Nehemya 13:14 - Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Nzambi wanyi, unvuluke mu bualu ebu; kujimishi bienzedi bianyi bimpe binakenza bua nsubu wa Nzambi wanyi bua mudimu wandi ku mesu kuebe.

MUKANDA WA MYIDI MUKULU

¹⁴ “Eyi Mvidi Mukulu wanyi, uvuluke bionsu bindi muenze! Kupu muoyi malu onsu andi meme muenze ne muoyi umue, bua nzubu webe ne bua kulongolola ditendelela.”

Nehemya 13:14 Referans Kwoze

Ebrewu 6:10

Bualu bua Nzambi kena uhanga buakane bua kuhueye muoyo wa mudimu wenu ne wa dinanga dinuakalesha bua dina diandi, hanuakakuatshila basanto mudimu ne hanutshidi nubakuatshishau.

Nehemya 13:31

ne bua milambu ya nkunyi, ku misangu yakasungulabo, bua mamuma a diambedi. Nzambi wanyi, unvuluke bua kungenzela bimpe.

Nehemya 13:22

Nakelela Bena Lewi mukenji bua kudilengeshabo ne bua bobo balame ku bibi, bajidile dituku dia lumingu. Nzambi wanyi, unvuluke bua bualu ebu kabidi, unfuile luse bu mudi bunene bua dinanga diebe.

Ezela 7:20

Tshionso tshiudi ukengela bua nsubu wa Nzambi webe, tshiudi ne bua kufila, utshiangate mu tshibutshilu tshia mu nsubu wa mukelenge.

Nehemya 5:19

Nzambi wanyi, unvuluke bua kungenzela bimpe bua malu onso anakuenzela bantu aba.

2 Kulondolola 24:16

Bakamujika mu musoko wa Davidi diatshimue ne bakelenge, bualu bua yeye wakenza bimpe mu Isalele, ne kudi Nzambi ne ku nsubu wandi.

1 Kulondolola 29:3

Bualu bukuabo kabidi, bualu bua meme nakateka mutshima wanyi kudi nsubu wa Nzambi wanyi, meme nakafila mu nsubu wa Nzambi wanyi bibutshilu bianyi bia or ne bia argent ku mutu kua bintu binakalongolola bua muaba eu wa tshijila;

Ezela 7:27

Disanka dikale kudi Yehowa, Nzambi wa bankambua betu, nguakateka bualu ebu mu mutshima wa mukelenge bua kulengesheye nsubu wa Yehowa udi mu Yelushalema,

Didimanyisha 3:5

Udi uhita bukole nealuatshishibue nunku ne bilulu bitoke, ne meme tshiena njimisha dina diandi mu mukanda wa muoyo nasha kakese, ne nenjukule dina diandi ku mpala kua Tatu wanyi, ne ku mpala kua banjelo bandi.

Ezela 7:24

Tuditunuelela mukenji kabidi ne, Kanulambuishi bakuidi ne Bena Lewi ne bimbi ba misambu ne batuadi ba bintu ne Bena Netinima anyi bena mudimu bonso ba mu nsubu wa Nzambi milambu, ya bia bungendʼa mushinga ne ya mpunga.

2 Bakalenga 20:3

Yehowa, ndi nkusengelela ne, Uvuluke bu munakuenda ku mpala kuebe mu bushuwa ne mutshima mutoke, nakuenza malu mimpe ku mesu kuebe. Hezikiya wakatamba kudila.

Yeshaya 38:3

Wakamba ne, Yehowa, ndi nkusengelela ne, Uvuluke munakuenda ku mpala kuebe mu bushuwa ne mu buakane bua mutshima, ne munakuenza malu akadi mimpe ku mesu kuebe. Hezikiya wakadila bikole.