Nahume 3:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Bena tubalu badi bendesha tubalu tuabo lubilu, muele wa nvita udi ukenya, difuma didi dikenka, bashihibue badi bavule, ne mushiki mimene wa bantu bafue, kabena mua kubala bungi bua bitalu! Badi badishindila ha bitalu!

MUKANDA WA MYIDI MUKULU

³ Babandi ba pa tubalu badi baya lubilu lukole, miele ya mvita idi ikenka, mafuma adi abalakana. Miaba yonsu tudi tumona bitalu mishiki ne mishiki, bungi kabuyi kubala, bantu badishindilapu!

Nahume 3:3 Referans Kwoze

Abakuke 3:11

Diba ne ngondo biakimana mu miaba yakadibi, bualu bua dinkenke dia mikete yebe hakahitayi, bualu bua kukenka kua difuma diebe diakadi dibalakana.

Yezekiyele 39:4

Wewe neuhone ha mikuna ya mu Isalele, wewe ne bisumbu biebe bionso bia masalayi, ne bantu bonso badi nʼebe; nenkufile kudi nyunyu ya mishindu yonso idi idia munyinyi, ne kudi nyama ya mu mpata bu bia kudia biai.

Yeshaya 37:36

Muanjelo wa Yehowa wakaluhuka, wakashiha ba mu tshitudilu tshia Bena Ashû binunu lukama ne makumi muanda mukulu ne bitanu. Hakabika bantu ne dinda dionso, monai, bakasangana bantu aba bonso anu bitalu.

Yeshaya 34:3

Bashihibue babo nebimashibue, muhuya mubi wa bitalu biabo neubande mulu, mikuna neyivingutuke ne mashi abo.

Nahume 2:4

Makalu a mata adi e nza diyoyo mu misesu, adi atutakana mu misesu minene. Adi akenka bu bimunyi, adi atambakana bu kukenya kua miele ya nvula.

2 Bakalenga 19:35

Butuku abu mene muanjelo wa Yehowa wakaya munkatshi mua tshitudilu tshia Bena Ashû, wakashiha bantu binunu lukama ne makumi muanda mukulu ne bitanu; hakabika bantu ne dinda dionso, bakasangana bitalu bia bantu bamane kufua bonso.

Genese 3:24

Nunku, yeye wakihata mulume, wakateka bakeluba ku esete kua budimi bua Edene ne muele wa nvita wa kalua wakadi utshinguluka ku nseke yonso, bua kulamabo nshila wa ku mutshi wa muoyo.

Lewitiki 26:37

Nebalenduishangane, mundi kayi ubihata, bu bantu badi banyema ku muele wa nvnta, kanuena nuikala ne bukole bua kuimana ku mpala kua bantu badi nʼenu lukuna.

Yeshaya 66:16

Bualu bua Yehowa neashikishe dikosa diandi dia bilumbu ne kahia, ne ku muele wa nvita hamʼbidi ha bantu bonso; ne badi bashihibua kudi Yehowa nebikale bangi.