Nahume 3:13 - Mukanda wa Nzambi Dihungila Dikulukulu ne Dihungila Dihia-dihia 2003

¹³ Mona, bena nvita bebe badi anu bu bakashi munkatshi muenu. Bibi bia ku ditunga diebe bidi biunzuluka kudi bena lukuna bebe, kahia kadi kavingutula biamu biebe bia kuinshila nʼabi bibi.

MUKANDA WA MYIDI MUKULU

¹³ Bena mvita bebe badi amu bu bakaji. Biibi bikole bia bimenga bia mu ditunga diebe, bidi bidiunzulukila, baluishi babuela. Kapia kadi kosha mabaya adibu bapayike ku biibi.

Nahume 3:13 Referans Kwoze

Yirmeya 51:30

Bena nvita ba mu Babulona bakulekela kuluangana, badi bashala mu mpangu yabo ya mabue, bukole buaho buakashika, bakulua bu bakashi; nsubu yandi idi mikuate kahia, biamu bia ku bibi biandi biakutshibuka.

Yeshaya 19:16

Mu dituku adi Bena Ejipitu nebikale bu bakashi. Nebazakale ne nebatshine bua kukuha kua tshianza tshia Yehowa wa misumba tshidiye ukuha ha mutu habo.

Nahume 2:6

Bibi bia ku nkila ya misulu bidi biunzuluka, nsubu wa mukelenge udi ushimbuka.

Yirmeya 50:37

Muele wa nvita ufike kudi tubalu tuandi, ne kudi makalu andi a nvita, ne kudi bantu ba bende bonso badi bashikame munkatshi mua bantu bandi, bua bandamuke biabo bu bakashi! Muele wa nvita ufike ku bintu bia mu bibutshilu biabo, bua bakuabo babanyengebi!

Misambu 147:13

Bualu bua wakukolesha nkanu idi ikuata bibi biebe, wakuvudishila bana bebe badi munda mua ngumbu yebe disanka.

Misambu 107:16

Bualu bua wakutshibula bibi bia tshiamu tshia mitaku, wakukosa milonda ya tshiamu tshifike yakabikuata.

Yirmeya 50:36

Muele wa nvita ufike kudi bena mbuku, bua bandamuke bahote! Muele wa nvita ufike kudi bena nvita bandi bakole, bua bakuatshike buowa!

Nahume 3:15

Mu muaba eu kahia nekakushidishe, muele wa mata nenkushihe, neukudie bu mudi mukumbi wenza. Vulangana bu bana ba mikumbi, vulangana bu mikongolo wa mikumbi.

Obadya 1:9

Temena, bena bukitu bebe nebakuatshike buowa, ne muntu yonso neashihibue ne neumushibue ku mukuna wa Esau.

Nahume 2:7

Bakukuata mukelenge mukashi, bakuvula bivualu biandi, bakuya nʼandi mu buhika, bena mudimu bandi bakashi badi batua mikemu bu miadi ya nyunyu ya nkutshi, badikuma mu biadi biabo.