Nahume 1:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Udi mua kuimana ku mpala kua tshiji tshiandi nganyi? Udi mua kukolela njiya yandi nganyi? Tshiji tshiandi tshikole tshidi tshitema bu kahia, ne yeye udi uhanda mabue.

MUKANDA WA MYIDI MUKULU

⁶ Padiye mufike munda, udi mua kukandamana nnganyi? Padiye ne tshiji, udi mua kushala ne muoyi udiku anyi? Tshiji tshiende tshidi tshilambuluka bu kapia, mbuebue mene idi ipandika kumpala kuende.

Nahume 1:6 Referans Kwoze

Yirmeya 10:10

Kadi Yehowa udi Nzambi wa bushuwa; yeye udi Nzambi wa muoyo ne Mukelenge wa tshiendelele. Buloba budi buzakala hikaleye ne tshiji, ne ba mu bisamba bia bantu kabena mua kuimana ku mpala kua tshiji tshiandi.

Malaki 3:2

Kadi nganyi wamanya mua kushala holâ mu dituku dia kulua kuandi? Nganyi washindama hamuenekeye? Bualu bua yeye udi bu kahia ka mukunjishi wa biamu, ne bu nsabanga wa musukuidi wa bilulu.

Nahume 1:2

Yehowa udi Nzambi wa mukau ne udi udisombuela, Yehowa udi udisombuela, udi mûle tente ne tshiji, Yehowa udi udisombuela kudi badi nʼandi lukuna, udi ulamina bena lukuna bandi tshiji

Misambu 76:7

Wewe, wewe hebe, udi ukuatshisha bantu buowa; nganyi udi mumanye mua kuimana ku mpala kuebe hawakuata tshiji?

Yezekiyele 30:16

Nentemeshe kahia mu Ejipitu, ba mu Sina nebikale ne kanyinganyinga kakole, musoko wa No neubuludibue, nebashimbule ngumbu ya Mempi kudi bena lukuna.

Muadi 4:11

Yehowa wakabakengesha tô ne hakashika tshiji tshiandi, wakahumuna tshiji tshiandi tshitambe bukole; wakatemesha kahia mu Siona, kakosha bishimikidi biandi.

Muadi 2:4

Wakunana buta buandi bu mudi umena lukuna wenza, wakuimana mubukuate ne tshianza tshiandi tshia balume bu muena lukuna; wakushiha bonso bakadi balengele ku mesu. Mu ntenta wa muana mukashi wa Siona wakumuenesha tshiji tshiandi bu kahia.

Yeshaya 27:4

Tshiji katshiena munda muanyi. Nakadi kusua ne meba ne mingonge bikale ku mpala kuanyi bua kuluangana nʼanyi nvita! Nakadi kubidiata muinshi mua makasa, nakadi kubiosha kaba kamue.

Yeshaya 10:16

Nunku Mukelenge, Yehowa wa misumba mene, neatume disama dia tshinyanu munkatshi mua bena nvita bandi badi ne mafuta, ne muinshi mua butumbi buandi nebatemeshe tshidi tshitema bu kuosha kua kahia.

Misambu 90:11

Udi mumanye bukole bua tshiji tshiebe nganyi? Udi mumanye njiya yebe idi itshinyisha bantu nganyi?

Misambu 2:12

Nuluangane mishiku ne muana wandi wa balume, bua yeye kikadi ne tshiji, ne bua nuenu kanujiminyi mu nshila. Bualu bua tshiji tshiandi tshidi tshitemeshibua lukasa. Disanka didi kudi bonso badi bamueyemena!

1 Bakalenga 19:11

Yeye wakamuambila ne Uluhuke, wimane ku mukuna ku mpala kua Yehowa. Yehowa wakahita ne tshihehele tshinene tshikole tshiakahanda mikuna, tshiakatshibula mabue ku mpala kua Yehowa; kadi Yehowa mene kakadi mu tshihehele. Ku nyima kua tshihehele buloba buakakanka, kadi Yehowa mene kakadi mu kukanka kua buloba.

Didimanyisha 16:8

Muinai wakahongolola luhanza luandi ha diba, ne bakadihesha bakole bua kuoshadi bantu ne kahia.

Didimanyisha 16:1

Nakunvua dî dikole difuma ku ntempelo diambila banjelo muanda mutekete ne, Yai bienu nuhongolole mpanza muanda mutekete ya tshishi tshia Nzambi ha buloba.

Didimanyisha 6:17

bualu bua dituku dinene dia tshishi tshiabo diakulua, ne nganyi udi mua kushindama?

Yobe 40:11

Lesha tshiji tshiebe tshikole; tangila muntu yonso udi mudisue ne umuhuekeshe.

Misambu 130:3

Yehowa, bu wewe mubale dihambuka dia bantu, muntu kai wakadi mua kuimana, Mukelenge?

Yeshaya 13:13

Nunku nenzakashe bintu bia mu diulu, nenkankishe buloba tô ne humukabu mu muaba wabu, bualu bua tshiji tshia Yehowa wa misumba mu dituku dia tshiji tshiandi tshikole.

Yeshaya 66:15

Bua, monai, Yehowa nealue mu kahia, ne makalu andi a nvita neâlue bu nvunde, bua kulesheye njiya yandi ne tshiji tshikole, ne kulesheye kubela kuandi ne ndimi ya kahia.

Yirmeya 21:12

nuenu ba mu nsubu wa Davidi! Yehowa udi wamba ne, Nulumbulule bilumbu ne kulumbulula kuakane ne lunkelu, nuhandishe muntu udi ne bintu biandi binyengibue mu bianza bia mumukengeshi, bua tshiji tshianyi katshihatuki bu kahia, kadi kosha kakuyi udi mua kutshijima, bualu bua bubi bua bienzedi bienu.

Yezekiyele 7:8

Tshituha tshihi nennuhongoluele tshiji tshianyi tshikole, nemmane difikʼa munda dianyi kunudi; nennulumbuluishe bu mudi bienzedi bienu, nennuhingashile difutu bua malu enu onso a bundu.

Yezekiyele 21:31

Nenkukoleshe tshiji tshianyi, nenkuelele kahia ka tshiji tshianyi; nenkufile mu bianza bia bantu badi bu nyama mene, badi ne lungenyi lule lua kubutula nʼalu bakuabo.

Yezekiyele 39:6

Nentume kahia hamʼbidi ha ba mu Magoga ne hamʼbidi ha badi bashikame kabayi ne ntatu mu miaba ya ku muelelu wa mai manene; nunku bobo nebamanye ne, Meme ndi Yehowa.

Sefanya 2:2

diambedi mukenji kauyi muanze kukola, diambedi dituku kadiyi dianze kuhita luhilu bu mudi bisote bihehuka, diambedi tshiji tshikole tshia Yehowa katshiyi tshianze kufika kunudi; diambedi dituku dia tshiji tshia Yehowa kadiyi dianze kufika kunudi.

Malaki 4:1

Yehowa wa misumba udi wamba ne, Monai, dituku nedilue didi diosha bu kahia ka mu tshikutu, ne bonso badi badisue ne benji ba malu mabi honso nebikale bu bisonsa; ne dituku adi didi dilua nedibashidishe, kadiena dibashila nansha muji nansha ditamba.

Yobe 9:5

Yeye udi umusha mikuna minene kayiyi mimanye bualu, hayikudimuneye mu tshiji tshiandi.

Yobe 26:11

Makunshi a diulu adi azakala, adi atua mikemu bua kubela kuandi.

Misambu 76:8

Wewe wakunvuisha bantu dikosa diebe dia bilumbu difuma mu diulu; buloba buakatshina, buakahuwa talalâ,

Yeshaya 33:14

Bantu babi ba mu Siona badi batshina; lukanku luakukuata badi kabayi bitabusha Nzambi. Muntu kai wa munkatshi muetu udi mua kushikama hehi ne kadilu kadi kashidisha? Muntu kai udi mua kushikama hehi ne kahia kadi kosha tshiendelele?

Muadi 2:3

Yeye wakuhempa lusengu luonso lua Isalele mu tshiji tshiandi tshikole; wakûmusha tshianza tshiandi tshia balume kudibo ku mpala kua bena lukuna babo. Wakuosha nseke yonso ya Yakoba, bu kahia kadi katangadîka kosha bintu bionso bidi ha buihi nʼaku.