Ngalate 4:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Kadi ku tshikondo atshi, bualu bua kanuakamanya Nzambi, nuakadi mu buhika bua bintu bidi kabi nzambi mu tshikadilu tshiabi;

MUKANDA WA MYIDI MUKULU

⁸ Kale kanuvua bamanye Mvidi Mukulu nansha. Ke munuvua bapika ba bintu bivua kabiyi nansha mvidie mene.

Ngalate 4:8 Referans Kwoze

1 Korente 8:4

Ne bualu bua kudia kua bintu bia kutendelelabo nʼabi mpingu, tudi bamanye ne, Kakuena luhingu ludi ne bualu ha buloba, ne kakuena Nzambi mukuabo anu umue.

2 Tesalonike 1:8

Neadisombuele kudi bantu badi kabai bamanye Nzambi ne kudi badi kabai batumikila lumu luimpe lua Mukelenge wetu Yesu;

1 Tesalonike 4:5

kikadi nʼau mu nkuka ya disamina dibi dia mutshima, bu mudi ba bisamba bia bende benza badi kabai bamanye Nzambi.

1 Tesalonike 1:9

Bua bobo nkayabo batu bamba bua bualu buetu, bu muakadi tshibueledi tshietu kunudi, ne bu munuakakudimuka kudi Nzambi hanuakalekela mpingu bua kukuatshila Nzambi wa muoyo ne wa bushua mudimu,

1 Petro 4:3

Bualu bua matuku mahite akakumbana bua nuenu nulonde disua dia bisamba bia bende, ne bua nuenu nuende mu tshienzenza tshia masandi, mu nkuka, mu kukuatshika kua malulu, mu manaya a bundu, mu tshingu tshia banu ba malulu, ne mu kutendelela kua mpingu mibi.

1 Korente 1:21

Bualu bua mu meshi a Nzambi hakahanga ba ha buloba kumanya Nzambi mu meshi abo, Nzambi wakasanka bua kusungila badi bamuitabusha ku buhote bua kuamba kua dî diandi.

Yeshaya 37:19

bakela nzambi yabo mu kahia, bualu bua kayakadi nzambi mene, kadi yakadi bintu bienza ku bianza bia bantu mene, bia mitshi ne bia mabue; nunku bakayibutula.

2 Kulondolola 13:9

Kanuakibata bakuidi ba Yehowa, bana ba Alona, ne Bena Lewi, kanuakadisunguila bakuidi bu mudi tshilele tshia bantu ba mu makelenge makuabo, anyi? Nunku muntu yonso walua kudijidila ne muana mulume wa ngombe ne bimpanga muanda mutekete, yeye mene udi mua kuikala muakuidi kudi nzambi ya hatuhu.

Efeze 4:18

bakafikishibua mu meshi abo badi bavuishibua benyi ku muoyo wa Nzambi, bualu bua dihanga dia lungenyi munda muabo, bua dikoleshibua dia mitshima yabo.

1 Korente 12:2

Nudi bamanye ne, Hanuakadi ba mu bisamba bia bende, nuakasesuishibua kudi mpingu ya tumama, bu muakamanyabo mua kunulombola.

Yirmeya 10:25

Hongolola tshiji tshiebe ha mutu ha bisamba bidi kabiyi bikumanye, ne ha mutu ha bantu badi kabayi babikila dina diebe; bualu bua biakabutula bana ba Yakoba; bulelela, biakubabutula, biakubamana, biakuhaula tshishikaminu tshiabo.

Yoshua 24:15

Binuamona ne kukuatshila Yehowa mudimu kudi kubi, lelu nusungule unudi basue kukuatshila mudimu, ne nzambi yakadi bankambua benu bakuatshile mudimu dishiya dia musulu wa Pelata anyi nzambi ya Bena Amole, bena buloba bunudi bashikame; kadi meme ne ba mu nsubu muanyi netukuatshile Yehowa mudimu.

Yoshua 24:2

Yoshua wakambila bantu bonso ne, Yehowa, Nzambi wa Isalele, udi Wamba ne, Kale bankambua benu bu Tela, tatu wa Abalahama ne wa Nahô, bakadi bashikama dishiya dia musulu wa Pelata, bakadi batendelela nzambi mikuabo.

Ekesode 5:2

Palo wakamba ne, Yehowa nganyi? Tshiena ngitabusha di diandi bua kulekela Bena Isalele. Meme tshiena mumanye Yehowa ne tshiena ndekela Bena Isalele.

1 Yone 3:1

Tangilai mushindu wa dinanga diakamba Tatu bua tuetu tubikidibue ne Bana ba Nzambi; ne tud nunku. Bua bualu ebu ba ha buloba kabena batumanye, bualu bua kabakamumanya.

Rome 1:28

Bu muakahidiabo kuikala ne Nzambi mu meshi abo, nunku Nzambi wakabafila ku meshi a hatuhu akahidleye, bua kuenzabo malu adi kâi makanangane ne lungenyi.

Bienzedi 17:23

Bualu bua hanakadi mpita mu nshila, ntangila bintu binudi nutendelela, nakasangana kabidi tshioshelu tshiakadi ne dî difundaku ne, Kudi Nzambi udi kai Mumanyibue. Unudi nutendelela kanui bamumanye bimpe, nyeye undi numanyisha.

Bienzedi 14:12

Bakidika Bânaba ne, Yupita; Paulo ne, Mêkulio, bua yeye wakadi muakuidi wa malu.

Yowanane 1:10

Yeye wakadi ha buloba, buloba buakafukibua kudiye, kadi ba ha buloba kabakamumanya.

Yirmeya 2:11

Tshisamba tshidi tshikudimune nzambi yatshi, idi kayiyi nzambi milelela, anyi? Kadi bantu banyi bakushintakasha Butumbi buabo ku bintu bidi kabiyi bibakuatshisha.

Rome 1:23

Bakandamana butumbi bua Nzambi udi kai unyanguka ku tshifuanyikishi tshia mubidi wa muntu udi unyanguka, ne tshia nyunyu, ne tshia nyama ya mikonu inai, ne tshia bintu bidi bidikoka hanshi.

Yirmeya 5:7

Ndi mumanye mua kukubuikidila mihi yebe munyi? Bana bebe bakundekela ne bakaditshiha ku mena a bintu bidi kabiyi nzambi; hanakabadisha tô ne hakukutabo, bakenda masandi, bakadisangisha bisumbu ne bisumbu mu nsubu ya bakashi ba masandi.

Yirmeya 16:20

Muntu neadisongele mpingu idi kayiyi nzambi, anyi?

Ngalate 4:3

Nunku tuetu kabidi hatuakadi bana batekete, bakatuvuisha bahika ba mayisha a kumudilu a ha buloba.