolola bua kukushiha bua wewe wakuenza bualu ebu, kuena mutumikile mei anyi.

Nsumuinu 14:6

Mubuidi udi ukeba meji, kena waheta, kadi diheta dia lungenyi didi bualu butekete kudi mujinguludi wa mianda.

Muambi 9:11

Nakatangila kabidi muinshi mua diba ne, Bena lubilu lukole kabena bahita hakuaho mu kutumbila lubilu misangu yonso, nansha bena bukitu kabena bahitahita bakuabo bukole mu nvita; bena meji kabalu baheta bia kudia bionso; bena lungenyi kabatu baheta bubanji buonso; badi ne ngenzelu muimpe kabatu baheta diakalengele dionso; kadi buonso buabo badi ne bikondo bidi malu abatulukila.

Dielulula 4:6

Nubivuluke, nubienze; bualu ebu budi lungenyi luenu ne budimu buenu ku mesu kua bantu badi bunvua mikenji ei yonso, badi bamba ne, Bulelela, bantu aba banene badi ne lungenyi ne budimu.

Yobe 34:2

Nuenu bena meji, unvuai mei anyi, nuenu bena lungenyi, telejai matshu enu kundi.

Nsumuinu 8:33

Unvuai diyisha, nuikale ne meji, kanudihetudi nansha.

Nsumuinu 9:8

Kubedi mubuidi, bua yeye kakukinyi; biwabela muena meji, yeye neakunange.

Nsumuinu 18:15

Mutshima wa mujinguludi wa mianda udi uheta lungenyi; matshu a bena meji adi ukeba lungenyi.

Nsumuinu 19:25

Kuma mubuidi, nunku mutshimbakanyi neadimuke; ubele mujinguludi wa mianda, yeye neahete lungenyi.

Nsumuinu 21:11

Hakengeshabo mubuidi, mutshimbakanyi udi uheta meji; hayishaho muena meji, yeye udi uheta lungenyi.