Muambi 8:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Nansha muntu muenze malu mabi misangu lukama, nansha mushale ne muoyo musangu mule, bulelela, ndi mumanye ne, Badi batshina Nzambi nebahete diakalengele ku mesu kuandi, bua badi bamunemeka;

MUKANDA WA MYIDI MUKULU

¹² Nanku muntu mubi udi mua kuenza bibi misangu lukama, kushala amu ne muoyi matuku mavule. Ndi mumanye kabidi mudibu bamba ne: “Amu bantu badi batshina Mvidi Mukulu nebapete diakalenga, bualu badi banemeka bumfumu buende.

Muambi 8:12 Referans Kwoze

Misambu 37:11

Kadi badi ne mitshima mihuekele nebahiane buloba, mioyo yabo neyisanke mu ditalala dikumbane.

2 Petro 2:9

Mukelenge udi mumanye mua kuhandisha bantu bandi bimpe mu mateyi abo, ne mua kulama bantu babi mu dikenga tô ne halua dituku dia kulumbulula;

Muambi 7:15

Nakatangila malu onso mu matuku a ditshimbakana dianyi; muntu muakane udiku, udi ufua mu buakane buandi; muntu mubi udi uvudisha matuku andi mu bubi buandi.

Muambi 3:14

Ndi mumanye ne, Malu onso adi Nzambi wenza neajalame tshiendelele; kabena bamanye mua kusangisha tshintu ha mutu, kabena bamanye mua kumushaku tshintu; Nzambi wakenza nunku bua bantu bamutshine.

Rome 9:22

Bikala Nzambi, hakasueye kulesha bantu tshishi tshiandi, ne kubamanyisha bukole buandi, wakatukisha ne lutulu lunene bifuadi bitekela tshishi tshiandi bilongolodibua bua dibutuka,

Luke 1:50

Luse luandi ludi ku milongo ne ku milongo Ya bantu badi bamutshina.

Rome 2:5

Bualu bua tshitshu tshiebe ne mutshima webe wa buhidia, wewe udi udibutshila tshishi tô ne ku dituku dia tshishi ne dia dibuluibua dia kulumbulula kuakane kua Nzambi.

Matayi 25:34

Hashishe, Mukelenge neambile badi ku tshianza tshiandi tshia balume ne, Luai, nudi nusankishibua kudi Tatu wanyi, nuhiane bukelenge buakunulongoluelabo ku tshibangidilu tshia buloba;

Muambi 7:18

Mbimpe kulamata ku bualu ebu bikole; kumushiku tshianza tshiebe nansha; bualu bua watshina Nzambi neahanduke mu malu onso.

Muambi 5:16

Ebu mbualu bubi kabidi bua muntu udi uhingana anu bu muakalueye. Udi ne difutu kai? Wakenzela luhehele mudimu;

Nsumuinu 13:21

Diakabi didi dilonda benji ba malu mabi, kadi diakalengele didi difutu dia bantu bakane.

Misambu 115:13

Neavudishile badi banemeka Yehowa disanka, ne badi bahuekele ne badi banene.

Misambu 112:1

Tumbishai Yehowa! Disanka didi kudi muntu udi unemeka Yehowa, udi usanka bikole bua mikenji yandi!

Misambu 96:9

Tendelelai bienu Yehowa baluate bivualu bia tshijila, Zakalai ku mpala kuandi, nuenu bonso ba ha buloba.

1 Kulondolola 16:30

Zakalai ku mpala kuandi, nuenu bonso ba ha buloba. E, buloba budi bujadikibue, kabuena mua kunyungishibua.

1 Bakalenga 21:25

Kakuakadi muntu mukuabo bu Ahaba wakadihanyisha bua kuenzeye malu mabi ku mesu kua Yehowa, wakadi musonsolodibue kudi Izebele, mukashi wandi.

Dielulula 12:25

Kanudi mashi; bua nukume dikasa dimpe ne bana benu badi banulonda ku nyima, hanuenza malu adi mimpe ku mesu kua Yehowa.

Ekesode 1:20

Nzambi wakenzela baleleshi bimpe, bantu bakakumbana ba bungi, bakalua bakole be,

Dielulula 4:40

Nuenu nutumikile mei andi ne mikenji yandi, bu munakunuambila lelu, bua nuenu nuikale ne disanka ne bana benu badi banulonda ku nyima, ne bua nuenu nuvudishangane matuku enu ha buloba budi Yehowa, Nzambi wenu, unuha tshiendelele.

Dielulula 12:28

Nutumikile, nunvue mei onso anakanuambila: nunku nenukune dikasa dimpe ne bana benu badi banulonda ku nyima tshiendelele, hanuenza malu adi mimpe ne makane ku mesu kua Yehowa, Nzambi wenu.

Misambu 128:2

Bua wewe neudie bia kudia biwakukuatshila mudimu ku bianza biebe; newikale ne disanka, newikale ne diakalengele.

Muambi 5:7

Bualu bua mu bilota bia bungi mudi mei a bungi ahatuka, kadi utshine Nzambi.

Muambi 12:13

Eu nshikidilu wa malu onso; malu onso adi munvuike. Utshine Nzambi, utumikile mikenji yandi; ebu mbualu buonso budi muntu ne bua kuenza.

Yobe 35:15

Ne mpindiu bualu bua tshiji tshiandi katshiena tshianze kukengesha bantu babi, ne bualu bua yeye kena muanze kubala buhote bua muntu,

Nsumuinu 28:14

Disanka didi kudi muntu udi utshina malu mabi misangu yonso, kadi udi ukolesha mutshima wandi neabuele mu dikenga.

Yirmeya 44:10

Kabena banji kudihuekesha tô ne ku dituku edi, kabena banji kutshina, kabena banji kuenda mu mikenji yanyi anyi mu mayisha anyi, binakuteka ku mpala kuenu ne kua batatu benu.