Nahume 3:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Nenkuele bintu bia bukoya hamʼbidi hebe, nenkufuishe bundu, nenkuvuishe tshintu tshidi bantu batangila ne dihetu.

MUKANDA WA MYIDI MUKULU

⁶ Nenkubondakaje ne bitotshi, utue bundu. Nebishale tshilejilu tshidi tshikuatshisha bantu bowa!

Nahume 3:6 Referans Kwoze

Malaki 2:9

Bua malu â nennuvuishe bantu bahetudibue ne bahuekeshibue ku mpala kua bantu bonso, bualu bua kanuena nulama mei anyi, kadi nudi nulesha bantu kansungusungu mu diyisha dia mikenji.

Yirmeya 51:37

Babulona neikale anu mishiki ya nsubu minyanguke, muaba udi mibuabua nushikame, tshintu tshidi tshikemesha bantu ne tshidibo babangila, kakuyi muntu wushikamamu.

Yobe 9:31

wewe neungele mu mutubu wa bintampi kabidi, ne bivualu bianyi mene nebindengulule.

Ebrewu 10:33

tshituha tshia makenga mbualu bua nuakavuishibua bu tshintu tshia kutangilatangilabo bua bihendu ne makenga; ne tshituha tshikuabo bualu bua nuakalua babanyanganyi ne bantu bakadi benjibua nunku.

1 Korente 4:9

Bua udi ngela meshi ne, Nzambi wakatuteka tuetu bapostolo kunshikidilu kua bantu bonso bu bantu bakahishabo bua kufua; bua tuetu tuakavuishibua tshimuenenu kudi ba ha buloba, ne kudi banjelo ne kudi bantu.

Nahume 1:14

Yehowa wakuela mukenji bua bualu buebe ne, Kabaledi kankanunuina kakuabo ka dî mua kuangata dina diebe kabidi. Nengumushe luhingu lusonga ne luhingu luakatulabo mu nsubu wa nzambi yebe, nenkulongoluele lukita, bualu bua udi muhetudibue.

Yobe 30:8

Badi bana ba batshimbakanyi ne bana ba badi kabayi bamanyibue, bakabihata ne nsokotshi ha buloba.

Yuda 1:7

Bu mudi bena Sodoma ne Amola ne ba mu misoko ya ha buihi nʼabo, hakadilabo muomumue nʼabo mu masandi, bamane kulonda malu a mubidi adi kâi makanangane ne tshilele tshia bantu, badi batekibua bu tshileshilu, bakenga ne dikenga dia kahia ka tshiendelele.

1 Korente 4:13

hatuvuishilabo lumu lubi, tudi tubasengelela; bakatuvuisha bu manyanu a ba buloba ne bilu bia bintu bionso tô ne katataka.

Malaki 2:2

Yehowa wa misumba udi wamba ne, Binuikala kanuyi baunvuile, ne binuikala kanuyi bauteka mu mitshima yenu, bua kunemeka dina dianyi, nennutumine mulau, nenkudimune masanka enu alue milau; eyo, nakumana kuavuisha milau, bualu bua kanuena nuteka dî dianyi mu mitshima yenu.

Sefanya 2:15

Musoko eu wakadi bantu basankila bikole, bashikame kabayi ne ntatu, wakadi udiamba ne, Meme ndiku, kakuena musoko mukuabo, anu meme. Monai, mudiu mulue tshihela tshia hatuhu, muaba wa nyama ya mu mpata kulala! Muntu yonso udi uhitshilaku nêle tshibingu, uhoha ne tshianza.

Muadi 3:16

Wakutshibula menu anyi ne nsoka mikese; wakumbuikila ne butue bua kahia.

Yobe 30:19

Yeye wakungela mu bitahikidi, nakulua bu luhuishi ne butue.

Yezekiyele 16:37

bua malu â nensangishe balunda bebe bonso bawakadisankisha nʼabo, bonso bawakananga mene ne bonso bawakadi nʼabo lukuna hohamue; nenkunguishe bantu aba ba ku nseke yonso bua kukutshintshimikabo, nemmueneshe butaka buebe kudibo bua bobo babumone hatoke.

Abakuke 2:16

Bundu buebe nebutambe, butumbi buebe nebukehe; nua biebe, utetuke! Luhanza lua mu tshianza tshia bukole tshia Yehowa nelufike kûdi, bundu bukole nebubihishe butumbi buebe.

Malaki 2:3

Monai, nentekeshe maboko enu, nendabe tunvi ha mpala henu, tunvi tua nyama mifila bu milambu mu bidia bienu bia disanka; nebaye nʼenu ku muaba udibo batuimasha.