Ngalate 2:15 - Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Tuetu tuakaledibua Bena Yuda, katui bu bantu babi ba mu bisamba bia bende;

MUKANDA WA MYIDI MUKULU

¹⁵ Tuetu mene mbatulele bena Yuda. Katuena benji ba malu mabi ba mu bisamba bikuabu.

Ngalate 2:15 Referans Kwoze

Tite 3:3

Bualu bua tuetu tuakadi bahote diambedi, tuakadi ne buhidia, tuakadi badingishibua, tuakadi tulonda nkuka ne masanka bia mishindu ya bungi; tuakadi tuikala ne lukinu ne mukau; tuakadi tukinyibua, tuakadi tukinangana.

Efeze 2:3

Tuetu kabidi tuakikala munkatshi muabo diambedi, tuakalonda nkuka ya mibidi yetu, tuakalonda malu akadi mibidi yetu ne meshi etu bisue, bakaledibua bena lukuna bu mudi bakuabo.

Rome 3:9

Nunku tumanye bishi? Tudi tubatamba buimpe, anyi? Nasha kakese. Bualu bua tuakudianjila kubanda Bena Yuda ne Bena Gelika kabidi ne, Buonso buenu nudi munshi mua bukokeshi bua bubi;

Filipe 3:4

nasha meme nkayanyi ngeyemena malu mene a mubidi. Bikala muntu mukuabo wela meshi bua kuikala ne dieyemena dia malu a mubidi, meme ndi mua kumutamba kuikala nʼadi.

Rome 4:16

Bua bualu ebu bahianyi budi bufuma ku ditabusha, bua kuikalabu bua ngasa. Buakadi nunku bua kujadikabo mulayi kudi tunkanunuina tuonso; kenkudi badi ne mikenshi nkayabo, kadi kudi badi ne ditabusha dia Abalahama kabidi, udi biandi nkambua wa buonso buetu,

Bienzedi 22:21

Yeye wakangambila ne, Umuke munemu, bualu bua nenkutume kuakua kule kudi bisamba bia bende.

Matayi 9:11

Hakamona Bafalese bualu ebu, bakambila bayidi bandi ne, Muyishi wenu udi udila ne basangishi ba mulambu ne bantu babi tshinyi?

1 Samuele 15:18

Yehowa wakantuma ku luendu, wakamba ne, Ya biebe, ushihe bantu habi bonso ba Bena Amaleka, uluangane nʼabo nvita tô ne hahatukabo.

Luke 24:7

Budi Muana wa muntu nʼabu mbua kumufilabo mu bianza bia bantu babi ne bua kumushihabo ku mutshi mutshiamakane ne bua kubikeye kabidi hahita matuku asatu.

Ngalate 2:17

Kadi bikalabo batusangane bu bantu babi hatuakadi tukeba mua kubingishibua mu Kilisto, Kilisto udi muena mudimu wa bubi, anyi? Nasha kakese!