Ngalate 4:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Kadi hakakumbana tshikondo, Nzambi wakatuma Muana wandi, muledibue kudi mukashi, muledibue munshi mua mikenshi,

MUKANDA WA MYIDI MUKULU

⁴ Kadi pakafika tshikondu tshivua Mvidi Mukulu mujadike, kutumaye Muanende. Bavua bamulele kudi mukaji. Uvua ne bua kukumbaja kabidi mikenji ya bena Yuda.

Ngalate 4:4 Referans Kwoze

Yeshaya 7:14

Nunku Mukelenge muine neanuhe tshimanyinu. Monai! Mukashi utshidi kamama neimite difu, nealele muana wa balume, neamuidike dina ne, Imanuele.

Rome 1:3

bualu bua Muana wandi Mulume, wakaledibua bu mudi buntu buandi kudi tunkanuniuna tua Davidi,

Yowanane 1:14

Dî diakakudimuka muntu, diakuikala munkatshi muetu tshituha, diakadi diule tente ne ngasa ne bulelela; tuakumona butumbi buandi, buakadi bu bua muana umuehele udi mulela kudi Tatu wandi.

Marke 1:15

wakamba ne, Matuku akukumbana, bukelenge bua Nzambi budi hehi; kudimunai mitshima yenu, nuitabushe lumu luimpe.

Yowanane 3:16

Bualu bua Nzambi wakatamba kusua ba ha buloba, yeye wakabaha Muanʼandi umuehele mulela bua muntu yonso wamuitabusha kafu biandi, kadi ikale ne muoyo wa tshiendelele.

Matayi 1:23

Mukashi utshidi kamama neimite difu, nealele muana mulume, Nebamuidike dina ne, Imanuele, kuandamuna kua muaku ne, Nzambi udi nʼetu.

1 Yone 4:14

Tuetu tuakutangila ne tudi tunumanyisha ne, Tatu wakutuma Muana wandi bua kuikaleye Musungidi wa ba ha buloba.

Efeze 1:10

tô, ne halua tshikondo tshia dikumbana dia bihungu, bua kusangisha bintu bionso mu Kilisto, ne bidi mu diulu ne bidi hanshi ha buloba.

Luke 2:7

Wakalela muanʼandi mulume, muanʼa bute, yeye wakamujingila tshilulu, wakamuladika mu tshidilu tshia nyama, bualu bua mu nsubu wa tshilala benyi kamuakadi muaba.

Rome 8:3

Bualu bua malu akadi mikenshi kayi ne kukole bua kuenza bua yakadi mitekete bua mibidi ya bantu, Nzambi, hakatumeye Muana wandi mene ne mubidi mufuane wa malu mabi, ne bua bualu bua bubi, wakahisha bubi mu mubidi;

Luke 1:35

Muanjelo wakamuandamuna ne, Nyuma Muimpe nealue kûdi, ne bukole bua Udi Mutambe Bunene wa mu diulu nebukubuikile bu ditutu; nebidike muana wa tshijila uwalela ne, Muana wa Nzambi.

Yowanane 6:38

Tshiakufika mu diulu bua kuenza bu mundi musue, anu bu mudi wakuntuma musue.

Yirmeya 31:22

Wewe muana mukashi wakunkoma nyima, newendakane eku ne eku musangu bule bishi? Bualu bua Yehowa wakufuka tshintu tshihia-tshihia ha buloba: mukashi neatambe mulume.

Ebrewu 2:14

Bualu bua bana bakuabanyangana mubidi ne mashi, yeye muine kabidi wakadiangatshila bintu binʼebe muomumue; bua ku lufu luandi yeye amuvuishe tshianana udi ne bukole bua lufu, ndiabolo mene;

Yowanane 10:36

bua yeye wakajidilabo kudi Nzambi ne wakatumeye ha buloba, munyi nudi nuamba ne, Udi uhenda Nzambi, bua nakuamba ne, Ndi Muana wa Nzambi?

Zekâya 6:12

Umuambile ne, Yehowa wa misumba udi wamba dî edi ne, Monai, muntu udi ne dina dia Lutonga; neadiunde mu muaba wandi, nease ntempelo wa Yehowa.

Yeshaya 48:16

Semenai ha buihi nʼanyi, unvuai bualu ebu! Ku tshibangidilu tô ne mpindiu tshiakuamba dî mu busokoko; katshia ku tshikondo tshiakenjibuabu meme nakadiku; ne katataka Mukelenge Yehowa wakuntuma ne Nyuma wandi.

Genese 3:15

Nenteke lukuna hankatshi hebe ne mukashi, ne hankatshi ha bana bebe ne bana bandi, muana wa mukashi neakukume ku mutu kuebe, ne wewe neumusume ku tshikankanyi-tshiandi.

1 Timote 3:16

Ne kakuena mpata ya bunene bua bualu busokoka bua buimpe bua Nzambi: Nyeye wakamueneshibua mu mubidi wa muntu, Wakabingishibua mu nyuma, Wakamuenebua kudi banjelo, Wakambibua munkatshi mua bisamba bia bende, Wakitabushibua ha buloba, Wakangatshibua mulu ne butumbi.

Rome 15:8

Bualu bua ndi ngamba ne, Kilisto wakavuishibua muena mudimu wa batengula bua bushua bua Nzambi, bua yeye ajadike milayi yakalaya Nzambi bankambua betu,

Bienzedi 1:7

Yeye wakabambila ne, Kumanya kua bikondo ne bidimu biakusungula Tatu mu bukokeshi buandi kambualu buenu.

Luke 1:31

Mona, wewe newimite difu, neulele muana mulume, neumuidike ne, Yesu;

Matayi 3:15

Kadi Yesu wakamuandamuna ne, Tuenze bietu musangu eu, bualu bua mbimpe tukumbashe buakane buonso nunku. Yone wakitabusha.

Genese 49:10

Dikombo dia bukelenge kadiena diumuka kudi Yuda, tshibangu tshia bukokeshi katshiena tshiumuka hankatshi ha makasa andi to ne halua Shilo, ne bantu bonso nebakukukuile.

1 Yone 4:2

Mu muanda eu nudi bamanye Nyuma wa Nzambi; nyuma yonso udi ujukula ne, Yesu Kilisto wakulua mu mubidi, udi wa kudi Nzambi:

Ebrewu 9:10

bualu bua bidi anu mikenshi ya ba ha buloba, mu malu a bia kudia ne bia kunua ne bia kuvua kua mishindu ne mishindu, yakatekabo tô ne ku tshikondo tshia kubilongolola.

Kolose 2:14

hakakuhuleye dibanda diakatufundilabo bua mikenshi, diakadi dituhisha, wakadiumusha munkatshi muetu, wakadikumina diodio ne milonda ku mutshi mutshiamakane.

Rome 9:5

Bankambua betu mbabo, kudibo nkudi Kilisto mufume mu buntu buandi, udi biandi ku mutu kua bonso, Nzambi mene, mutumbishibue tshiendelele. Amen.

Yowanane 8:42

Yesu wakabambila ne, Bu Nzambi muikale Tatu wenu, nuakadi kunsua meme; bualu bua nakufuma kudi Nzambi, ndi mulueku; tshiakudivuila, kadi yeye wakuntuma.

Matayi 5:17

Kanuedianganyi meshi ne, Nakuluila bua kushiha mikenshi ya Mose ne mei a baprofete; tshiakuluila bua kubishiha, nakuluila bua kubishikisha.

Malaki 3:1

Yehowa wa misumba udi wamba ne, Monai, ndi ntuma messager wanyi, yeye nealongolole nshila ku mpala kuanyi; Mukelenge unudi nukeba nealue lubilu mu ntempelo wandi, messager wa dihungila, unudi nʼandi disanka, monai mudiye ulua!

Dibadika 28:22

ne mulume wa mbushi bu mulambu wa kunubuikidila nʼau bubi.

Rome 5:6

Bualu bua hatutshivua batekete, mu tshikondo tshiakane Kilisto wakafuila bantu babi.

1 Timote 2:6

wakadifila bu tshintu tshia kuhikula nʼatshi bantu bonso; bumanyishi bua muanda eu budi ne bua kumanyishibua mu bikondo biabu mene.

Luke 20:44

Nunku Davidi wakamubikila ne, Mukelenge; yeye udi muanʼandi munyi?