Nahume 1:2 - Mukanda wa Nzambi Dihungila Dikulukulu ne Dihungila Dihia-dihia 2003

² Yehowa udi Nzambi wa mukau ne udi udisombuela, Yehowa udi udisombuela, udi mûle tente ne tshiji, Yehowa udi udisombuela kudi badi nʼandi lukuna, udi ulamina bena lukuna bandi tshiji

MUKANDA WA MYIDI MUKULU

² Maweja-Nangila Mvidi Mukulu wa mukawu, udi unyoka bantu badi bamubenga. Udi ne tshiji tshikole, udisombuela kudi baluishi bende, kayi ubafuila luse.

Nahume 1:2 Referans Kwoze

Zekâya 8:2

Yehowa wa misumba udi wamba ne, Ndi munvue mukau bua Siona, nakukuatshika tshiji tshikole bua bualu buandi.

Ekesode 20:5

Kubinaminyi, kubitendeledi, bua meme Yehowa, Nzambi webe, ndi bianyi Nzambi wa mukau, ntu ngatumina bana ba tshihungu tshisatu anyi tshinai badi hanyi lukuna mibi ya batatuʼabo.

Misambu 94:1

Wewe Yehowa, Nzambi wa disombuela, wewe, Nzambi wa disombuela, utemene biebe!

Ekesode 34:14

Kutendeledi nzambi mukuabo nansha; bualu bua Yehowa udi ne dina diandi dia Mukau, udi Nzambi wa mukau.

Yoshua 24:19

Yoshua wakambila bantu ne, Nuenu kanuena mua kukuatshila Yehowa mudimu, bualu bua yeye udi Nzambi wa tshijila, udi Nzambi wa mukau, yeye kena unujimishila mahanga enu anyi mibi yenu.

Ebrewu 10:30

Bua tudi bamumanye yeye wakamba ne, Kusombuela mbualu buanyi, nempingishile bantu difutu diabo, wakamba kabidi ne, Mukelenge nealumbuluishe bantu bandi.

Yeshaya 42:13

Yehowa nealuhuke bu muena nvita mukole; neasonsole lukunukunu luandi bu muena nvita; nêle dî diandi, nêle mbila mikole; neadimueneshe bu muena bukitu kudi bena lukuna bandi.

Dielulula 4:24

Bualu bua Yehowa, Nzambi wenu, udi bu kahia kadi kashidisha bionso, udi Nzambi wa mukau.

2 Petro 2:9

Mukelenge udi mumanye mua kuhandisha bantu bandi bimpe mu mateyi abo, ne mua kulama bantu babi mu dikenga tô ne halua dituku dia kulumbulula;

Rome 12:19

Kanudisombuedi, bana betu banangibue, kadi nushile tshishi tshia Nzambi muaba; bualu bua bakafunda ne, Busombuedi mbuanyi, meme nenfute; mudi muamba Mukelenge.

Mika 5:15

Nendisombuele ne njiya ne tshiji tshikole kudi ba bisamba bia bantu bidi kabiyi biunvue.

Yowele 2:18

Hashishe, Yehowa wakakuatshika mukau bua buloba buandi, wakafuna bantu bandi luse.

Yezekiyele 39:25

Bua malu â Mukelenge Yehowa udi wamba ne, Mpindiu nengumushe Yakoba mu buhika bua kumuha diakalengele, nenfuile bonso ba mu tshisamba tshia Bena Isalele luse; ne nengikale ne lukunukunu lua dina dianyi dia tshijila.

Yezekiyele 6:12

Udi ku muaba wa kule neafue ku tshihuhu; udi ha buihi neafue ku muele wa nvita; washala ne muoyo hatshintshimikabo musoko neafue ku tshiole; nunku nenshikishe tshiji tshianyi tshikole hamʼbidi habo.

Yirmeya 4:4

Nuditengule bua kudijidila kudi Yehowa, numushe misoso ya ku mitshima yenu kabidi, nuenu bantu ba mu Yuda ne badi bashikame mu Yelushalema; bua tshiji tshianyi katshihatuki bu kahia, katshilu bu kahia kadi muntu kayi mua kujima, bualu bua bubi bua bienzedi bienu.

Yeshaya 51:20

Bana bebe ba balume bakufua tshihuka badi balala hanshi mu masanga a misesu yonso, bu ngulungu mukuate mu bukuondo; badi bûle tente ne tshiji tshia Yehowa, ne kubela kua Nzambi webe.

Yeshaya 51:17

Tabala, tabala, bika biebe, Yelushalema, wakunua luhanza lua tshiji tshiandi ku tshianza tshia Yehowa, wakunua luhanza ludi lukutenkakasha, waku dî mana tô ne ku binyindanyinda.

Yobe 20:23

Hambeye kukuta, Nzambi neatemeshe tshiji tshiandi kudiye, neamuhumuinetshi bu bia kudia biandi.

Lewitiki 26:28

meme nennuhidie kabidi, nengikale nʼenu tshiji nennukengeshe misangu muanda mutekete bualu bua mibi yenu.

Rome 13:4

Bualu bua makokeshi yonso udi muena mudimu wa Nzambi kûdi bua kukuvuishila buimpe. Kadi biwenza bibi, utshine; bua yeye kena utuala muele wa nvita hatuhu. Udi biandi muena mudimu wa Nzambi, udi musombuedi wandi bua kuvuisha tshishi kudi udi wenza bibi.

Zekâya 1:14

Nunku muanjelo wakadi uyikila nʼanyi wakangambila ne, Amba ne, Yehowa wa misumba udi wamba ne, Ntshidi mukuatshike mukau mukole bua Yelushalema ne bua Siona tô ne mpindiu.

Mika 7:18

Neanyi udi Nzambi bu wewe, udi ubajimishila bubi, udi ulekelela difuka dia buhianyi buandi bubi bua ditomboka diabo? Yeye kena ushala ne tshiji tshiendelele, bualu bua udi usanka bua kulesha bantu luse lujalame.

Yezekiyele 38:18

Mukelenge Yehowa udi wamba ne, Mu dituku adi dialua Gogo kuluangana ne ba mu buloba bua Isalele, tshiji tshianyi tshikole netshinunke tô ne mu diulu dianyi.

Yezekiyele 36:6

Bua malu â, amba biebe mei ebe bualu bua buloba bua Isalele, ambila mikuna minene ne mikuna mikese, bihongo ne bibanda ne, Mukelenge Yehowa udi wamba ne, Monai, nakuamba dî mu mukau wanyi ne mu tshiji tshianyi tshikole, bualu bua nuakufuishibua bundu kudi ba mu bisamba bia bantu.

Yezekiyele 8:18

Nunku nengenze malu anyi ne tshiji tshikole. Disu dianyi kadiena dibatangila ne dinanga, tshiena mbafuila luse; nansha biadilabo ne di dikole mu matshu anyi, tshiena mbunvuila.

Yezekiyele 5:13

Bua nunku tshiji tshianyi netshishike, tshiji tshianyi tshikole netshikale kudibo, hashishe netshibole, nensambibue. Nebamanye ne meme Yehowa nakuamba dî bua mukau wanyi, hanahumuna tshiji tshianyi hamʼbidi habo.

Muadi 4:11

Yehowa wakabakengesha tô ne hakashika tshiji tshiandi, wakahumuna tshiji tshiandi tshitambe bukole; wakatemesha kahia mu Siona, kakosha bishimikidi biandi.

Yirmeya 36:7

Bumue, haluabo kutendekena Yehowa, nebalekele kuenda, muntu ne muntu, mu nshila wabo mubi; bualu bua tshifikʼa munda ne tshiji tshikole bia Yehowa bidiye uhisha nʼabi bantu aba bidi binene.

Yirmeya 25:15

Yehowa, Nzambi wa Isalele, wakangambila ne, Angata luhanza elu lua nvinyo wa njiya yanyi ku tshianza tshianyi, ulunuishe bisamba bionso bia bantu bia kundi nkutuma.

Yirmeya 3:5

neashale ne tshiji tshiandi tshiendelele, anyi? Neashale nʼatshi tô ne kundekelu kuatshi, anyi? Mona, wewe wakuamba nunku, kadi wakuenza malu mabi onso akadi mutshima webe musue kuenza.

Yeshaya 66:15

Bua, monai, Yehowa nealue mu kahia, ne makalu andi a nvita neâlue bu nvunde, bua kulesheye njiya yandi ne tshiji tshikole, ne kulesheye kubela kuandi ne ndimi ya kahia.

Dielulula 7:10

utu wafuta bantu badi nʼandi lukuna difutu diabo ku mesu kuabo, bua kubashiha: yeye kena uhanga muntu udi nʼandi lukuna, neamufute ku mesu kuandi.

Yirmeya 28:8

Baprofete bakadiku ku mpala kuanyi ne ku mpala kuebe, mu matuku a kale, bakamba mei a kuhisha nʼau bisamba bia bungi ne makelenge manene, mei a kubadimusha bua nvita, bua makenga ne bua tshihuhu.

Yezekiyele 38:19

Mu mukau wanyi ne mu kahia ka tshiji tshianyi tshikole nakamba ne, Mu dituku adi kuzakala kunene nekuikale mu buloba bua Isalele;

Ekesode 34:7

udi ulesha binunu bia bantu luse lujalame, udi ubuikidila bantu malonga abo ne kusambuka kuabo kua mikenji ne malu mabi abo; kadi kena ubingisha muntu udi uhila; udi utumina bana ba tshikondo tshisatu anyi tshinai mibi ya batatuʼabo.

Dibadika 25:11

Pinehasa, muana mulume wa Eleazâ, muana mulume wa Alona muakuidi, wakalekesha tshiji tshianyi kudi Bena Isalele, bualu bua yeye wakadi ne mukau bu mukau wanyi munkatshi muabo, nunku tshiakashiha Bena Isalele bonso ne mukau wanyi.

Yirmeya 50:15

Numuele bibingu ku nseke yandi yonso, udi wamba kuteketa, bishimikidi biandi biakuhuka, badi bashimbula ngumbu yandi. Bualu bua edi ndisombuela dia Yehowa, nunku nudisombuele kudiye, numuenzele yeye bu mudiye wenzela bakuabo.