Ngalate 1:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Ndi nkema bua nudi nulekela wakanubikila mu ngasa wa Kilisto lubilu nunku bua nuenu nuitabushe lumu lukuabo

MUKANDA WA MYIDI MUKULU

⁶ Nudi bankemeshe bikole! Mvidi Mukulu, uvua munubikile ku luse lua Kristu, nuenu kumushiya lukasa nanku, kulonda Lumu lua Disanka lukuabu!

Ngalate 1:6 Referans Kwoze

2 Korente 11:4

Bikala muntu ulualua wamba Yesu mukuabo, utudi katui bambe; anyi binuangata nyuma mukuabo, unudi kanui bangate diambedi, anyi lumu luimpe lukuabo lunudi kanui bitabushe diambedi; bidi bimpe bua nuenu kuikala nʼandi lutulu.

Yeshaya 29:13

Mukelenge wakamba ne, Bualu bua bantu aba badi basemena hehi nʼanyi ne badi bantumbisha ne mukana muabo ne mishiku yabo, kadi bakumusha mitshima yabo kundi ne idi kule, ne badi bantshina anu bualu bua mukenji wa bantu wakuyilabo mu mitu yabo;

Misambu 106:13

Bakahua bienzedi biandi muoyo lukasa; kabakindila dî diandi.

1 Timote 1:3

Bu munakakusengelela bua wewe kushala mu Efeso, hanakadi nya ku Makedonia, bua wewe kuelela bakuabo mukenshi ne, Kanuyishi bantu diyisha dikuabo,

1 Korente 4:15

Bua binuikala ne bayishi lubombo mu Kilisto, kanuena ne batatu ba bungi; bualu bua mu Kilisto Yesu nakanuela ku lumu luimpe.

Bienzedi 15:11

Kadi tuetu tudi tuitabusha ne, Tudi tusungidibua ku ngasa wa Mukelenge Yesu muomumue nʼabo.

Ngalate 5:4

Nudi batahuluke kudi Kilisto, nuenu badi bakeba kudibingisha ku mikenshi; nuakumuka mu ngasa,

Rome 10:3

Bualu bua hakahangabo kumanya buakane bua Nzambi, ne hakadibo bakeba kujadika buakane buabo mene, kabakadikokesha ku buakane bua Nzambi.

1 Timote 1:14

ne ngasa wa Mukelenge wetu wakatamba kuvulangana diatshimue ne ditabusha ne dinanga dia mu Kilisto Yesu.

Didimanyisha 22:21

Ngasa wa Mukelenge Yesu ikale ne basanto. Amen.

2 Timote 2:1

Nunku wewe muanʼanyi, ukoleshibue mu ngasa wa mu Kilisto Yesu.

2 Timote 1:9

wakatusungila, wakatubikila ne dibikila dia tshijila, kembu mudi midimu yetu mimpe, kadi bu mudi disungula diandi mene ne ngasa, wakatuheye mu Kilisto Yesu diambedi bikondo bia tshiendelele kabi bianze kuikalaku.

2 Tesalonike 2:14

wakanubikilamu bua lumu luimpe lutuakunuambila, bua nuenu nuhete butumbi bua Mukelenge wetu Yesu Kilisto.

Rome 5:2

Bua bualu buandi kabidi tudi ne tshibueledi tshietu bua ditabusha mu ngasa emu mutudi bashindame; tutumbile bietu bua ditekemena dia butumbi bua Nzambi.

Yowanane 9:30

Yeye wakabakudimuna ne, Ahu ebu mbualu bua kukema, bua nuenu kanuena bamanye kuakafumeye, yeye wakatabasha mesu anyi.

2 Petro 1:3

Mbu mudi bukole bua bunzambi buandi, buakatuha bintu bionso bidi bua muoyo ne bua buimpe bua Nzambi, bualu bua kumanya kuetu kua yeye wakambikila bua butumbi buandi buine ne bua buimpe buandi.

1 Petro 1:15

bu mudi yeye wakanubikila udi wa tshijila, nunku nuenu kabidi nulue ba tshijila mu malu onso a muoyo wenu;

Marke 6:6

Wakakema bualu bua huhidia buabo. Yeye wakendakana mu misoko ubayisha.

Rome 8:28

Tudi bamanye kabidi ne, Malu onso adi akuatshishangana bua kumusha diakalengele kudi bantu badi bananga Nzambi, kudi badi babikidibue bu mudi disungula diandi.

Rome 8:30

Bakadianjileye kusungula, yeye wakababikila kabidi; ne bakabikileye, yeye wakababingisha kabidi; ne bakabingisheye, yeye wakabatumbisha kabidi.

2 Korente 2:17

Bualu bua tuetu katuena bu ba bungi badi banyanga dî dia Nzambi! kadi mu Kilisto tudi tuamba dî ne mitshima mitoke bu mutudi ba kudi Nzambi ne ku mesu kua Nzambi.

Ngalate 1:7

ludi kalui lumu luimpe. Kadi bakuabo badiku badi banutatshisha, badi bakeba kusesuisha lumu luimpe lua Kilisto.

Ngalate 1:11

Bana betu, ndi numanyisha bua lumu luimpe lunakanuambila; kaluena lufuma kudi muntu.

Ngalate 1:15

Kadi hakasua Nzambi nguakansungula munda mua baba wanyi ne nguakambikila ku ngasa wandi,

Ngalate 2:2

Nakabandaku bianyi bua bualu buakabuluibua kundi; nakalondela bakadi ne butumbi munkatshi mua bapostolo lumu luimpe lundi ngambila ba mu bisamba bia bende; kadi nakabalondelalu mu musokoko, bua meme tshikadi bu muntu utshidi welekesha lubilu, anyi wakadi welekesha lubilu hatuhu.

Ngalate 2:5

Kadi katuakabakokela nasha tshituha tshimue tshia diba; bualu bua bushua bua lumu luimpe buikale nʼenu.

Ngalate 2:7

Kadi hakamanyabo ne nakahebua lumu luimpe lua kudi badi kabai batengula, bu muakahebua Petelo lua kudi badi batengula;

Ngalate 2:14

Kadi hanakatangila ne kabakenda bajalama bu mudi lumu luimpe lua bushua luamba, nakambila Kefa ku mesu kua buonso buabo ne, Wewe, Muena Yuda, biwenza bu mudi bantu ba mu bisamba bia bende benza, kui wenza bu mudi Bena Yuda benza, munyi mûdi musue kuenzesha bantu ba mu bisamba bia bende bua bobo benza bu mudi Bena Yuda benza?

Ngalate 5:14

Bualu bua mikenshi yonso idi misangisha mu dî dimue, ndî edi ne, Sua mukuenu bu mûdi mudisue.