Nehemya 12:39 - Mukanda wa Nzambi Dihungila Dikulukulu ne Dihungila Dihia-dihia 2003

³⁹ ha mutu ha tshibi tshia Efelayima ne hehi ne tshibi tshia diambedi ne tshibi tshia ku luseke lua minyinyi ya mu mai ne tshibumba tshia Hananele ne tshibumba tshia Hamea tô ne ku tshibi tshia mikoko; bakimana talalâ ku tshibi tshia balami ba musoko.

MUKANDA WA MYIDI MUKULU

³⁹ Tuetu kupitshila pa mutu pa tshiibi tshia Efrayime, ne pa tshiibi tshia Yeshana, ne pa tshiibi tshia Minyinyi ya mu mayi. Tuetu bamane kupita kaleya ka Ananeyele, ne kaleya ka Meya, tuetu kupitshila ku tshiibi tshia Mikoku bua kufika ku tshiibi tshia Balami.

Nehemya 12:39 Referans Kwoze

Nehemya 3:1

Hashishe Eleyashiba muakuidi munene wakabika ne hana babo bakuidi, bakibaka lumbu lua ku luseke lua tshibi tshia mikoko; bakalujidila, bakateka bibi bialu, bakalujidila tô ne ku tshibumba tshia Hamea ne ku tshibumba tshia Hananele.

Nehemya 8:16

Nunku bantu bakaya, bakalua nʼau, bakadienzela bitandatanda, muntu ne muntu ha mutu ha nsubu wandi ne mu mpangu yabo ne mu mpangu ya ku nsubu wa Nzambi ne mu muaba mubaluluke wakadi ku mpala kua tshibi tshia ku luseke lua mai ne mu muaba mubaluluke wakadi ku mpala kua tshibi tshia Efelayima.

Nehemya 3:6

Yehoyada, muana wa Pasea, ne Meshulama, muana wa Besodaya, bakasa ku luseke lua mushiku wa mbelu mukulukulu, bakajadika mikamba, bakateka bibi ne milonda ne biamu biabi.

Nehemya 3:3

Bana ba Hasena bakasa luseke lua ku tshibi tshia minyinyi ya mu mai; bakajadika makunshi, bakateka bibi bialu ne milonda yabi ne biamu biabi.

Nehemya 3:25

Palala, muana wa Uzai, wakalongolola buludiludi ne ditumba dia lumbu tô ne ku tshibumba tshiakadi tshiasa hehi ne nsubu wa mukelenge wakadi ku mukuna, tshidi ku luseke lua luhangu lua balami ba ku bibi. Ku nyima kuandi Pedaya, muana wa Palosha, wakalongolola.

2 Bakalenga 14:13

Yehoasha, mukelenge wa Isalele, wakakuata Amasaya, mukelenge wa Yuda, muana wa Yehoasha, muana wa Ahazaya, ku Bete-shemeshe; wakaya ku Yelushalema, wakashimbula lumbu lua Yelushalema ku tshibi tshia Efelayima tô ne ku tshibi tshikuabo tshia ku ditumba ntanta wa coudées nkama mai.

Yowanane 5:2

Mu Yelushalema, hehi ne tshibuelelu tshia mikoko, mudi mpokolo wa mai a kuowa, udi Bena Yuda babikila ne, Beteseda, wakadi ne bitanda bitanu.

Sefanya 1:10

Yehowa udi Wamba ne, Mu dituku adi tshiona tshia muadi netshifume ku Tshibi tshia Mishiha, miadi neyifume ku luseke luibidi lua musoko, mukungulu wa diuhuka dia musoko neunvuike ku mikuna.

Yirmeya 32:2

Mu tshikondo atshi masalayi a mukelenge wa Babulona akadi atshintshimika Yelushalema, ne bakamana kubuesha muprofete Yelemiya mu lukanu luakadi mu tshiendelu tshia bansentedi tshia mu nsubu wa mukelenge wa Yuda.

Yirmeya 31:38

Yehowa udi wamba ne, Monai, matuku alualua hashilabo Yehowa musoko ubanga ku tshibumba tshia Hananele ufika tô ne ku tshibi tshia ditumba.

Nehemya 12:40

Nunku bîsumbu abi bibidi bia bimbi ba misambu biakimana mu nsubu wa Nzambi; meme ne tshituha tshia bantu banene tuakadiku,