Nehemya 11:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Kadi bakuabo ba Bena Yuda ne ba Bena Benyamina bakashikama mu Yelushalema. Bena Yuda bakadi Ataya, muana wa Uziya, muana wa Zekâya, muana wa Amaliya, muana wa Shefataya, muana wa Mahalalele wa mu bana ba Pelese;

MUKANDA WA MYIDI MUKULU

⁴ Kadi bamue bena tshisamba tshia Yuda, ne bantu bakuabu ba mu tshisamba tshia Binyamine, bavua baye kusomba mu Yerushalayime. Bena tshisamba tshia bena Yuda bavua basombe mu Yerushalayime bavua: Ataya, wa mu tshiota tshia Perese, wa ku ndelanganyi ya Malaleyele. Ataya uvua muana wa Uziya, Uziya uvua muana wa Zekarya, Zekarya uvua muana wa Amariya, Amanya uvua muana wa Shefatya.

Nehemya 11:4 Referans Kwoze

Genese 38:29

Kadi yeye wakahingasha tshianza tshiandi, ne mona, muana mukuabo wakaluhuka. Muleleshi wakamba ne, Mona tshihatukidi tshiwakuhatuka! Nunku bakamuidika dina ne Pelese

Luke 3:33

muana wa Aminadaba, muana wa Ani, muana wa Heselona, muana wa Pelese, muana wa Yuda,

Matayi 1:3

Yuda ne mukashi wandi Tamâ bakalela Pelese ne Zela; Pelese wakalela Heselona; Heselona wakalela Lama;

Rute 4:18

Ei ndelanganyi ya Pelese: Pelese wakalela Heselona,

Nehemya 11:3

Aba mbakelenge ba luseke bakashikama mu Yelushalema; kadi Bena Isalele ne bakuidi ne Bena Lewi ne Bena Netinima ne bana ba bena mudimu ba Solomo bakashikama mu misoko ya mu Yuda, muntu ne muntu mu buhianyi buandi.

Nehemya 11:5

ne Mâseya, muana wa Bahika, muana wa Kole-hose, muana wa Hazaya, muana wa Adaya, muana wa Yoyaliba, muana wa Zekâya, muana wa Muena Shiloa.