Nehemya 9:38 - Mukanda wa Nzambi Dihungila Dikulukulu ne Dihungila Dihia-dihia 2003

³⁸ Kadi bua malu â onso netujadike nʼebe tshihungidi, netutshifunde, bantu betu banene ne Bena Lewi betu ne bakuidi betu nebatekeku tshimanyinu tshiabo.

Nehemya 9:38 Referans Kwoze

Nehemya 10:1

Bantu bakateka tshimanyinu tshiabo ku tshihungidi bakadi Nehemiya gouverneur, muana wa Hakaleya, ne Sedekiya,

Nehemya 10:29

bakalamata kudi bana babo ne kudi bantu babo banene, bakadiela mulau, bakaditshiha bua kulondabo mikenji ya Nzambi yakabambileye kudi Mose, muntu wa Nzambi, ne bua kutumikilabo mikenji yonso ya Yehowa, Mukelenge wetu, ne mikenji yandi mijalame ne mei andi mafunda.

Ezela 10:3

Tuhunge tshihungidi ne Nzambi wetu bua tuetu tûmushe bakashi aba bonso ne bana bakalelabo, bu mudi lungenyi lua mukelenge wanyi ne lua aba bonso badi bazakala ku mukenji wa Nzambi wetu; tuenze bualu ebu bu mukenji.

2 Kulondolola 34:31

Mukelenge wakimana mu muaba wandi, wakahunga ne Yehowa tshihungidi bua kulonda ku nyima kua Yehowa ne bua kutumikila mikenji yandi ne mei andi ne malu adiye musue muntu enze, ne mutshima wandi wonso ne muoyo wandi wonso, ne bua kutumikila mei a tshihungidi akadi mafunda mu mukanda eu.

2 Kulondolola 29:10

Katataka bualu budi mu mutshima wanyi bua kuhunga tshihungidi ne Yehowa, Nzambi wa Isalele, bua tshiji tshiandi tshikole tshiumuke kutudi.

2 Kulondolola 23:16

Yehoyada wakahunga tshihungidi ne bantu bonso ne mukelenge, bua bobo bikale bantu ba Yehowa.

2 Bakalenga 23:3

Mukelenge wakimana hehi ne dikunshi dia mu nsubu, wakahunga tshihungidi ku mpala kua Yehowa bua kuendeye ku mpala kua Yehowa ne bua kutumikila mikenji yandi ne mei andi ne mikandu yandi ne mutshima wandi wonso ne muoyo wandi wonso, ne hua kuenzeye mei onso a tshihungidi akadi mafunda mu mukanda eu; bantu bonso bakajadika tshihungidi.

Matayi 27:66

Bakaya biabo, bakalama lukita bimpe, bakateka tshimanyishilu ku dibue, balami bakadi nʼabo.

Yeshaya 44:5

Mukuabo neambe ne, Meme ndi muntu wa Yehowa; mukuabo neadidike ku dina dia Yakoba; mukuabo neafunde ha tshianza tshiandi ne, Ntshia Yehowa, neabikile dina diandi dibidi ne, Isalele.