Nahume 3:11 - Mukanda wa Nzambi Dihungila Dikulukulu ne Dihungila Dihia-dihia 2003

¹¹ Wewe kabidi neukuatshike maluvu, neufue tshihuka, neukebe tshinyemenu bua kuhanduka kudi muena lukuna.

MUKANDA WA MYIDI MUKULU

¹¹ Ne wewe kabidi Ninive, dikenga dinene nedikukuate, bu muntu mukuatshike maluvu. Neukebe muaba wa kusokoma, bua baluishi bebe kabakupetshi.

Nahume 3:11 Referans Kwoze

Yeshaya 49:26

Nendishe badi bakukengesha minyinyi ya ha mibidi yabo mene, nebakuatshike mashi abo mene bu mudibo bakuatshila maluvu a dimeme. Hashishe bantu bonso nebamanye ne, Meme Yehowa, ndi Musungidi webe, ne Muhikudi webe, Wa Bukole wa Yakoba.

Yeshaya 2:10

Buelaku mu lubuebue, udisokoke mu dinfuenkenya dia buloba, ku mesu a Yehowa adi akuatshisha bantu buowa, ne ku butumbi bua buneme buandi.

Luke 23:30

Hashishe nebabange kuambila mikuna minene ne, Nutubuikile; ne mikuna mikese ne, Nutubuikile.

Nahume 1:10

Badi bajingakane bu mingonge ya meba, badi bakuatshike maluvu abo, badi balue bu bisonsa biume

Osheya 10:8

Bitendelelu bia ha mukuna wa Awena nebibutudibue, biakadi bubi bua Bena Isalele; meba ne mingonge nebimene ha bioshelu biabo; ne bobo nebambile mikuna ne, Nutubuikile! Nebambile mikuna mikese ne, Nutuhonene!

Yirmeya 4:5

Umanyishe ba mu Yuda ne wele dî edi mu Yelushalema, ubambile ne, Elai mpungi ha buloba; bandisha mei ebe, ubambile ne, Nudisangishe hohamue, tubuele bietu mu misoko idi ne ngumbu.

Yeshaya 2:19

Bantu kabidi nebabuele mu mbuebue ya mu mabue ne mu nyongolo ya mu buloba, bua kusokomabo ku mesu a Yehowa adi abakuatshisha buowa, ne ku butumbi bua buneme buandi, hajukeye bua kuzakasha buloba bikole.

Misambu 75:8

Bualu bua mu tshianza tshia Yehowa mudi luhanza ne maluvu adi alulukamu; ludi lûle tente ne bintu bia muhuya muimpe bisangisha ne maluvu, ne yeye udi uhumunamu tshituha tshialu. Bulelela, bantu babi bonso ba ha buloba nebanuemu tô ne bishikishiki bialu, nebabinue kabidi.

Nahume 2:1

Mubutudi udi ulua kukubunda Lama lumbu luebe lua nvita, tentekela ku nshila, suika mukaba webe bikole, tantamana bikole.

Mika 7:17

Nebalake dinfuenkenya bu nyoka bu bintu bia ha buloba bidi bidikoka hanshi, bobo nebahatuke ku mena abo ne dizakala. Nebakanke ku mpala kua Yehowa Nzambi wetu, bakuatshike buowa; nebatshine bua bualu buenu kabidi.

Amosa 9:3

Nansha biabutamabo ku mutu kua Kâmele, nembakebeku ne nembakuate bua kubumushaku; nansha biasokomabo ku mesu kuanyi mu ndondo wa mai manene, nengele nyoka dî mu muaba wawa bua yeye abasume.

Yirmeya 51:57

Mukelenge udibo babikila ne, Yehowa wa misumba, udi wamba ne, Nenkuatshishe baminyampala bandi ne bena meji bandi maluvu, ba-gouverneur bandi, miloho yandi, bena nvita bandi bakole muomumue; nebalale tulu tua tshiendelele, kabena batabala kabidi.

Yirmeya 8:14

Tudi bashikame hanshi bua tshinyi? Tudisankishe hamue, tubuele mu misoko idi ne ngumbu, tufuilemu; bualu bua Yehowa Nzambi wetu wakutuhisha bua tuetu kufua, wakutunuisha mai adi ne lulengu bua tuetu kunua, bualu bua tuakuenzela Yehowa bibi.

Yeshaya 63:6

Nakadiata bantu hanshi mu tshiji tshianyi, nakabavuisha bu bantu bakuatshika mu tshiji tshianyi, nakahumuna mashi a mioyo yabo hanshi ha buloba.

Yeshaya 29:9

Hampakanai! Tuai mikemu! Nudifofomeshe mesu! Nuikale bafofo! Badi bakuatshike, kadi kabayi banua nvinyo; badi butenkakana, kadi kabayi banua maluvu makole.

1 Samuele 14:11

Bubidi buabo bakadimuenesha kudi masalayi a Bena Peleshete; Bena Peleshete bakambilangana ne, Monai, Bena Ebelu bakuhatuka mu mena akadibo badisokoke.

1 Samuele 13:6

Hakatangila Bena Isalele ne didi munkatshi mua malu makole (bualu bua bantu bakadi ne ntatu), nunku bakasokoma mu mbuebue ne mu bisuku ne mu mabue ne mu miaba mikuabo ya kusokoma ne mu mena a mikela.