Nehemya 6:14 - Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Nzambi wanyi, uvuluke Tobiya ne Sanebalata bu mudi bienzedi biabo; uvuluke Noadaya muprofete mukashi ne baprofete bakuabo badi bakeba kuntshinyisha.

MUKANDA WA MYIDI MUKULU

¹⁴ “Eyi Mvidi Mukulu wanyi, vuluka bibi bivuabu bangenzela kudi Tobiya, ne kudi Sanebalate, kabidi ne kudi muambi mukaji Nowadiya, ne kudi bambi bakuabu bavua bakeba kunkuatshisha bowa.”

Nehemya 6:14 Referans Kwoze

Nehemya 13:29

Nzambi wanyi, ubavuluke bualu bua bobo bakanyanga buakuidi ne tshihungidi tshia buakuidi ne tshia Bena Lewi.

Didimanyisha 19:20

Nyama wa luonji wakakuatshibua, ne bakamukuata ne muprofete wa mashimi wakenza bimanyinu ku mpala kuandi biakadingeye nʼabi bantu bakangata tshimanyinu tshia nyama wa luonji ne bakakukuila tshifuanyikishi tshiandi, bubidi buabo bakedibua ne muoyo mu dishiba dia kahia kadi katema ne soufre.

1 Yone 5:16

Biamona muntu muanʼabo wenza bualu bubi budi kabui bua lufu, nealombe Nzambi, yeye neamuhe mioyo ya badi benza bualu bubi budi kabui bua lufu. Bualu bubi budiku budi bua lufu; tshiena ngamba ne, Yeye amulombele Nzambi bua bualu abu.

2 Timote 3:8

Bu mudi Yane ne Yambele bakatantamena Mose, nunku bobo kabidi badi batantamena bualu bulelela; mbantu mene badi ne meshi abo moneka, kabai bajadikibua mu ditabusha diabo.

Matayi 24:24

Bualu bua ba-Kilisto ba mashimi nebalue, ne baprofete ba mashimi, nebaleshe bantu bimanyinu binene ne malu a kukema bualu bua kuhambuisha badi basungula kadi Nzambi mene mene; biamanyabo mua kuenza nunku.

Matayi 24:11

Baprofete badi ne mashimi ba bungi nebabike, nebahambuishe ba bungi,

Matayi 7:15

Nuende badimuke kudi baprofete badi ne mashimi, batu balua kunudi baluate biseba bia mikoko, kadi munda muabo mudi nkashama idi ne luonji.

Yirmeya 28:15

Yelemiya muprofete wakambila Hananya muprofete ne, Unvua biebe, Hananya! Yehowa kakukutuma nansha; kadi wewe udi wenzesha bantu aba bua kueyemenabo mei a mashimi.

Yirmeya 28:10

Hashishe Hananya muprofete wakumusha mutshi wa tshikokedi mu nshingu wa Yelemiya muprofete, wakautshibula.

Yirmeya 28:1

Mu tshidimu atshi mene, ku tshibangidilu tshia bukokeshi bua Sedekiya, mukelenge wa Yuda, mu tshidimu tshiabu tshinai ne ngondo wabu muitanu, Hananya, muana wa Azû, muprofete wa ku musoko wa Gibeona, wakangambila ai mu nsubu wa Yehowa, ku mesu kua bakuidi ne bantu bonso ne,

Yirmeya 14:18

Binaya mu budimi, monai, bashihibue ku muele wa nvita badimu! Binabuela mu musoko, monai, badi balekesha kudi tshiole badimu! Bualu bua muprofete ne muakuidi, bubidi buabo, badi bendakana mu buloba batatakana kabayi ne lungenyi.

Yirmeya 14:15

Nunku Yehowa udi wamba bualu bua baprofete badi bamba mei mu dina diandi, yeye kayi mubatume, kadi badi bamba ne, Muele wa nvita ne tshiole kabiena bikuata buloba ebu, ne, Baprofete aba mene nebashihibue ku muele wa nvita ne ku tshiole.

Misambu 63:1

Nzambi, wewe udi Nzambi wanyi; ndi nkukeba bikole; muoyo wanyi udi ne nyota bualu buebe; mubidi wanyi udi uhanga mu dikujinga diau, mu buloba bume ne budi bukama, budi kabuyi mai.

Misambu 22:1

Nzambi wanyi, Nzambi wanyi, wakundekela tshinyi? Bualu kai wewe udi aku kule kuyi unkuatshisha, kuyi unvua mei a kutua kuanyi kua mikemu?

Nehemya 5:19

Nzambi wanyi, unvuluke bua kungenzela bimpe bua malu onso anakuenzela bantu aba.

Ekesode 15:20

Mîyama, muprofete mukashi, muanʼabo mukashi ne Alona, wakangata tshisanji mu tshianza tshiandi, ne bakashi bonso bakamulonda ne bisanji, benda batuhika.

Misambu 137:7

Yehowa, uvuluke muakenza Bena Edome mu dituku dia makenga a mu Yelushalema, bu muakambabo ne, Ubutulai! Ubutulai, tô ne ku bishimikidi biau!