Ngalate 3:27 - Mukanda wa Nzambi Dihungila Dikulukulu ne Dihungila Dihia-dihia 2003

²⁷ Bualu bua nuenu bonso bakabatijibua mu Kilisto, nuakaluata Kilisto.

MUKANDA WA MYIDI MUKULU

²⁷ Nuenu bonsu mbanutue mu mayi, bua nuenze tshintu tshimue ne Kristu! Nsombelu mupiamupia unudi nende mu Kristu, udi bu tshilamba tshinudi bavuale.

Ngalate 3:27 Referans Kwoze

Rome 13:14

Kadi nudiluatshishe ne Mukelenge Yesu Kilisto; kanulongoluedi mibidi malu bua kumana nkuka yai.

1 Korente 12:13

Bualu bua mu Nyuma umue buonso buetu tuakabatijibua mu mubidi umue, ne tudi Bena Yuda anyi Bena Gelika, anyi bahika anyi badishikamine; bakatunuisha Nyuma umue.

1 Petro 3:21

mai â kabidi adi tshifuanyikishi tshia adi atusungila katataka, nkubatiza mene, kembua diuvua dia manyanu a mubidi, kadi bua dikeba dia muoyo-mukese muimpe kudi Nzambi, bua dibika dia Yesu Kilisto ku lufu;

Kolose 3:10

nuakaluata muntu muhia-muhia udi uvuishibua muhia-muhia mu dimanya dilelela, bu mudi tshifuanyikishi tshia Mumufuki.

Efeze 4:24

Nudijadike muntu muhia-muhia wakafukibua mu tshifuanyikishi tshia Nzambi ne buakane ne tshijila bidi bifuma ku malu malelela.

Bienzedi 2:38

Petelo wakabambila ne, Kudimunai mitshima yenu, nubatijibue buonso buenu mu dina dia Yesu Kilisto bualu bua kunujimishilabo mibi yenu; nunku nenuangate kuha kua Nyuma Muimpe.

Rome 3:22

Buakane mene bua Nzambi bua ku ditabusha dia mu Yesu Kilisto kudi bonso badi bamuitabusha; bualu bua kakuena ditahuluka.

Bienzedi 16:15

Hakamubatizabo ne bakadi mu nsubu muandi, yeye wakatendekena ne, Binuanjingulula ne, Meme udi muena ditabusha mulelela wa Mukelenge, nulue mu nsubu muanyi nushalemu. Wakatuenzesha ne disengelela diandi.

Yeshaya 61:10

Nentambe kusanka mu Yehowa, mutshima wanyi neutambe kusanka mu Nzambi wanyi; bualu bua yeye wakunduatshisha bivualu bia luhandu, wakumbuikila ne tshikowelu tshia buakane, bu mudi mubaki wa mukashi udilengesha ne nkata mulengele, ne bu mudi mukashi udi wamba kubuela mu dibaka udilengesha ne bilenga biandi.

Yobe 29:14

Nakaluata buakane bu tshivualu. Buakane buanyi buakadi bu muzabi ne bu tshitambala tshia ku mutu.

Bienzedi 8:16

bualu bua yeye kakadi muanze kuhonena nasha umue wabo; bakadi anu babatijibue mu dina dia Mukelenge Yesu.

Bienzedi 9:18

Bintu bu bilamulamu biakalamuka ku mesu andi lubilu, wakamona; wakabika, bakamubatiza.

Luke 15:22

Kadi tatu wandi wakambila bantu bandi ne, Nulue lubilu ne tshilulu tshidi tshitambe buimpe, munuluatshishetshi; numuele kakanu ku munu ne bisabata ku makasa.

1 Korente 10:2

buonso buabo bakabatijibua mu bulombodi bua Mose mu ditutu ne mu mai manene;